一樂燒鵝

營業中

休息中

早兩年獨遊台中時，喺阿里山民宿喥認識咗對高雄夫婦，好開心今年佢哋嚟咗香港，探我之餘仲叫我介紹d地道美食比佢哋去試，另外佢哋仲想試下香港嘅燒臘，尤其係燒鵝。老實講，我喺香港好少食燒鵝!印象中好似只係去食過一次深井燒鵝。原本都想帶佢哋去深井食，但山長水遠，加上佢哋想dinner後上太平山頂睇夜景。於是我上網search，見到一樂燒鵝。佢總店喺大埔，中環呢間係分店，而呢間分店連續幾年都係米芝蓮推介，2015 & 2016 仲攞埋一粒星，所以勁多人幫襯。店面小小，走嘅係平民路線，入面同外表都係一間普通嘅燒味舖，坐得比較迫。不過入面賣嘅係與眾不同嘅燒鵝，所以等耐d同坐得迫都係值得嘅!雖然名為一樂燒鵝，呢度唔止賣燒鵝，仲有油雞、白切雞、玫瑰油雞、叉燒、燒腩仔等港式燒臘舖常見嘅燒臘。燒腩仔燒腩仔雖然皮好脆但肉好肥，我麻麻地。招牌燒鵝一樂嘅燒鵝同一般燒臘舖嘅肥燒鵝好唔同，佢d鵝係比較清瘦，冇過多嘅皮下脂肪，唔會食到成口油，恰到好處。而且皮脆肉嫩，肉質鮮甜又唔鞋口，加上一樂獨門嘅醬汁完完全全地被燒鵝吸收晒，食落味道有好重嘅八角味!好香!食飽飽之後我哋就上太平山頂睇夜景，香港係東方之珠，夜景真係歎為觀止!

因過海工作和上司前來一試米芝蓮一星的燒鵝飯 11點半前來，店裡已坐滿一半!點了個燒鵝叉燒飯。唔駛一分鐘，個食就放咗係面前 一試!!唔係講笑,果刻真係空白咗兩秒!!從來未試過咁好食嘅燒味飯米飯吸收咗燒鵝ge油香,再加上自家製醬汁~再配上1分鐘出餐,溫度熱辣辣!!燒鵝皮脆肉嫩,我還是第一次將全皮及脂肪狠狠地吞下每碟隻併飯均有3-4片燒鵝及叉燒。相比之下叉燒就車為普通~ 下次來決定了落重本試試燒鵝肶飯!!!(12點3左右走時已聽見鵝肶完售)這小店絕有Encore 的價值

伙計無禮貌都已經預左，但係無唸到連基本對人既尊重都無。我地三個人一齊去，我朋友帶左個一歲小朋友、明明有個檯空左，佢地一定要我地坐最逼果個位（廚房後面果個三位座位），我地解釋話小朋友坐果邊會好D，因為寬咯D，但係伙計堅持要我地坐最逼果個位，話張檯留俾其他六人檯。（最後都係俾左一團三個人坐）完全無同理心，最後個小朋友因為太逼打瀉左耶，搞到好撈搞。小朋友仲燙傷，即刻大喊、職員豪不理會，仲好似我地左住佢做生意，喵曬嘴咁！你生意好，忙，對客人粗魯啲都已經慣啦，但係咁樣真係好無人性，啲野食幾好，都係好陰功。我知道我放一個post 未必會影響他生意。但係真係覺得咁既態度好乞人憎，好令人鄙視。成日話啲遊客點點點，其實有啲香港人都係好冷漠，好現實，淨係顧注搵錢咯。

本來以食物質素都勉強可以接受那個價格，但是服務質素咁超班，未食已經飽哂。幫趁左好多次以為見到人地投訴可能係個別事件，點知今天揸住錢等了佢十分鐘仲未落到單，一句唔啱聽即話唔做生意😡😡其實佢已經鬧緊之前個位客人，又忙住落單安排坐位，不斷發忟憎。話事人咁把炮不防就幫佢宣傳下，見到成個門口都係手推喼，就知佢D生意多到唔憂做，氣燄大到我以為佢先係客。你地去中環食乜都好，如果想試下什麼是食到一肚氣可以試試。大家好自為之

