一森素食

營業中

休息中

今日又想食素食快餐, 今次試下南乳芋頭魚片豆卜飯🍚, 也要個套餐有碗中湯, 另外加15元酸齋, 之後找位置坐, 等一回店員就送上素飯, 今次依個款就賣相麻麻地😄不過都試下唔同款式, 南乳食落唔係好咸, 撈飯啱啱好😚, 芋頭炆得好夠淋, 食落入晒南乳的香味, 魚片就似炸魚片, 食落味道都不錯, 豆卜係主角, 所以都比得幾多, 亦入晒南乳味, 但食落唔咸, 撈飯都好好, 但因為所有食材差唔多顔色, 所以煮出來d顔色更加一致😆變左無敢吸引, 但味道不差, 亦食下酸齋, 也是入晒味, 酸味啱啱好, 食落暖暖地👍亦好淋, 唔會好似某d地方又硬又勁染橙色😅, 再之後飲埋冬瓜湯, 煲得好濃, 入面食到好多豆, 飲落好香😋💯, 等下次又試下其他先

之前食過尖沙咀分店, 今日過來試下油麻地分店, 地方比尖沙咀細, 不過食飯時間的關係, 所以都坐滿人, 今次唔叫小菜套餐, 試下快餐類, 我揀左羅漢齋節瓜飯, 配例湯, 合共36元, 今時今日真係有依個價錢, 其實非常抵食😄, 見到另外有一邊可以加叫菜同一d小食類, 我就揀左15元酸齋, 我之後找位置坐, 等左一陣送上我的午餐🤩, 家庭式小店, 賣相唔差, 唔係求求其其, 唔好以為d份量好少, 其實餸同飯都相當多🥰, 一定夠飽, 羅漢齋同節瓜都炆得好淋同入味😗, 撈飯食好開胃, 啱晒家陣炎熱的天氣, 味道唔會好濃, 唔會好似平時素食店包勁多汁係上面, 食落比較清淡😍, 又食下酸齋先,亦唔好以為15元比好少, 一舊舊真係最少4, 5件, 佢食落唔係凍, 係暖暖地, 而且唔係好橙色好多色素的感覺, 比我預期好味😀,再飲埋個湯, 係老黃瓜加豆, 飲落清甜, 唔係味精湯🥰🤩😍之後想食素, 都會再過來😄👍

小店11:00先開，果日平日11:4x入去，未有太多人，坐坐下差不多坐滿，多數一至兩人入去，年紀偏大的人士光顧。呢度好多款不同既素食選擇，午市套餐好抵，$36（有飯有餸有湯），如果唔要湯就$31。我㨂了I餐，萵筍素肉飯，包一碗粉葛湯。先去counter點餐俾錢，再搵位坐低等，午市都多客，所以大約等咗8至10分鐘左右先上到餐。呢位座位有限，所以食完都唔好意思坐太耐，想讓返個位俾其他人，同埋唔習慣同人坐太埋（如一人既客多數坐同一邊既一排座位，左右隔離都會有機會有人）味道我覺得唔錯，食完完全唔會口渴，食物調味恰當，份量亦適中，算是區內比較抵食的選擇。

用餐日期：2024/04/04用餐時段：午餐 用餐費用(每人）：$106餐廳環境：室內不多座位 檯與檯之間較近 人多時可能要搭檯 服務：服務員服務態度好 味道：點了2個小菜(沙薑雞+鮮金菇扒西蘭花)+酸甜齋因媽媽在食齋期關係 今天去她家前來這家買素食小菜外賣給她做午餐 這家的小菜即叫即做所以等了約10分鐘左右 食物份量足賣相沒特別 但媽媽說所點的菜都味道不錯 推薦總結：這家是小店素食快餐經營模式 多是做街坊生意 服務員態度好 午市外餐套餐有長者優惠 食物味道也不錯 也比多數的素食店開得早些 是值得推薦的家常素食快餐餐廳餐牌+餐廳資訊：

紅燒獅子頭，送兩碗湯，共$58一粒粒圓轆轆，大小均勻，好似粒湯圓咁😉🥺😄細細粒，比一般獅子頭細好多，跟魚蛋大細差唔多！裏便係素食肉，外表以為好硬，咬落好林😋😋🤭口感唔錯，仲有菜墊底👍👍👍餐廳一向做嘢絕不求其，細心製作😬😄尖沙咀價廉物美的餐廳，上次食過一個滷水花生豆腐都好好食一係尖沙咀就會去食😚😚😚沒有蛋奶成份🫡🤭早上11點好少人，晏晝12:30至1:30忙少少，但係堂食都有足夠位有餘😎😎沒有+1服務費

媽咪食齋，我周圍搵下好食又平嘅齋舖，搵到哩間有鍋氣，味道啱啱好，即使外賣返到屋企都好食炸金菇外賣有兩盒，份量都多。（我外賣嘅，但如果想堂食，多人可能坐得唔舒服，餐廳係小店，位置唔多，做街坊生意，冇話好靚裝修，少少擠逼。）張相片係食到一半先影嘅，主要希望支持下間餐廳餐廳好好啊！依家年年加價，佢仲賣得好親民，所有小菜都係$45-55，而且質素好好

