ナカヨ食堂

營業中

休息中

健康好味抵食之選通常諗唔到食乜又想食平啲就會嚟依到通常黎依度食燒魚有平有貴揀比目魚定食都係$59 個湯好有誠意有好多料食加咗$10轉蟹膏飯好正喎喂條魚燒得好有油香，好滿意依度通常唔使等位食完之後再去超級市場行街🥰

我今天下午到黃埔逛街，看見了這間日本餐廳，然後去試食了，當然點了我最喜愛的拉麵啦。這間餐廳是以快餐店的形式運作，先點菜後送上，我點了拉麵加小食，這個黑蒜拉麵湯底還算可以，但若能濃郁一點便更好了。值得一讚的是，這家店的店員好有禮貌，點了菜後，還親自把面送過來，這點的確加了分

香港人愛吃日本菜，日本餐廳開到成行成市。價錢及質素都參差不齊，要搵一間抵食又有一定質素既日文菜，無疑.. ナカヨ食堂 nakayo shokudou 是不二之選。ナカヨ食堂 nakayo shokudou處於黃埔吉之島的food court 內。主打日本的丼飯🍱🍙🍚我們二人叫了一個兩人海鮮餐（$379）；套餐：芝士龍蝦x1; 赤蝦x2; 海膽三文魚丼；三文魚丼及味噌湯x2... 三文魚新鮮；色澤光滑；口感鮮甜；份量多海膽肚美；入口即溶；無太大腥味；這個兩人足料套餐足夠我地回味無窮∞

話說同女朋友黎過黎行下吉豬島超市買下野既，係入超市前有幾間開放式似food court既餐廳，行過呢間，首先聞到燒魚既隻香味，又見坐bar枱d人，一人一條魚咁食，睇落好好食咁，雖然只係晚上6點，已經覺得好餓好想食揀左是日推介，蝶魚: $79餐牌係無既，就試一試佢，揀煎魚就要等一等，大約25分鐘，但絶對值得等，條魚煎得好靚，岩岩好，皮脆脆地，但魚肉keep住嫩滑，新瀉米又好好味，唔怪得未到7點，已經聽到賣晒。因為煎魚餐要等25分鐘，所以我地另一個餐叫魚生丼，即刻有得食。海膽三文魚丼: $109呢個價錢邊度搵？仲要有海膽，份量算正常，三文魚有5大片，海膽無苦味，兩樣都夠新鮮，抵食。跟餐有前菜同三文魚麵豉湯，好好飲，夠足料，有鮮甜味，只係有少量魚骨，要小心d飲。環觀成個場，最旺係佢。

晚餐想食魚，咁岩經過黃埔aeon style 地庫有檔食魚嘅，有好多選擇，有魚生飯，又有燒魚，睇落好吸引。👉🏼檸檬黑胡椒鹽燒鯛魚定食有一大條魚、小食係甜甜嘅炸蕃薯、一碗魚湯，同埋有黑芝麻嘅白飯。鯛魚加上檸檬汁，既清新又有魚味，魚肉新鮮，完全冇魚腥味，黑胡椒同鹽令條魚更惹味。條魚完全冇骨，真正可以大啖大啖咬😋😋😋👉🏼燒赤魚定食條赤魚仲大條過鯛魚，小食、湯同埋飯就每個定食都一樣。呢條赤魚睇落冇鯛魚咁吸引，但其實佢好大條同埋好厚肉。雖然冇黑胡椒調味，但條魚好新鮮，肉質好滑，而且好鮮味，有一條大骨同側邊啲細骨，所以唔可以大啖咬。總結，兩條魚都好新鮮，各有特色，每個定食都只係$79/$89。好抵食👍🏼

兒時看蔡瀾先生去北海道旅遊節目最深刻的鏡頭就是看著他把一大堆海膽放滿在丼上豪食！今天見食堂有海膽特價，只要加$50就有一板馬糞海膽，超吸引，姑且做一次豪客學一學蔡生，一口氣加了3板，試試豪食的滋味！一試真的不得了！實在鮮甜無比！吃完3板海膽做前菜，跟著就試今日的main course-炙燒-特上海鮮丼！雖然來過這個食堂多次，但今次是第一次這個炙燒-特上海鮮丼！估不到條名太子出奇地大！難怪這間食堂每次都咁好生意！真材實料！好味！

晚飯想食平dd,去咗黃埔aeon food court 搵食。呢檔有唔同種類嘅魚同海鮮，賣相幾吸引。同老公一人叫一個餐，佢叫咗海鮮拼盤飯，係生嘅，有三文魚、蝦、同埋其他魚生之類嘅野，睇落幾新鮮。我唔食得生野，我叫咗個黑椒檸檬鯛魚飯。呢個我鍾意，因為條魚煎得香，幾大條，又可以加檸檬汁落條魚度，酸酸地好清新，鯛魚味道剛剛好，冇骨嘅魚我鍾意每個餐都有2碟小食，今次有甜甜嘅蕃薯粒同埋醬油茄子，2樣都好食，好醒胃。隨餐仲有一碗湯，湯入面有三文魚、豆腐、紅蘿蔔、白蘿蔔、海帶等，材料都幾豐富，食晒成個餐都夠晒飽。

