一喜日本料理

營業中

休息中

店面好細，門口一入就望哂得六七枱，但全晚都坐滿咁滯，非常繁忙。日本風裝修，好雅緻，令人舒服嘅環境。兩個人去食但太多野想食，結果就係 食 唔 哂 ！ 估唔到食物咁大份，尤其係個燒豚肉飯一上尼就嚇親我，一個大盒有成兩三碗飯份量，再加上好多嘅豚肉同洋蔥，味道非常好，絕對可以encore！沙律新鮮，牛舌都燒得唔錯，反而係個三文魚扒燒到好乾又冇乜味，稍為失望。最後尼個牛油果軟殼蟹卷，牛油果有啲少同埋唔靚。後尼聽到侍應同隔離講冇哂牛油果，相信就係最後我呢卷啦 🤔

光顧這間餐廳是一個月前的事，母親大人不偏食，但眾所週知大人普遍來說都好像偏好中菜多一點，母親大人生日的正日我剛好沒空，親人對自己來說是很重要的，決定要和她補祝生日。很少和她吃日本菜，這次選擇了一間看來不錯的日本餐廳。一進去便看到了一個大大的陳列櫃，上面是各種的日式裝飾，充滿日式風格。在尖沙咀來說，食物的價錢實屬正常，燒物由70多元至百多元不等，另外還有天婦羅、炸物、鐵板燒等等，鐵板燒則較昂貴。母親總叫我不要因為減肥而不吃飯，常常擔心我吃得不夠飽，她自己很愛吃飯，基本上是無飯不歡，在眾多的飯類中選擇了薄燒牛肉飯，以日本菜來說牛肉配飯確是比較吸引的。牛肉跟吉x家的牛肉完全不能相比，這裡的牛肉並沒有什麼脂肪，而且很香口，被燒過的味道明顯，以$88這個價錢來說有十分高的質素。芝麻雞翼是我向來到日本餐廳都必點的食物，大多數在放題吃的，可以任吃芝麻雞翼真是一種福氣。在這裡的芝麻雞翼也很脆身，很香口，芝麻的數量還真多，雞翼的外皮也不會太油膩，雞肉嫩滑，很好吃。喜歡海鮮的我當然不忘點一份燒元貝，元貝很是大粒，上面有小量的燒汁，燒汁的味道很香濃，元貝則新鮮，沒有腥味，不過稱不上是十分好吃，溫度有點不夠熱

其實已經不是第一次來一喜。 但都忘了要寫一下意見。所以亦沒有特別影下食物或環境相片分享。通常都會和同事來吃午飯。最愛吃他們的魚生粒粒飯， 很新鮮；和加$30吃的雞翼小食， 很脆口。 同事就最愛加手卷和三文魚刺身。 午餐還要包飲品， 每次都吃得好飽， 好滿足! 還有就是他們的芥末是生磨的山葵， 不是一般機製出來的wasabi. 就是喜歡他的仔細。食物質素固然重要， 環境和店員都很關鍵。 本人最喜歡貓貓， 而內裡就有很多貓的佈置和擺設， 牆上的日式畫亦很清雅。 所以每次來都感到很舒服。 店員服務亦不錯， 還會提點我們刺身要快點吃， 放太久才吃就不新鮮了 (那次是我和朋友只顧傾談所以吃得太慢)。 所以， 就是喜歡小店的親切感覺! 還是會再來!

經友人介紹，叫左幾碟料理，都非常唔錯首先上嘅係雞翼，加咗少少檸檬汁，入口亦好脆之後個刺身拼盤都好鮮甜，尤其海膽唔會苦，岩哂我哋呢啲海膽控😍😍海鮮炒飯好足料，好多海鮮唔係齋飯咁dry最後就牛舌串同魷魚串，唔韌，燒出黎啱啱好🤤🤤，味道唔會太濃太淡果然冇推薦錯既一間👍👍 絕對可以encore🤤🤤

Good quality food and good services. Sea Urchin super fresh and delicious, but I forgot to take the photo. My family ordered sukiyaki hot pot, grill chicken wing, lobster salad, soft shell crab roll, tempura, and a whole grill fish. All very good. Highly recommend.

星期六訂了二人位，好開心唔使等。上到去感覺身處於日本嘅居酒屋，尤其喜歡好有日本FEEL嘅擺設，所有嘢都好細緻精美。喺嘢食方便，本人一向喜歡蟹子沙律做前菜，食完非常開胃。接住係刺身，魚生夠厚身，海膽生蠔非常新鮮，二人份量剛剛好。另外要介紹係串燒，牛舌串好JUICE，小蕃薯好甜，蝦夠大隻同新鮮。最後海鮮炒飯同芝麻雞翼亦都係必食的。因為得兩個人，想試嘅嘢有限，下次會試下新鮮魚刺身!!!!店員話最好訂枱時要求留起啲新鮮魚或者海擔生蠔，好彩我今次都食到。我下次會再嚟架!!