上個星期靈光一閃想食燒味，久仰一樂既大名，就決定去一樂試下。等左十分鐘左右就有位。兩個人本身想叫碗燒鵝脾瀨粉，一坐底即刻叫呀姐落單，點知已經賣哂。極之失望但既然已經係happy Friday 就好豪咁叫左半隻燒鵝再加飯同麵。等左五分鐘左右就有喇，食左幾件好老實真係幾失望唔好食咩？佢又未到難食，好食好特別咩？我真係唔明點解可以咁普通都賣咁貴。。要成三百蚊。隻燒鵝脾啲好"鞋" 皮又唔脆 我真係唔明點解可以上米芝連咁多年！收錢個呀姐收完錢，用極其差既語氣講"快啲走 快啲走 唔好阻住" 唔通佢見啲我見唔到既野？同場加映 有檯遊客落完單俾呀姐質問 "你地五個人，唔夠食架，叫多啲啦" 人地堅持，呀姐又repeat，客人企硬，最後呀姐西面！

今日走中环闲逛，拿出openrice搜索看到一乐烧鹅，也算人气小店，米其林一星。为了免去排队之苦，等到下午两点以后再去。果然无需排队，直接点了招牌脆皮烧鹅饭。这种人气店我根本不指望有什么服务态度啦，但是其实过来招呼的阿姨还是很和气的。很快餐食就上桌，份量对于成年男性很难吃饱吧。而且就是七八条烧鹅加底米饭，拍照?还是算了。至于味道，很普通啦。非常平淡，只是烧鹅皮很脆。但放到北京，稍微过得去的烤鸭店，都做得到这个水准了。有时候很感慨在香港做餐饮比内地幸福百倍，内地能做到顾客看店家脸色的，怕是千里挑一。但在香港一乐烧鹅做到这个程度都可以累积如此高的人气，真心服气。不过香港房租应该很贵，其实这大半年在香港兜兜转转，发现餐饮行业竞争也很激烈，店铺更迭速度也很惊人。但也希望香港朋友有机会去到内地多走一些地方，多吃一些地方特色食物，真会有大大不同感受，体会地大物博的概念。

昨日公布了米芝連結果，本想試另一間同樣得一星的燒鵝專門店，但友人提議試一樂燒鵝。好吧！反正兩間未試過。是日星期五晚，八時左右到達，在店外等了大約十分鐘。進店後，環境雖然擠迫，但早有期望重點放在食物上。原先，我和友人想點兩個燒鵝脾飯，但已售罄。於是我們點了半隻燒鵝，一個白飯，一個湯粉。第一口食燒鵝，香口和脆皮十足，不過，和想像中的美味仍然有一段距離。以$290售賣半隻燒鵝，加上一般的環境，惡劣的服務態度，不會期望有第二次，講完。

今午與友人點了一碗叉鵝河、一碗叉鵝麵。朋友的先到，正常的一碗河粉；到我碗麵來到，朋友驚說怎麼這麼少鵝！我一看，不只少，是碎碎的一點...問店員，一女一男均走開不回應。另一女侍應在說話但內容完全不是回應我的問題。我生氣說「不吃了」，她很快回答「不吃就出去比錢...」另，中秋節買了一隻一樂燒鵝回家做節，質素已很差！今午去吃之前還跟朋友說多給一次機會看是否中秋太多訂單... 經過今天的經歷，絕對不會有下次了！

攞左米芝蓮嘅一樂燒鵝做生意原來好有問題， 唔知大家有無遇過呢個情況。 話說早幾日買外賣一盒燒鵝飯， 當時門口寫住56蚊咁就幫襯， 咁佢都係收56蚊， 無問題啦…見幾好味過兩日又買燒鵝飯， 咁諗住都係56蚊， 因為門口都係寫住56蚊， 佢突然同我講59蚊喎， 另外再叫多個叉鵝撈麵， 餐牌寫73， 佢又收76， 好似價錢任佢講咁， 態度又衰， 好似唔休做咁， 米芝蓮都係咁話， 呢啲大支嘢嘅舖頭唔會再幫襯。希望各位網友可以一齊打壓佢， 唔好幫襯呢啲做生意有問題嘅×店。

