一休(居食屋)日本料理 (38廣場)

營業中

休息中

牛油果軟殼蟹卷 $68做得精緻 細細粒 唔會太大嚿👍🏻牛油果香味重 軟殼蟹好脆非常新鮮四點刺身 $108有三文魚甜蝦等等嘅刺身🫶🏻新鮮鮮甜花之戀壽司 $40好耐冇食過😋一樣都係細細粒 唔會太飽肚但係新鮮甜味辣味三文魚 $40好少地方有👍🏻三文魚佢哋嘅辣味做得好惹味 非常好食😋吉列廣島炸蠔 $58價錢唔算貴 不過有啲生蠔食落去唔算太新鮮 咬落去有少少味道👍🏻🥰蟹膏軍艦壽司 $26蟹膏味濃郁亦都非常creamy！！岩石燒豬軟骨鍋飯 $68份量好大 價錢都好抵一隻太陽蛋 仲有好多豬軟骨 雖然豬軟骨唔算太軟 比較硬 但係份量算啦都幾合理！另外仲食咗唔少壽司卷物都非常唔錯😙價錢好抵如果七點前買單嘅話仲有折頭添！

放假嘅時間約咗朋友晚上到旺角一間樓上居酒屋餐廳🍴，位於雅蘭中心隔離非常方便，附近好近地鐵站座位好闊落，場地都非常之大，一入到去都好有日本風格，側邊就有一個寫住日文字嘅牌叫左一個刺身拼盤刺身非常新鮮，第一眼見到已經正😍海膽好好食，唔會太過林，冇咁大腥味仲有吞拿魚同三文魚同劍魚腩切得非常之靚係厚切，食起上嚟十分之爽口好食😋赤蝦刺身都好新鮮明太子雞翼雞翼入邊讓左明太子既餡，好飽滿加上好香口表皮炸蕃薯🍠至愛😋雞軟骨估唔到多幾多份量，炸到金黃色岩岩好蕃茄湯烏冬好濃郁嘅蕃茄湯底，烏冬亦都好爽口彈牙三色火炙壽司🍣有吞拿魚帶子三文魚再加上芝士用火炙燒過，超好食價錢來講呢個都抵食，刺身好大件花之戀壽司呢個就不過不失，如果對比火炙壽司嘅話我會選擇火炙壽司足夠

旺角多嘢食就係人都知啦，而呢一間親民價日本餐廳就一早book mark 左好耐，今日終於有機會去試。我哋兩個人叫咗都總共七款嘅嘢食都只係需要六百多少少，質素仲好味過平時食嘅放題。叫咗一個松刺身盛，共有5款刺身，包括三文魚腩、赤蝦、吞拿魚、海膽同鯛魚腩。全部都好新鮮之餘，仲係好厚切㗎，食落去非常之有口感當中赤蝦係令我哋好驚喜，佢真係好大隻，仲好甜花之戀壽司同火炙三色卷各一份，火炙三色卷兩者之中係比較好味。三色卷包括有帶子吞拿魚同三文魚。輕輕用火燒過嘅刺身，反而迫咗佢哋嘅油出嚟，食落去更加香，每樣食一件都唔會覺得膩，剛剛好炸物同小食方面，我哋就叫咗炸雞軟骨、番薯天婦羅同明太子釀雞翼。雞軟骨夠大份，炸到好脆，再點埋沙律醬就好快成盤清晒明太子釀雞翼就有微微辣，雞翼外脆，內裏既明太子又唔會整到雞翼好鹹，中和得岩岩至於天婦羅就相對以上兩款嚟講就可能普通咗啲。因為我哋唔怕唔夠食所以就叫多咗碗蕃茄牛肉烏冬，蕃茄湯係甜甜的，足料既牛肉同蕃茄，烏冬彈牙，我哋兩個人share一碗就啱啱好。值得一提嘅就係呢度地方夠大，而且坐卡位嘅話仲可以望到樓下嘅景色

過了成8-9年諗住好耐無食過呢間餐廳諗住再次回味呢間餐廳，完全對呢間日本餐廳失望入座坐低本身仲期待緊諗緊食咩好，叫左兩個餐之後一直都無人俾水/茶我地。 當魚生飯黎左之後見到已經有少少失望啲魚生好薄同好少，不過午餐價錢諗住都咁上下。 之後叫侍應俾兩杯水我地，第一個侍應話轉頭之後走左 跟住見佢拎左四五轉野都唔理我地，所以就同第二個人講，跟住佢好完之後又行黎行去。完全無人理我地的要求。其實日式餐廳入去俾杯水/茶客人飲係咪咁難？仲要樓面我眼見都成4-5個人仲要唔full的lunch時間。侍應俾我的感覺係客人的意見完全唔需要在乎出完佢要的餐就算。最後係我地自己出去搵水倒水飲，途中有其他侍應見到都無諗住幫我地手。侍應有時間行黎行去有時間收食完的碗碟，但俾兩杯水客人都咁難去一田買魚生飯食無咁嬲🤭野飲又甜到糖尿病咁這間餐廳永遠不了