尖沙咀區不限時既餐廳真係好少有，今次係我第三次黎一喜，估唔到每次黎都有驚喜，今次有季節岩蠔，生螢光魷魚🦑同活海膽真係估唔到小小既店可以有咁多特別既刺身😱令我地可以每一次都可以試到唔同既新鮮日本海產👍🏿本人真係佩服店主可以咁勇敢係香港做呢類型同咁好質素既店鋪👍🏿仲要價錢相當合理，希望貴店可以繼續保持呢個水準，支持本地小店👍🏿燒物都係呢間餐廳既必食之一，牛舌串燒係厚切架🤤仲有燒油甘魚頭都係我每次黎都必食既，不過今晚冇曬😭店員話每日一條魚只得2客，唯有下次早d打去訂定啦😌唔怪之得咁好食啦🤤🤤🤤🤤新鮮油甘魚頭本人極力推介👍🏿👍🏿👍🏿

小小日本餐廳，串燒牛舌，厚切的，燒到剛剛熟，牛有牛味，誠意推薦，真的太可囗了。鹽燒魚頭，鹹味剛剛好，有encore 再order嘅衝動。鹿兒島豚肉鍋，熱騰騰，小鍋已足夠4人份量，還是店主有心，說不用叫大鍋，以免浪費。魚子海鮮炒飯，飯炒得非常乾身，下次還要試試蟹膏炒飯。壽命併盆比較傳統一點，如果可以加上一些玉子壽司、腐皮壽司會更有傳統特色。看到有客人order 了牛油果軟殻蟹壽司，賣相很喜歡，下次必然試試。味道好得不能再好了，下星期必定再去嚐嚐。

之前在openrice睇到有好多食評讚這間日本餐廳刺身好出色，於是襯黃兔生日—於豪－豪，試下高質素食材餐廳地方不算大，剛好今晚不太多人，而且我同黃兔被安排坐四人枱窗口位，所以成個用餐過程都好舒適枱上有竹籃推薦今晚的刺身魚，剛巧有金目鯛，我知這條魚好出名，而且價錢頗貴。我同黃兔又末食過，好奇心之下於是今晚－於食豪ｄ。。哈哈我地點左:金目鯛刺身（半條）＄688 - 賣相好吸引好新鮮！魚肉呈淡粉紅色，不帶點多餘油脂。食落肉質甜美，爽口彈牙完全沒有腥味，也沒有油膩感真係好好食有别於其他魚，果然名不虛傳！金目鯛魚湯＄80 - 這個是用半個金目鯛魚頭同魚尾加錢淆嘅湯煲。魚湯鮮甜味美，飲得出用心制做材料還有香滑的日本豆腐，冬菇，菜，金菇及水晶粉等。好味到比我地食清光呢壽司拼盤＄498 - 九款壽司有三文魚，鮪魚，劍魚腩，油甘魚，甜蝦，八爪魚，蟹籽，北寄貝各2件，及－條青瓜卷。賣相超吸睛每件壽司都好新鮮，魚肉鮮甜切得大件有口感，壽司飯握得結實不易散，而且酸度剛好－級棒！蒜片牛柳粒＄138 - 份量比想像中多，賣相吸引。肉質嫩滑，加上炸蒜片，帶出牛肉香味，好好食哦服務方面也不錯，態度有禮！而且不會迫客人

日本餐廳除左平日大家都鐘意既日式放題，居酒屋其實都有好多選擇。今次同朋友唔食放題，搵左一間樓上既居酒屋店 好好地聚一番。上到黎既覺得好靚，佈局有種小日本既感覺。雖然餐廳地方不大，但環境寧靜 好適合三五知己聚聚舊 或約會談情既好地方呢。餐具擺設 樣樣好精緻，真係好有日本風。呢度出名既刺身 ，當然要一試吧。一大盤魚生刺身 真係好吸引呢。除左一般既三文魚刺身`海膽外，呢度既黑曹魚都係必試既。肉質較實既質感 係黑曹既特質，若果喜歡這類口感既刺身 一定會愛上。因為係 做刺身外，另一味就係炸物。炸到脆卜卜既曹魚真係好似薯片咁脆，佐酒一流既小食呢。刺身拼盤仲配左一小碗飯，夾埋刺身同吃更美味呢。另外亦點了數款串燒`小食。芝麻雞翼🐥 炸到外皮脆 內裡嫩，趁熱吃好味；串燒拼盤🍢 有甜蕃薯粒`雞軟骨`小青椒，又是佐酒佳啊呢；焗白汁蠔🐚 面頭鋪滿白汁沙律醬`芝士很香口惹味，伴在蠔同吃 很豐富呢。..最鐘意呢度夠寧靜舒服，同朋友傾計都可以放鬆心情呢。一個美好既晚上✨✨💫..