你以為Food Court 冇好野❓咁就錯啦！黃埔隻船入有好多食肆，有拉麵，有定食，有上海野，又有台式滷味等等今日行過，比燒魚定食吸引住，GOGOGO燒魚定食有成十幾款，有三文魚，銀鱈魚，鯛魚，油甘魚。。。咁我就叫左個燒鯛魚同一個什錦海鮮丼檸檬黑胡椒燒鯛魚定食（$79)前菜係醃蘿同茄子，不過不失。味噌湯有驚喜，有魚肉，幾足料，湯唔係死鹹，免費野黎講算係唔錯主角鯛魚有我手咁大塊，份量足夠，食落都幾鮮甜。記得要擠檸檬汁，魚味會更加出什錦海鮮丼 ($79)由於當日天氣幾熱，想叫啲清爽小小既野，就揀左呢個。其實都冇乜期望。。點知見到簡直嚇親，大佬，啲魚生多到呀我係食晒飯都仲有魚生剩，你話幾誇張你唔好以為佢比頭頭尾尾你喎，魚生粒粒都大大粒，而且樣樣都好新鮮，仲有隻大甜蝦，79蚊，你仲想點❤️❤️食日本菜，味道中上，又新鮮，80 蚊有找，去邊到揾呀😝😝

不能不推薦！！！尼個炙燒三文魚丼真係不得頂！好鬼好食。初時行行下AEON，仲諗緊食咩好的時候，突然有個炙燒三文魚丼映入眼簾。係尼個時候，當然係隔離飯香，立即去買番個比自己食。果然一試便知龍與鳳。三文魚的脂肪被炙燒後，入口即溶。啖啖的厚身三文魚 ,一d都唔鞋口。一啖咬落去，濃濃的三文魚停留在味蕾中。齒頰留香！！！本小姐的最愛！

到了黃埔一轉，去AEON STYLE行下順便食飯，AEON STYLE的food court好多野食，同時又好多人，兜了一圈都係揀了海鮮丼。 當日的星期三優惠，因反應太熱烈，想食的都售罄了。 選擇都多，價格合理。 等震機取餐。 海膽三文魚丼，$109，付送味噌湯。 味噌湯，有豆腐、白蘿蔔及海帶等，好大碗又足料，味道不濃不淡呀。 海膽三文魚丼，賣相好吸引，海膽及三文魚份量適中，刺身尚算新鮮，三文魚薄左少許，味道正常水準，海膽味不夠甘甜，唔苦，味道普通，醋飯粒粒分明，都不俗呀。都幾抵食呀。 紅磡黃埔新天地第5及6期AEON STYLE地庫

新春喜慶。自己一個人食lunch ，想豐衣足食，年年有魚，食個海鮮丼開年應應景就最啱。店舖好多魚生飯選擇，花多眼亂，最後揀左有隻大蝦同4樣魚生嘅丼，附送大大碗麵豉湯。魚生、海膽、大蝦都好新鮮，最好味係個米飯，溫度甜度適中，加上紫蘇葉香味⋯ 絕配。價錢係Food Court 中有啲貴，但水平算是超班，新年總要食好D。 而逢星期三有小食送，下次要試下佢既人氣魚塊料理。

依兩個係佢地嘅餐牌雖然個度係food court 但有幾間野係有佢地自己嘅地方比客人坐嘅 依間就係其中一間我個日就係去食中午嘅 但佢間野個時就唔多人嘅 我諗有三、四個人 可能因為依間野嘅價錢比food court 入面嘅其他鋪頭貴 所以唔係咁多人想食我自己就嗌左個海膽三文魚丼睇落去都唔太開胃 特別係因為啲海膽一pat pat咁 見到佢都知佢唔多新鮮食落去有少少苦苦地 好明顯係唔太新鮮 不過好彩都唔係好苦 仲食得落而啲三魚文就普普通通 唔係好厚 亦唔係特別好食嘅

康怡Aeon分店就成日去，黃埔呢間就第一次黎。唔知係咪加左價，呢間好似貴過係康怡個間。星期六放下午，約左好朋友食日本野，順便Hea下。想食日本野又唔想太貴，所以介紹朋友食呢間。我嘅至愛係帆立貝，所以揀左呢個。份量好足夠。好朋友就試北海道之選，佢都大讚幾新鮮！我試左幾啖海膽，都唔錯。個人好鍾意食魚，今日突然想食燒比目魚，所以叫左件單品。平、靚，正！

黃埔Aeon新裝之後冇來過一入來 服裝部感覺像NambaCity般絕對日本格調超級市場，絕對係平時1010個類department store 既地庫超級市場風格只係冇左精美blink blink既手信伴手禮同各類甜品糕點一路既配置都好日式，唔多人時真係行得好舒服😊Food court 好多間都好吸引最後㨂左食丼性價比問題所以冇㨂到滿滿海膽baby既丼揀左個四式丼三文魚正常新鮮肥美蝦甜不過可以再新鮮d 肉質口感唔夠expect 既fresh海膽甜 不過都係可以再新鮮d 因爲有點散口帶子 都ok甜 總括係 我估佢地太早解凍太多材料 雪得耐比較收乾水所以入口fresh度不足性格比 感覺so so值得讚係簡單既味噌湯好足料同埋--- 新瀉米就係新瀉米！ 飯香軟滑 軟淑美味 好似返左家鄉咁！成個丼最出色既地方！

有時想食刺身丼，但往往份量太大而令我放棄，無意間行超市，發現這𥚃food court有得食而且份量不大，價錢可以接受，便坐低試一試。這麼小份量的刺身飯，有人說不值，不抵，有時真的是要看看你追求的是甚麼條件，抵食夾大件，重質不重量，想食不管價，各取所需，任何人任何要求也有。這裡總算滿足了我霎時衝動想食的壞習慣今次點了海胆赤蝦丼，食材頗新鮮，赤蝦彈口，韓國海膽是不帶甘味，甜口，不過如果用加拿大海膽我會更滿足