最近天氣都比較差，平時喺旺角都鍾意掃街，但係落雨就會冇晒心情～咁啱喺朗豪坊行完街，喺OpenRice搵到附近呢間一休居食屋，價錢位置都唔錯，就去試一試。豚肉炒野菜 $56出去食飯梗係唔少得綠色食物，就算叫菜，都唔會覺得太清淡而唔想食，呢碟炒椰菜入面有好多嘅豚肉，加上醬汁同菇菌食，一啲都唔dry。槍燒三色飯 $72滿滿嘅醬料鋪滿左喺三文魚、左口魚同帶子上面，刺身份量唔算多，但勝在味道好，整體口味較為濃烈，適合重口味人士同埋唔敢食生冷野既朋友。火炙厚切三文魚腩壽司 $22/件火炙芝士帶子壽司 $18/件火炙玻璃胡麻蝦壽司 $16/件火炙吞拿魚壽司 $16/件全部壽司都叫左火炙，個人覺得比喺刺身會更加易入口，而且好鍾意嗰種火炙過後會入口即溶嘅口感！呢幾款壽司入面我最鍾意就係玻璃胡麻蝦壽司同芝士帶子壽司。雖然經過火炙，但依然保留到魚生鮮味，加上醬汁更惹味。三文魚芝士卷 $58呢款三文魚芝士卷有兩隻顏色，一款係紫菜碎嘅外層，另一款係好似平時加州卷咁，不過入面係忌廉芝士同埋三文魚。個人覺得紫菜碎嗰一款食落有啲乾，不過忌廉芝士同三文魚嘅配搭冇得輸，所以整體而言都唔錯。一休有推出下午茶優惠，相當抵食，

今日放假同朋友出街做gym，做完就緊係要食返啲好野啦最後就黎左旺角呢間樓上居酒屋裝修都好日本風，而且座位好闊落，好舒服晚市都唔係好貴，好多都有折扣食日本野緊係唔少得刺身啦，生蠔都好高質，爽口、肉質好firm、甜甜地，海水味唔會好重，其他刺身亦唔會好濃雪味，食落質感都唔會話冷藏到變硬晒，夾起身仲係軟淋淋燒牛舌、明太子三文魚，好多汁，燒得岩岩好唔會燶，賣相又靚雞皮餃子，幾特別，外面係少少脆口既雞皮，入面包住滿滿肉碎，味道非常濃郁雜錦天婦羅，炸粉唔厚，炸完之後都唔會「骨肉分離」，即係炸粉同肉分開晒，抵讚最後再叫左個壽喜燒，味道同我想像中一樣咸咸甜甜，正宗壽喜燒味，肥牛、娃娃菜吸引晒啲湯汁，超好食最後連湯都飲埋

放假約左媽媽食飯，簡左呢間性價比超高既日本料理食，一休位於旺角，好耐以前食過，覺得水準真係唔錯！火焰三色卷 $68一碟有6件，帶子、吞拿魚、三文魚各二，經火炙後既帶子仍然保留到鮮甜，吞拿魚肉質軟淋，魚味好香濃，三文魚口感幼滑，入口滿滿脂香🤤黑蒜油蝦拉麵 $72蝦肉爽口彈牙，拉麵煙煙韌韌，黑蒜油湯底沖味道香濃而不油膩，亦唔會過咸，仲有木耳絲、粟米、紫菜、完隻糖心蛋等配料，口感非常豐富🥰胡麻海鮮魚生冷麵 $68平時多數食魚生飯，魚生冷麵真係好少食🧐呢款冷麵有成4款魚生，甜蝦、三文魚、油甘魚、劍魚，魚生新鮮，配胡麻醬拌住得味道都將唔錯，仲有沙律菜，健康之選！😜鐵板帶子牛油燒 $68呢款鐵板絕對有驚喜，帶子非常大粒，仲要係原隻，帶子鮮甜彈牙，帶有牛油同野菌既香味，絕對值得一試！😝