係油麻地返工半年，今日終於第一次幫襯“一森素食”，點左香樁薑黃素海鮮鮑魚炒飯（因為未見過可以咁樣配搭），盛惠56蚊，送一碗例湯。今次係絕對抵讚既，本來我預左香樁醬偏向油膩，加上熱辣辣既黃薑，但出奇地恰到好處：啖啖黃薑加香樁味，鮮味又不會互搶，至於那個‘’鮑魚‘’就是菇菇，而‘’海鮮‘’就是素雞。不會太油膩。至於老黃瓜湯，真係落足料，一股純撲的田園風味。 沒有一滴油和味精， 清新零負擔。相信這暫時是我比較滿意的一餐，下星期再去試它的其他菜式。bye bye～

健康素食, 無蛋, 無奶, 無色素, 無味精.蓮藕生根咕嚕肉飯.好味, 抵食,  不濃味, 腸胃就會好, 健康又會好.因人手問題, 油麻地店, 暫星期日休息.收現金,  (油麻地店, 暫八達通機壞了)油麻地站 B2 出口旁.

油麻地這間老牌齋鋪你食過未？午餐連湯原來是係HK$35，菜式就每日一樣，蔬菜素肉都煮到好腍方便長者食素，仲有汁撈飯都幾好味既。一森素食就在油麻地地鐵站隔離非常方便。午市套餐每日都係這幾款，單點HK$30，加湯就HK$35。店內環境狹窄，座位都好逼夾，介意者就自行跳過啦。除了飯餐也有其他小菜可以吃。店員姨姨好好人，上餐速度亦幾快。怡香茄子四季豆素肉飯 HK$35份量唔會好多，我叫了少飯所以菜看起來後多蠻叫人滿足，茄子煮很好腍又入味，仲有好多獻汁可以撈飯，有味但又唔算太鹹，感覺非常適合長者吃的齋飯。

油麻地素食唔算好多 而咁岩依間係值得一試再試既素食店 岩哂素食人心水回頭率極高 位置上好方便 就係正地鐵站隔離 加上接近住宅 所以都好多客食物方面 主打係平民食品 價錢都相當抵。 除左小炒之外 都提供套餐 價錢都係$30-35 絕對係抵 。 其他既小食 好似酸齋 、芋頭魚等 都係$12-15 抵到爛今次叫左「蓮藕生根咕嚕肉飯」 （$30） 如果加埋湯既話$35。 份量方面岩岩好 如果大食既人可以加多啲小食。 咕嚕肉係素黎 但食落去口感好似肉 唔會令人覺得好寡。 蓮藕煮得岩岩好 唔會太硬 同埋一啲都唔粉 同埋加左啲蕃茄落去 酸酸地幾開胃。 生根味道唔錯。 上次光顧嗰陣 都試過啲小食。 個人極推薦芋頭魚 。 一份3件 但唔會好細舊。 味道同老字號齋店拍得住 岩哂啲想過下口癮又怕太飽既人

今日去開油麻地區工作，中午當然係要找餐廳醫肚！ 當然要試下 呢間一森素食！ 羅漢齋炒節瓜味道十分好， 既清淡又食到 “家”的感覺 實屬難得！食材新鮮，即叫即炒！ 提提大家 店舖狹窄 大家要忍讓下！ 值得推介！

小店好近地鐵站，內裡好細，座位同通道有啲迫，主要做熟客生意菜式算多，除左餐牌，亦有手寫餸菜呢到特別之處，係先出去向老闆付款，非一般餐廳，先食飯後埋單合桃蝦球西蘭花套餐：包例湯及白飯 $53例湯清甜，差不多有半碗豆白飯煙韌，唔會太硬太黏主菜大碟好足料，係鹹左少少，需要改善左下角個碗係紫心芋頭魚$15，有3塊，香脆可口，加埋黑白芝麻，比一般食到既芋頭魚有特色，好食！雖然環境擠迫，但不斷有客人幫襯，而且老闆同客人閒話家常，係一間有人情味既小店

香港素食店小。此家平價素食為主！住家菜feel自行到收銀處叫食物再付款，之後會送到你坐的位置款式大約二十多款。味道一般但勝在價格平沒有加味精！牆上貼了一些字報，在說一些快樂的真理，多有趣不要有高期望，食物一分錢一分貨

今晚係屋企做團年飯，因為家姐和朋友都係素食者，所以媽咪係一森買了一份6人份量嘅盆菜。做得好像真肉盆菜咁! 素鴨/鵝做得幾好，連外國朋友都話好味道!大家防試下，但6人份應該夠10人食啊!$248

一森素食的地點雖然鄰近油麻地港鐵站，但十分不起眼，座位也很少…若不是素食青年網友推介，也不察覺此平價有心小店。餐單主要分為飯餐(大約$28，65歲以上飯餐更只需$22 ! )和小菜兩種，我們選了西檸素鴨和XO醬小炒兩個小菜。付款是自助形式。例湯是西洋菜湯，從來未食過味道那麼濃郁的素湯 ! 另外一讚是XO小炒，瓜、甘筍、菇、雲耳…都炒得很爽口，也沒有素肉，食到唔停口。總而言之，一森是一間健康的平民小店，對素友來說更是喜訊。