一幻拉麵

買一送一就嚟試下原來佢就係香，食落去一啲味都冇，我都未食過拉麵，可以一啲味都冇，好神奇。買一送一都唔值得，然後幾乎全自助仲票加一。好彩，我係一送一嚟食，如果係正價嚟食，我應該會好嬲。…查看更多

一幻拉麵想不到外賣那麼好吃，湯很夠熱，燙口，非常好，蝦味香濃，拉麵有咬口，不會太硬太生。叉燒夠薄，又嫩，不老，比想像中好，價錢超值，運費才一元，最低消60元，很合理，想不到外賣那麼便宜。另外點了大阪燒餃子，其實特色就時有木魚花和沙律醬，比一般餃子更具特色和好吃，肉不算老，沙律醬是我的至愛，有加分。還點了蝦拌麵，肉比較嚡，沒叉燒那麼好吃，拌麵也比較乾，有點湯汁吃起來會更順口，有紫菜和明太子，比較夠味，其實幾好的，但份量可以再多點。個人覺得溫泉蛋比糖心蛋好吃，因為蛋白吃起來比較老和嚡口，蛋黃汁相對沒那麼多。拌麵正正需要醬汁，這不過不失…查看更多

一幻拉麵一向以蝦湯見稱，一坐低就聞到濃郁蝦香。「原味蝦湯拉麵（鹽味湯底，幼麵）」一上枱，湯面泛著淡橙油光，未飲已經聞到海香。第一啖入口，鹽味湯底清爽但蝦湯味明確，香氣柔滑、層次漸進。蝦味唔係厚重那種，而係細膩帶甜，越飲越順。 幼麵掛湯力強，彈牙有嚼勁，每口都吸晒湯精。叉燒脂香分明、唔油膩，配埋溏心蛋微甜流心，整體平衡感極佳。湯到尾段依然清香唔死咸，飲完口腔留住一陣清爽海韻。 「蟹柳蟹籽沙律」就係拉麵前嘅小前奏。沙律醬香滑，蟹籽啵啵彈咀，蟹柳帶少少甜味，整體清爽開胃。 成餐冇誇張味效應，但每樣都拿捏準繩。蝦香、鹽韻、滑麵同鮮味，拼湊出一碗靜靜有深度嘅拉麵——低調卻記得佢好耐。#HKFOODIE…查看更多

最近去咗 Mikiki 嘅一幻拉麵，主打招牌蝦拉麵，作為一個曾經喺北海道食過一幻本店嘅人，今次嚟香港分店都係想解一解掛念。🍤 招牌蝦拉麵湯底蝦味有，但比起北海道本店就淡咗啲，冇咁濃郁，少咗啲鮮味同層次。不過以香港分店嚟講，算係可以接受，唔算驚喜但都唔失望，解一解對蝦湯拉麵嘅思念都夠。🥗 沙律（黑醋配搭）沙律用咗黑醋做醬汁，味道偏酸但幾醒胃，蔬菜新鮮，係一個唔錯嘅前菜選擇。🥟 餃子餃子就比較失色，皮唔夠薄，餡料普通，食落有啲似超市急凍餃子，冇乜驚喜。…查看更多

🍜特濃蝦汁叉燒拌麵 $𝟴𝟴 (買一送一)★★★★☆♥︎ 幾好食、唔錯嘅拉麵，蝦味算濃，會想再食嘅♥︎ 拌麵好熱，蝦汁同夠撈麵♥︎ 值得讃嘅係叉燒好好食，好淋、好入味♥︎ 唔同一般嘅叉燒，佢嘅叉燒係一粒粒嘅♥︎ 撈埋之後都仲食到幾舊係原粒叉燒嘅♥︎ 拉麵係粗都，都掛汁♥︎ 糖心蛋入味♡ 櫻花蝦感覺冇好突出🍜原味蝦湯拉麵 (醬油，幼麵) $𝟴𝟴 (買一送一)★★☆☆☆♥︎ 幼麵都掛湯♡ 蝦味好淡，有啲失望♡有櫻花蝦但都冇提升到蝦味♡ 叉燒比較薄身♡ 覺得可以skip呢個🤧🥟原味餃子 (5隻) $𝟰𝟱 (買一送一)★★★☆☆♥︎ 餃子咪道正常，豬肉餃有少少菜喺入面♡ 煎得唔夠香、唔夠脆推介指數: ★★★★☆✿ 大部份都係bar枱✿ QR code落單✿ 開放式廚房，油煙完全冇👍✿ 唔明點解咁平都唔多人食🥲…查看更多

特價優惠價一人套餐$128, 叫第二個套餐半價, 好味, 好味, 好好味賣相一流豬骨湯底有濃郁蝦味, 湯底夠熱,溏心蛋好味麵有點偏軟, 但都煙韌餐套已包括汽水, 沙律, 3只煎餃子拉麵有三塊叉燒, 半隻溏心蛋, 多葱…查看更多

作為一個日本拉麵fans其實真係食好多拉麵不過呢一間連鎖拉麵店食完之後真係好失望下次唔會再去幫襯今日同肥妹仔叫咗上面個二人餐非常之中伏 價錢又唔係相宜絕對配唔起個價錢蝦沙律 用黑醋調味味道尚可 蝦就一定係雪藏餃子完全係預製品仲要係一食就食得出初頭以為佢煎到會有一層簿膜冇都唔緊要 但係餡真係唔掂真係好似超市買拉麵完全係失敗佢話以蝦湯出名但係完全食唔出淨係得赤麵豉味到講啲配菜叉燒薄到透明見底完全好似食緊薄片食唔到有肉味個雞肉叉燒係俾錢另外加相當後悔 冇味之餘仲要係凍 完全冇諗過食碗熱辣辣拉麵塊肉係凍冰冰今次係第一次亦都係最後一次嚟食個餐完全唔抵叫…查看更多