食物質素很好、食材新鮮，特別店員超友善！與男友慶祝生日，預早上去放低蛋糕再接男朋友。女店員很細心見我手拿一大袋禮物，便主動提出幫我keep起袋整個用餐過程亦十分愉快，除了上菜時間稍長，其他都很好，店員倒茶、執台、上蛋糕拍照都很主動又禮貌食物方面，由於我自己並不是特別喜歡生冷的日本菜，但刺身拼盤連我都覺得好食，食材新鮮高質，十分推薦。另外還叫了串燒、卷物、雞軟骨、清酒煮峴，5樣菜2個人都食得差不多飽。最後埋單1000有找

男朋友想食日本野，本身諗住放題既，但發覺放題價錢真係太貴，無謂夾硬食到嘔啦。係openrice 見到呢間一喜，原本以為又係放題，點止睇落又唔似，D野食睇落都唔錯，所以尼左試吓。餐廳唔大，不過環境佈置到好靚，有好多貓貓擺設。店員放低一籃木牌，裡面都係當日推介既魚類刺身。因為對某D魚名好陌生，唯有請店員推介啦。之後我地就揀左幾樣野share 食。三文魚蟹籽沙律，三文魚好多片好肥美，蟹籽咬落脆卜卜，而沙律汁酸酸地，正好用尼開胃!跟住就係店員推仲既 曹以魚，名就真係聽都未聽過，肉質爽口唔肥，有D似油甘魚，左邊既赤貝都好好味。連即磨既Wasabi 都整到好靚，我差D以為係日本食緊omakase!串燒有紫心蕃薯，雞翼，雞皮，雞軟骨，冬菇同辣椒。燒得香脆，但個人略嫌調味唔夠鹹。天婦羅拼盤，炸粉唔厚，炸完亦唔覺得油膩，推介!清酒煮蜆，用熱鍋興住，蜆肉甜而帶淡淡酒香，好食呀環境清靜，好岩同姐妹尼傾計，店員都有禮貌。

一向喜歡食日本菜的我，今晚同爸爸去到尖沙咀寶勒巷（ 一喜日本料理）依家好多食物質素高的餐廳，都會開喺樓上舖 ， 租金會平一些，但又可提供到優質的美食及優惠的價錢，都算是雙贏的方法。海膽一板$188海膽每瓣都入口即溶，非常飽滿鮮甜，可以就咁食，亦可以配上紫菜或白飯食，又是另外一種美味的口感。廚師刀工十分厲害，一塊薄而透光的大池魚刺身， 晶瑩通透十分吸引。深海大池魚刺身（一客）$388 一碟雪白的刺身，好像一把扇散開在你眼前，賣相十分美觀，最緊要當然就是魚質要夠鮮甜美味為首要。鹿兒島黑豚肉鍋$198（細）嫩滑的鹿兒島黑豚肉再配以雜菜同烏冬，熱盪盪的豚肉鍋，食完即時有暖笠笠的感覺。黃金燒廣島蠔$96/2隻，蠔身十分飽滿，美味香甜。芝麻雞翼$48炸至金黃色的雞翼，皮脆肉嫩再灑上芝麻，十分香口美味。

今日我喺某位朋友嘅介紹下，同另一位朋友去咗呢一間位於尖沙咀嘅日本餐廳。我哋首先點咗一份「松」刺身拼盤，包括帆立貝、八爪魚、甜蝦、三文魚、北寄貝、鮪魚、劍魚腩。成個拼盤賣相精美，刺身亦好新鮮，相當吸引。所有刺身都好鮮甜，令人想食完再食跟住我哋點咗一個雜錦天婦羅，有大蝦、冬菇、茄子、番薯同南瓜。天婦羅香脆可口，亦可以享受到食材嘅鮮味，再加上蘿蔔蓉可以消除油膩感，簡直絕配。我哋仲點咗一個鹿兒島豚肉鍋，湯底鮮美，唔會因為豚肉而太肥膩，值得嘗試。總括而言，呢間餐廳質素幾高，好值得大家去品嘗。

最近好鐘意食日本料理，其實都唔係最近，係一直都好鐘意，所以又同大家分享日本料理😂今次去呢間位於尖沙咀的一喜日本料理 試試！🐟刺生拼盤（松）$538賣相好精緻，大大盤，松呢款拼盤有八款刺生，包括有帆立貝、三文魚、鮪魚、八爪魚、北寄貝、劍魚腩、甜蝦同油甘魚，全部都好新鮮同肥美，啱哂刺生控！🧡黃金燒廣島蠔$48/件廣島蠔加上大量的芝士焗至金黃色，面頭再加上蟹籽，好惹味，正！💛雜錦天婦羅$88有大蝦又有冬茹、南瓜等雜菜，熱辣辣又炸得香脆，很不錯，尤其是冬茹天婦羅更是我的最愛😝🐷豚肉紙火鍋$98紙火鍋之前都見過，但就未試過，用紙來裝火鍋幾得意，豚肉份量都幾多同幾嫩，仲有娃娃菜、金菇同薯粉等配菜都吸哂d湯的精華，好好味！