一休(居食屋)日本料理 (38廣場)

營業中

休息中

同呢位朋友一段時間冇見過面朋友好有心咁約出嚟食個生日飯補足返我嘅生日快樂其實照出出嚟見吓面個人都好開心㗎啦.返返去正題先我哋最終揀咗一休呢間日本料理首先我自己都有試過加上佢嘅位置真係坐得幾舒服同朋友飲飲食食傾吓計一流.我哋三位就帶咗以下嘅嘢食1. 醬黃蟹棒壽司2. 三文魚壽司3. 芥辣八爪魚軍艦4. 炸芝士年糕5. 鐵板薄切牛舌6. 三文魚刺身7. 蟹子沙律8. 枝豆9. 牡丹蝦壽司10. 赤貝壽司11. 火焰黑松露帶子壽司12. 火焰3色卷13. 吞拿魚腩軍艦14. 野菜鍋.so far姐餐飯都幾開心大家都有傾有講加上食物都有一定嘅水準你睇圖就知我哋食得幾開心全部嘢清晒離場very 骨啊！

今日陪朋友到旺角『小米』旗艦店睇嘢，先知原來好多嘢都售罄，市道真係咁好，我諗消費劵魔力真係不可以睇小，事關好多嘢用消費劵都可以减幾佰蚊吖。睇睇吓又到食Lunch嘅時間喇，附近兜咗就決定咗來呢間位於山東街的『一休居食屋』，好多嘢食吖，有刺身，壽司，卷物，鍋物，天婦羅，串燒，小食……最重要係價錢好合理。『味付螺肉』，估唔到的超爽口，調味又適中，唔錯唔錯。『4點刺身』有三文魚腩(3片)，油甘魚(2片)，吞拿魚(2片)，甜蝦(2隻)，平得來都幾新鮮，尤其係甜蝦彈牙好咬口。刺身唔貴，但『帆立貝串燒』(2串)更加係今次超級抵食之選，2串，每串3隻，total有6隻帆立貝，好大隻，但係只賣58蚊，你冇聽錯，係58蚊，工展會都唔止呢個價啦。『槍燒鰻魚飯』係朋友嘅選擇，佢都滿意吖。

收工同朋友嚟咗旺角見早早地,就喺附近搵咗居酒屋食個早飯先。由地鐵站行過嚟只需要兩分鐘佢係朗豪坊旁邊kfc上樓就到。我哋一坐低見到個menu,哇, 都幾多樣化,上至壽司下至拉麵餃子咩都有. 而佢地仲有每日精選單點日日唔同同超值壽司可以簡下！我地兩個叫左都幾多野食架,分別有:超值壽司包括有黑松露帶子壽司, 海膽醬赤蝦壽司,三文魚腩同赤貝壽司. 特別推介黑松露帶子壽司,食落口好有肉同滿滿黑松露香味。赤貝都幾爽口！厚切牛脷串燒呢款串燒好抵食, 每塊牛脷都好飽滿,每一口都好有口感。牛肉壽喜燒68蚊價錢,覺得應該係一人份量,睇真d 個窩, d料多到夠三人分享, 雖然唔係日本和牛,入口都幾有牛肉味炸墨魚咀同樣一上枱我都好驚訝點解咁大碟, 48蚊可以得到一份新鮮炸既炸物,完全係物超所值 點一點蛋黃醬係好食到講唔到野本來仲想encore 多兩件壽司, 不過真係好飽lu, 埋單都係350左右, 真係要同朋友再嚟多幾次。

因太晏先食lunch,唔太肚餓，但又想同朋友傾下計，就簡左間坐得舒服既餐廳Menu好精美，款款都有圖🤩🤩睇黎呢間係cp值路線，超級多野簡而定價又大眾化，仲有晚市推介，推介既野食係會平啲👍🏻😛火焰三色卷（$62）有有火炙三文魚、吞拿魚同帶子，每款都有兩件，火炙三文魚、吞拿魚做到入口即溶，加埋啲沙律醬，相當惹味，火炙帶子就保持鮮甜，好味！壽司拼盤（戀火）（$228）有吞拿魚腩、珍寶赤蝦、磯煮鮑魚、和牛、油甘魚、帶子、鱆紅魚、三文魚花之戀、吞拿魚花之戀、海膽、三文魚魚腩，每款一件，一開始真係唔知食咩好，因為款款睇落都吸引😝😝個人最鐘意吞拿魚腩同珍寶赤蝦，吞拿魚腩真係入口即化，滿嘴都係魚油脂香🥳，另外珍寶赤蝦夠鮮甜同魚膠滿溢，我都好滿意