今次嚟到一幻試吓佢嘅招牌蝦湯拉麵！蝦湯拉麵配咗糖心蛋同埋叉燒，湯好鮮甜，但係蝦味未算係好濃郁。亦都可以自己加一啲蒜蓉粒個湯底，調校適合自己嘅味道。另外個沙律有幾隻蝦，沙律汁酸酸甜甜，幾開胃😊…查看更多

一幻拉麵近期有買一送一、二人同行一人免費等優惠，價錢加埋折扣確實抵食，性價比高（人均約$69就有拉麵套餐）。但今次體驗真係非常失望，最大問題係員工服務態度極差，落單時完全冇禮貌，問咩都黑面，成個用餐過程都好唔舒服，完全冇日式餐廳應有嘅親切感。食物方面，拉麵同湯底都偏鹹，蝦味唔夠突出，麵條亦唔夠彈牙，整體味道一般，完全唔值再幫襯。即使價錢吸引，但服務咁差，食得唔開心，真係唔會再去第二次！尖沙嘴好多更好的餐廳，不需要去呢間餐廳受氣！…查看更多

今天與好友一行4人訂了Mikki 的一幻拉麵。店舖環境舒適整潔，我們同時都點了辛辣味噌蝦湯拉麵，麵質彈牙，湯底濃郁，糖心蛋軟糯味佳，在拉麵店中屬中上上水平。特別感謝待應從我們入店起至结賬離開，都提供專業友善的服務，充滿熱情耐心地介紹餐牌不同的選擇，令我們整個用餐過程非常愉快。有比較就有傷害，因為較早前我們 在將軍澳吃了一間越南餐廳，但無論食物質素或餐廳提供的服務，都令我們十分失望。而Mikki 的一幻拉麵對我們提供的專業友善服務，令我們在用餐過程非常滿意。借此機會再謝謝待應的禮待，使我們享受一個愉快的黃昏。我們已各自向親友的群組發放及分享我們今天愉快的體驗。香港餐飲業的倒閉潮需要向貴店的管理層多多學習。…查看更多

環境走日式簡約路線，木質元素與低調燈光營造出舒適的用餐空間，適合追求品質的饕客。晚市套餐以蕃茄濃湯拉麵和牛乳海蝦拉麵為亮點，展現品牌對湯底的功力。蕃茄濃湯拉麵的湯頭層次分明，番茄的酸甜與濃縮鮮味完美融合，搭配中粗麵條，掛湯力十足，口感彈嫩，令人回味。牛乳海蝦拉麵則以奶香為基調，蝦頭熬製的鮮味滲透其中，湯底濃而不重，蝦肉彈性與湯汁相得益彰，堪稱海鮮拉麵的典範。套餐附帶的小份餃子和飯團製作用心，雖非主角卻不失水準。唯獨座位略顯緊湊，高峰期可能稍感擁擠。…查看更多

超級揾笨及呃人嘅舖頭，咩7周年送Coupon，點知原來係揾笨嘅。入坐前已向店員查問係咪可以用Coupon，店員回答單點食物就可以用$100減$50嘅Coupon，其餘套餐及餃子放題就唔可以用。咁我哋就叫咗2碗拉麵，2個餃子放題，埋單時比Coupon收銀，點知佢話整張單要全部單點食物先可以用，我哋因為加咗餃子放題就唔用得，同佢之前店員講嘅唔同。最後迫住要比晒全數，雖然金額唔係大，但感覺比人呃咗，以後唔會再食呢間野…查看更多

店內環境簡約而雅緻，木桌椅散發淡淡清香，燈光柔和地灑在每一個角落，讓人不由得放慢呼吸。晚市套餐是今晚的主角，蕃茄濃湯拉麵如詩般溫柔，湯底濃郁中帶著番茄的微酸，彷彿夏日午後的回憶，麵條在唇齒間輕舞，留下餘韻。牛乳海蝦拉麵則如一首深情的樂章，奶香與蝦鮮交織，溫潤中透出海的呼喚，每一口都是對味蕾的撫慰。套餐搭配的小菜精緻可口，恰到好處地豐富了這場盛宴。店內的氛圍靜謐而舒適，服務員的微笑如春風，讓人感到被珍視。在這裡，食物不僅是飽腹，更是心靈的寄託。…查看更多

晚市兩個人去食原味醬油拉麵，88蚊一碗加1埋單194，極難食兼性價比極低，首先無論粗麵定幼麵都係完全無味，湯底淡到好似清水咁，叉燒係759賣既火鍋腩肉片，成碗麵得隻蛋係入到口，隻隻水杯都有漬，隔離枱換左一次杯都係有，仲有第一次食拉麵係一食完就執枱好似茶餐廳咁趕你走，但係出面係無人排隊。食過香港好多間拉麵，我可以話呢間係全香港最無誠意最難食既拉麵，寧願食food court拉麵。總結呢個係香港No.1難食既拉麵…查看更多

今日星期日放假，我和好友去到啟德行街周圍都好多人🫣🫣好友提議不如過去Mikiki搵下嘢食可能少人D好開心見到一幻拉麵開咗分店😍😍居然冇人排隊，即刻入去食番碗拉麵先🥢一人套餐 $108 好抵食 我點了牛乳赤蝦蝦湯拉麵呢款拉麵有一隻赤蝦又鮮甜又大隻我最鍾意個湯底牛乳蝦湯，好好味😋拉麵我揀咗幼麵，食麵嘅時間配埋蒜蓉醬真係超級惹味👍🏻👍🏻呢個一人套餐仲包括三隻餃子🥟龍蝦沙律菜和飲品都幾豐富😄😄…查看更多