疫情放緩開放晚市堂食後，緊係要「報復式」消費下，今日行過旺角朗豪坊附近見到一休呢個居食屋招牌就決定晚餐食佢啦。餐廳係1樓有獨立電梯上去，上到去見到一邊係卡位，一邊係大檯。空間算闊落。食物種類算豐富，而我地今次就點左6款食物：刺身拼盤、生蠔、壽喜燒、燒牛脷、三文魚串 & 雞皮餃子刺身都算新鮮，無腥味，而生蠔有淡淡嘅海水味，同埋無碎殼，所以都幾推薦壽喜燒賣相唔錯，牛肉唔算肥，加上配料同醬汁，好食串燒方面，鹽燒牛舌燒得剛剛好，唔會好干，肉嫩。燒三文魚都係，雖然有少少散，但係肉嫩，唔會腥。天婦羅因為剛出爐，炸皮脆，南瓜好甜，炸蝦都ok。較為特別嘅有呢個用雞皮包嘅雞皮餃子，份量剛剛好，一口一隻，雞皮酥脆，加上醬汁食唔錯。總結，呢間餐廳價錢ok，份量足夠，可以一食。

今日六點幾同朋友約咗食飯慶祝生日呢間餐廳地點都幾方便喺朗豪坊附近我哋安排坐到卡位都幾闊落因為我好鍾意食刺身，叫咗個和牛刺身同埋三文魚腩🌟三文魚腩好肥美，完全冇腥味💁🏼‍♀️和牛刺身加嗰個特製醬汁，和牛係油脂分布平均，食落去唔會好漏之後我叫咗我朋友好鍾意食嘅大阪燒，佢裏面都好足料，所以食完呢個都幾飽肚我覺得幾值得推介嘅係燒茄子🍆因為性價比高 😍$38 而且都好大條 蒜味同嗰條味道好正真心一定要叫另外仲叫咗個牛油果軟殼蟹卷，裏面嘅軟殼蟹都炸得好脆呢度上菜嘅速度都幾快，而且每一份都好足料，人均都係二百幾蚊食得好飽去到七點幾嘅時候人都幾多所以建議要訂位

今日晚餐去咗一休到撐枱腳，幾點非常方便，喺旺角雅蘭中心隔離一去到，即刻點左個特價嘅大優惠一牛肉壽喜燒，小食揀咗雞軟骨依度嘅香炸雞軟骨，超級正😍超級大碟，配上蛋黃醬真係一流牛肉壽喜鍋都唔錯，只係$68嘅價錢，想食牛肉火鍋，去湯底係類類似一般嘅壽喜鍋之後另外仲試咗，極上和牛刺身因為睇落真係太吸引啦，上到嚟味道都唔錯，配上特製醬汁酸酸地，係另外一番風味點咗佢嘅三文魚腩刺身，味道真係好新鮮，厚度都OK，作為頭盤一流之後點左火焰三色卷有帶子三文魚，火焰燒得啱啱好最後揀咗燒茄子茄子配搭咗好多蒜，味道就比較普通，但係$38燒茄子真係好抵食

今日食個tea， 嘆一嘆，300蚊已經可以食到好多野兩個主食加3個小食性價比高，行完街拎住一袋兩袋，到這裡就岩😍首先叫了三文魚生飯$68份量都好足料架，三文魚都好新鮮。佢有吾同選舉，可以揀角切魚生，或者一片片魚生。岩石燒雞粒鍋飯$68石鍋飯一定係熱辣辣上，超熱，超香，馬上撈一撈超香口，仲有飯焦香味。重點係個份量，真係超級大份。食極都有。雞粒又多，而且一早燒過。香芒乳酪松葉蟹卷$58夏日炎炎，芒果卷物相當岩，又清新又酸甜。而且蟹係炸過。入口十分脆，外賣又有芒果之清新。大阪燒個人好鐘意食大阪燒，超好味。上面既木魚同個汁永遠令人食得開心，覺得必食。煎餃子平日食日本野都好鐘意叫黎食，日式餃子永續都咁正，配埋餃子汁。