行完朗豪坊,吾想同人逼,過咗去山東街嘅一休開餐!餐廳大部份都係卡位,擺設好整齊,柔和燈光配合啡色梳化,感覺舒服。厚厚嘅餐牌,選擇好多。我哋都係蕃茄控,見到🍅🍅好開心🤭🤭!忍吾住點咗兩個蕃茄湯底主食。✨豚肉炒野菜均衡飲食,吾少得蔬菜。用豚肉炒出來嘅野菜鮮甜、有肉香味再加點芝麻香！高麗菜爽脆有口感。✨鐵板帶子牛油燒大大粒帶子,煎封表面,質感軟嫩帶牛油香。滴上檸檬汁可解油膩！✨蕃茄海鮮手打烏冬✨蕃茄濃湯海鮮鍋手打烏冬同海鮮鍋都係用蕃茄做湯底,大大個鮮蕃茄,加入多款海鮮,味道鮮味中帶蕃茄酸甜,吾係罐頭牌。手打烏冬爽滑又煙靭。最愛三文魚腩豐腴嘅油脂。下次再來食刺身、壽司、燒物。

今日嚟到呢間性價比極高位於旺角嘅一休日本料理菜單嘅價位非常之平民就咁睇佢午餐嘅價錢全部都係$100樓下就已經可以搞掂落單方面亦都可以透過QR code落單非常之方便座位亦都比較闊落，約埋朋友傾偈一流叫咗個一休海鮮沙律，主要係有生菜同埋角切刺身組成食落去嘅感覺好清新醬汁就相對較少感覺更加健康一啲角切刺身又顏色同埋食落去嘅口感都覺得幾新鮮另外再叫咗一個壽司拼盤（梅）12件嘅壽司配上唔同嘅配料入邊都會有啲相對比較貴嘅食材以我個人比較鍾意就係鮑魚，帶子三文魚腩同埋和牛上菜嘅速度勁快，感覺非常之有效率啲蝦都幾大隻同埋非常新鮮和牛入口即溶磯煮鮑魚入口口感彈牙壽司都相當新鮮而且飯量適中，三文魚腩相當之肥美魚油比例極高

今日係旺角做完野，食埋晚飯先返屋企，我地揀左旺角呢間樓上居食屋，地理位置好好，係地鐵站附近。睇睇個Menu， 有好多不同種類既日式料理，有壽司類、刺身類、鍋類、丼飯、燒物，應有盡有，選擇眾多。我地點左幾個小食一齊開心Share！-活赤貝壽司$48值得推介既壽司，唔錯，但壽司比較細舊。-鐵板帶子牛油燒$68大大隻帶子，味道正常，香濃牛油味。-黑松露三文魚沙律$45黑松露配三文魚幾創新，雖然拼埋一齊唔係個個都鍾意，只視乎你鍾唔鍾意食黑松露，係幾特別既。-特盛海鮮丼$75價錢親民，80 蚊以下就食到刺身丼飯，刺身唔錯，但切片比較薄。-蕃茄濃湯海鮮鍋$72價錢超值，有好多唔同種類海鮮，有三文魚、墨魚仔、蝦仔等，有魚有菜，蕃茄湯味濃郁👍🏻

上次黎附近食飯就見到有呢間日本料理，今日行開順便食埋距。店鋪位置唔高，繁忙時段行樓梯都可以上到，整體裝修少少和風，都乾淨企理。等咗大概2-3分鐘埋位。鰻魚愛好者黎親食日本菜都梗係要叫鰻魚飯睇下質素如何啦。上黎都好大一碗，鰻魚表面火炙過，少少焦香，食落口感都好嫩，無細骨。加埋飯地，撈埋啲醬汁，都好好味，有正常水準。珍寶蟹柳壽司都係火炙過，表面好焦香，食落感覺好有蟹味，個人覺得都好鐘意。中華風蒜蓉燒生蠔真係勁正，蒜蓉味足夠，蠔都好肥美，鮮、香、味一流。個人都係更鐘意蒜蓉燒生蠔，正！最愛小食多春魚，真係ok多春喔，但係個人覺得味道差少少，可以稍微落多少少鹽。不過點下豉油都可以噶，不過不失啦。大阪燒真係好大份，其實就係一板噶章魚丸子，味道都係差五多啦。