今日放咗工好想食燒鵝，近近地去中環一樂到會一會佢先，去到已經坐無虛席，剛好有人走，可以直入👍🏻坐底已經諗好豪一豪佢叫碗燒鵝脾瀨...點知姨姨話未返貨無😱😱😱點呀？！一點幾仲未返貨架...😭為有叫左普通燒鵝瀨，D鵝好夠味，但唔滑”鞋鞋地”瀨粉都ok，幾好味！呢到食好有壓力，食到差不多D姨姨叔叔好快手幫你清晒D野😆

中環燒鵝’一樂’ 好岀名的的燒鵝瀨粉 $56 好味的 燒鵝皮好脆👍🏼肉質嫩滑 瀨粉軟硬適中$56咁的質素絕對okay 可惜今次食唔到招牌燒鵝脾瀨粉 $108下次再去食燒鵝脾😏

晚上在中環附近覓食，突然想起很久沒來吃一樂燒鵝了。  6:30 入去，接近座無虛席，還好兩人是有位的。 甫坐下就發現旁邊坐的是日本人，對面桌是內地人。看來一樂燒鵝在遊客眼中也很有名氣。顯然，中環店獲得過米芝蓮一星吸引了不少外地客。4年前我來的時候還沒有那麼多人。一坐下，不用想，直接點了最普通的燒鵝瀨粉，56元，貴一點有燒鵝胸瀨粉和燒鵝脾瀨粉。友人則點了燒鵝胸飯。點了食物等沒多久就上桌了，一碗燒鵝瀨粉份量也不少。燒鵝很香，暗紅色的燒鵝皮泛着黃色的油光。一口湯下去，有淡淡油脂和鮮甜，估計有放了燒鵝的剩餘部位去制作湯頭。瀨粉一條一條完完整整，口感煙韌，不是一般貨色可比。吃一啖燒鵝，有明顯的燒鵝肉香，而且肉質細嫩，再一淡湯，口裡的味道更上升另一個層次。我不禁感嘆，燒鵝果然搭上瀨粉才是美妙絶配。最厲害是，燒鵝的皮浸在湯中也還是維持香脆可口，令人佩服不已。普通的燒鵝瀨粉略嫌燒鵝肉會比較少，看來下次點燒鵝胸瀨粉會吃得更開心呢。

十二點去到直入唔洗等。燒鵝脾皮脆唔肥，豉油汁飯唔會太多好咸，可能我食得淡d，我覺得岩岩好。我覺得係誠意之作。$108 可以接受一般港式茶餐廳服務水準，即係冇咩服務可言。

服務：吃飯一共只吃了不到十五分鐘，還在喝熱檸茶店裡面的人就趕我走，還很無理地沖我喊：別玩手機了，趕緊出來！坐我對面的兩個女生燒鵝只吃了一半，店員就問她們收盤子。買單的時候正在拿錢，收錢的阿姨一直催促："快一點！你快一點啦！我要的是效果！"（I don't know why she is saying this non-sensable words)食物：比兩年前差了很多！第一，燒鵝的分量很少，而且都是骨頭，肉很少，咬起來会咯到，女生都吃不飽；第二，價錢也很貴，燒鵝58，熱檸茶18，感覺是讓你口渴，不得不買飲料，店就可以賺錢很生氣，總之不會再來。如果你想來毀掉你一天得心情，就來一樂吧。

誤打誤撞，在午飯的時間來到這燒味店，都是入到餐廳才知道原來這餐廳已連續三年取得米芝蓮一星的榮譽。都可說是打破了自己一貫的想法，因為要取得一星並不容易，不單是食物，店內裝修及服務應該都要計算。但這餐廳其實是較地道的燒味店，沒有特別的裝修，服務也是較快餐的一種，不能說有服務可言。食物會是怎樣呢？點了一碟叉鵝飯，份量比想像中的少。而燒鵝的擺設更是有點凌亂。味道會是怎樣呢？叉燒肥瘦適中，口感柔軟。而燒鵝的皮也夠脆，肉味也佳。其實整體都不錯的，但如果是米芝蓮一星的話就有點未及格了。