一休居食屋喺旺角地鐵站附近5分鐘路程7點左右已經7-8成位🈵我哋4個叫咗壽司、刺身、炸物、同埋湯鍋首先叫咗油甘魚腩壽司、鮮立魚壽司、芝士蟹籽軍艦壽司，每樣2客；火焰黑松露帶子壽司叫咗4件芝士蟹籽就好重芝士味，同蟹籽1粒粒食落去，口感唔錯. 油甘魚腩同埋鮮立魚都冇乜魚味，油脂味唔夠、少少腥，食落去好普通. 火焰黑松露帶子，雖然重黑松露味，但喺帶子唔夠新鮮，有啲失望. 火焰三色卷分別喺三文魚、吞拿魚同帶子，各2件，刺身上面加咗沙律醬，增加口感. 炸雞軟骨粒最值得推介喺炸雞軟骨粒，好脆卜卜，唔太油膩、好好味. 鹽燒油甘魚鮫呢個鹽燒油甘魚鮫，燒得唔錯，少少鹹味帶出油甘魚嘅鮮味，加上燒完咇出哂油甘魚嘅油，食落口就唔會太油膩. 三文魚頭鍋三文魚頭鍋煮到奶白色，湯裡面滿有魚味亦唔腥，三文魚份量都好多，仲有菜、豆腐1齊煮，非常入味，每人可分到1碗多. 另外，仲叫咗火焰海膽赤蝦壽司、三文魚刺身. 火焰海膽赤蝦，蝦肉彈牙、海膽份量少無乜味；三文魚刺身切得好薄，肉質有根唔肥美，唔太抵食. 整體，炸物、熟食都唔錯，但喺刺身、壽司都有待改善. 地點喺旺角地鐵站附近，非常方便.

今日又搵到一間正日本餐廳！😎 餐廳好近地鐵站出口，行幾分鐘就到🦵劍魚一直係我好中意食嘅一種魚，今次都嗌左黎試下😬 如圖所見，好厚切，好肥🤤亦都無乜腥味，不過如果可以無咁凍就更加好了🤓跟住仲嗌左個主食拉麵。味道就正正常常，不過佢隻蛋做到流心，又幾好食，呢個價錢黎講性價比都幾高🤟🏻呢個鐵板帶子令我幾驚喜！佢粒粒都好大粒都好厚身，食落口感好好，好滿足🤤 當然佢嘅味道都係唔錯的，食材嘅鮮味中亦帶有少許牛油味👍🏻最尾仲有個鐵板魷魚🦑一上已經聞到好香嘅味道，好似啲烤魷魚咁離遠已經聞到🤣同埋佢份量都唔少，幾抵食成間餐廳環境都幾乾淨舒服，落單後都好快就上到菜。價錢偏大眾化，如果去開附近嘅朋友建議可以去試試🤓

堂食開放返到10點，終於可以約朋友夜晚出黎行街食飯啦！今日行旺角，朋友介紹左一間樓上鋪日本餐廳，都幾好食，又坐得舒服menu勁多選擇，仲要差唔多每樣野食都有圖睇，一目了然，完全唔會揀唔落手！呢到仲有我最中意食既左口魚壽司，唔係間間日本餐廳都有左口魚食，呢到加分玉子燒，好厚身而家切好晒，唔係一條過咁上，同朋友食就好易share，唔好食得好狼狽燒茄子，面頭勁重蒜，中意食蒜既朋友一定唔可以錯過，啲蒜多到差啲見唔到茄子茄子好軟身，茄子肉一夾就甩皮，而且勁入味火炙黑豚肉拉麵，豬肉好淋，唔算好肥，但係好重豬肉香味，不過湯底有少少淡石燒雞粒鍋飯，估唔到上面仲有隻窩蛋，配料豐富，調既汁甜甜地好好味，淋上去令個飯唔會好乾身，配埋嫩滑雞肉食一流

戲院岩岩開翻，即刻book 左旺角戲院睇Dr Strange，未開場前去左雅蘭附近試下間日食居酒屋。 地點就腳，座位幾闊落，坐得舒服環境舒服嘅，野食方面都算多選擇，有壽司、手卷、燒物、鍋物…等。壽司方面我地淨係叫左塊三文魚腩壽司，幾新鮮既，三文魚塊夠肥美，如果d 飯再多翻d 就正啦 跟住就黎個芒果乳酪松葉蟹卷，本身打算系塞飽自己。但竟然有surprise。有芒果嘅香甜，有乳酪嘅酸味提鮮，加埋蟹肉嘅甜味，配合埋一齊，好耐都無食過咁有layer嘅飯卷。真心讚串燒好香口，牛舌 同埋 雞翼，都係岩岩燒好最多肉汁嘅狀態下，送到我地面前。有8.5/10。唯一可惜雞翼唔係純鹽燒，如果唔係肯定有9分，佢地都超juicy ah相信之後塊會幫襯，希望有位，同keep到野食水準喇