這間日式餐廳menu 超多選擇，看到花多眼亂😵有刺身，壽司，熟食，鍋麵，適合不同人口味☺️因為朋友跟的也是不吃生的，所以我們倆全叫了熟食😂😄重點是每款食物也是很好食😋而且份量也多，食得超飽😋😋下單是以qr code,方便快捷.食物上菜速度也是超快，下單後10分鐘內全到🤩😱💠炸芝士年糕 Deep Fried Rice Cake w/cheese 🧀$38雖然是炸，但食落不會感到油膩，而且入面包了很多芝士，很creamy ，芝士好軟好香.💠豚肉泡菜鍋 Pork & Kimchi in Hot Pot 🥘$60加$16 烏冬這個鍋的味道簡直是無得彈，而且十分足料.初時感心不夠飽，所以加了一碗烏冬，吃完超飽肚.豬肉比想像中多而且大片，不會嚡.泡菜味好香，浸完也是十分爽口.湯味超香濃，忍不住喝了很多🤣💠三文魚芝士卷 Salmon Cheese Roll 🍣$52 有2款，一款是魚子，另一款時紫菜.兩款也是好味道.三文魚很新鮮，餡入面有芝士粒，兩者很夾.💠吞拿魚沙律軍腩壽司 Cooked Tuna Salad Sushi 🍣$20吞拿魚質感很稔，魚味也很濃厚，入口即溶😛💠海蜇軍艦壽司 🍣 Jell

今晚超想吃日本菜，來到這間叫一休的日本料理，位置旺角核心，很易找到。今天是星期一，來個北海道帶子沙律，帶子很大粒，又鮮甜，與沙律菜perfect match! 芝士吉列蠔卷芝士味香濃，吉列蠔炸得很酥脆，炸很薄薄的，讚。岩石燒雞粒鍋飯石頭鍋熱辣辣，飯有焦香味，燒雞大大件，很嫩口，值得一試。唐揚墨魚咀很大份的呢！墨魚咀被炸得很脆，很香，送清酒一流！三文魚肥腩刺身(四切)對，是四切。每切都超級超級厚的，值回票價。而且三文魚很肥美，鮮甜，高質！下次可以再來！

旺角的中心點就經常去，這天卻不想往太多人的地方走，想轉往橫街覓食，卻給我發現一家日本餐廳，本着冒險精神和老公一試。打開門見到一個精緻燈座，很有日式風味。打開餐牌都有頗多選擇，炸物、刺身等日式食物應有盡有，最重要是價錢十分大眾化。一如往常，我倆都喜歡叫一些冷盤前茶等清清腸胃、開開胃口的，所以我們叫了一客北海道帶子沙律，沙律菜非常新鮮，蟹籽和帶子份量多之餘亦十分爽口甜美。老公叫了一個蕃茄濃湯海鮮煱，用料非常充足，有青口、魷魚、帶子、鮮蝦、蟹柳等等……配合極濃蕃茄湯底，老公還特意叫了一客烏冬加入湯底進食，極之好味。而我則叫了一客角切魚生丼飯，各式各樣新鮮魚生佈滿碗面，未吃已令我垂涎三尺。因為我倆都極愛吃炸蠔，所以雖然已有飽意，最後還是叫了一份吉列廣島炸蠔，幸好貪吃的我們難抵引誘，要不然就錯過了這道美味菜色。最後結賬才$290，性價比相當高的一頓晚餐。

今晚約咗個朋友食飯 問佢有咩好推介 佢就決定嚟呢間日式餐廳食飯😗餐廳喺朗豪坊附近 地點都好方便 大約八點嚟到 都見到餐廳好多人食 好彩我地都唔駛等位😄石鍋黑椒牛肉飯 食物賣相好有似曾相識嘅感覺 都係上檯之後要盡快攪拌 令到啲生牛肉喺石鍋入面煮熟 飯有醬汁同淡淡嘅黑椒味🐮三色魚生飯 魚生有三文魚 油甘魚同吞拿魚 刺身份量都算幾多 睇得出師傅好有心機咁將三文魚刺身砌成一朵花🙈軟骨餃子 外層好脆 入面嘅餡好有口感 有一粒粒軟骨喺入面🥟 感覺好特別大蝦天婦羅 一碟有五條都幾多 蝦肉口感彈牙 但略嫌唔夠脆口 如果可以再炸耐少少 油溫高啲會更好🍤唐揚墨魚咀 份量都算多 每一粒都有咬口 外層嘅粉漿夠脆 但唔夠多調味 要配埋側邊嘅沙律醬會更好食😂個人覺得呢間日本野嘅卷物外貌好似吸引啲 見到隔離枱食得好滋味 可能下次要再嚟嘅話會嗌卷物

最近工作太忙, 真係好想搵間好食既居酒屋食返餐好既。朋友介紹, 旺角有間一休食得過, 今日就黎試下。黎到感覺格局唔錯, 每枱好有私人空間既感覺。 想唔到樓上舖都可以咁。睇落menu都好多野食。 睇落價錢都好平民化, 仲要有是日精選同特價野, 真係好抵。這個壽司拼盤(梅), 好抵食。 有成12件咁多先$168。 而且幾新鮮。 仲有鱆紅魚薄切同希靈魚刺身都好正。 半份都幾多wor。 魚刺身切得夠薄, 好鮮味, 而希靈魚又夠厚, 口感十足。 另外又點左香草燒雞翼同鹽燒厚切牛舌。 我覺得一串有3隻雞翼真係好多, 好抵呀。 而且燒得好嫩, 又夠香。 而牛舌就一d都唔硬, 好爽, 好好味。 唔會好咸。 朋友真係冇介紹錯, 果然係旺角性價比好高既居酒屋。 下次一定要再黎食過。

一休居酒屋位於雅蘭中心附近嘅樓上舖，好容易就會搵到商場門口上一樓就到達。餐廳室內佈置都帶俾人一種寧靜、清新同優閒嘅感覺，令食客彷彿遠離鬧市般，好似襯托返餐廳個名”一陣子的休息”🌾💁🏻‍♀️今次叫咗1️⃣款壽司1️⃣款魚生1️⃣碗拉麵2️⃣個小菜🍣加州卷💰42一休嘅加州卷食材用料相當新鮮，特別喺蟹籽口感十分脆身，粒粒鮮甜。同樣地包住裡面嘅青瓜都清香爽脆，加小小醬油仲增添返加州卷嘅味道😝🦐四點刺身💰88一休嘅刺身盛都相當豐富，包括咗4款海鮮：吞拿魚（2片）、三文魚腩（3片）、油甘魚（2片）、甜蝦（2隻）😋，每款刺身都新鮮肥美，份量同價錢相比亦算合理🍜火灸黑豚肉拉麵💰65呢款拉麵十分有驚喜🤣拉麵湯底帶出濃濃嘅豚肉味，拉麵軟硬度很適中，豚肉以灸燒方法烹調，令肉汁更香濃😋粟米方面都十分香甜呀～🥘大板燒💰46大板燒最重要就係個蛋漿，如果整得唔好就會好重麵粉質感～不過一休嘅大板燒蛋香味濃，表面加咗滿滿嘅木魚，減低咗大板燒嘅膩口外，仲增添多一種香味😋🐷豚肉炒泡菜💰48日式煮法嘅豚肉炒泡菜好惹味，有豚肉同泡菜外，仲有椰菜、紅蘿蔔絲同埋野菌，令到整碟菜式好有日式嘅味道😋

朋友係要見嫁，自從疫情後，開始改變咁大家對及時行樂嘅睇法，今晚就同朋友嚟個即興飯局😆位置旺角朗豪坊附近嘅「一休」居酒屋，由於佢係樓上舖，如果唔係友人一早搵定餐廳，小妹都未必會發現。雖然「一休」無顯眼嘅大招牌，但平日晚上7:30後人流不斷，差唔多全院滿座，重點係平民價錢並沒有將貨就價，而且坐得舒服，性價比中尚👍🏻一行二人叫咗幾款美食都只係人均$150👍🏻🙊牛肉壽喜燒+烏冬平身鍋身係無跟主食，但食壽喜燒最重要就係個湯底，我地就另外加點烏冬嚟自製牛肉壽喜燒烏冬，咁樣都只係$70😲薄切牛肉份量都唔少，鋪滿整個鍋，另外仲帶滿滿號蔬菜🥬，重點烏冬嗦哂壽喜燒湯底，好好味😋牛油果🥑軟殼蟹卷鰻魚卷叫咗兩個卷物都唔錯，唔會一夾就散，一客6件，小妹偏愛牛油果軟殼蟹卷多d，熟透嘅牛油果醬薄薄鋪係卷物表面，包住嘅軟殼蟹仲係脆身嘅👍🏻四點刺身有齊哂三文魚、吞拿魚、油甘魚同大大隻甜蝦，新鮮度合格，而且係厚切魚生都只係$88 😆