ナカヨ食堂

營業中

休息中

去Nakayo數次，對其燒魚定食都很有信心。今天和河馬生再來，試試上次沒有的椒鹽燒虱目魚定食($79)，河馬生要照燒油甘魚定食($79)。上次我叫的燒比目魚定食，比目魚扒肉滑油分足，以致今天欲返啅。椒鹽燒虱目魚定食是新品，貪新鮮的我立刻order，卻是恨錯難返。虱目魚魚肉乾而硬，於是吃魚腩位，卻奇腥無比。不怕魚腥的河馬生和我交換他的油甘魚定食，然而他也覺得我的燒虱目魚定食腥得過分。改為我吃的油甘魚定食魚肉略乾，慶幸醬汁挽救了此缺點。根據之前吃燒魚定食的經驗，魚的份量少以致吃到一半餸已吃完卻還剩一大碗白飯，故今次我加了$10升級做明太子丼。幸好加了鹹鮮的明太子拌吃，否則整餐飯便要與又乾又腥的燒魚作同伴了。

原本諗住去黃埔X號水産揾食，點知唔係過千蚊位嘅壽司就係極貴蟹宴，再唔係就冇乜特别嘅日式料理。所以就決定去第二度揾過，今晚都係心儀日本菜!於事行返去Aeon果邊，睇到有蛋卷，拉麵，大阪燒，海鮮丼，最後都係比海鮮丼吸引到!每客海鮮丼都跟味增湯，另外有d燒魚定食同2人套餐。係casher點餐付款後，佢會比個機器你，到個餐ready 部機會震提示你去攞餐。其實佢個2人餐hkd 379 都好抵，有龍蝦燒蝦同兩個丼，不過我對佢個龍蝦冇興趣，所以散叫。NAKAYO丼呢個丼有齊牡丹蝦，三文魚，吞拿魚，帶子，蟹棒，海膽，三文魚籽同飛魚籽，雖然魚生唔係頂級，但都過得去啦!而且咁多款刺身係晒個碗度賣相好吸引。三色丼有赤海蝦，三文魚籽，海膽三種，除咗赤海蝦有d鯹其他都ok!丼附送嘅味增湯，入面有好多蘿蔔同海帶，味道唔會太淡又唔過濃，唔似開水沖果d!我地冇選擇套餐其中一個原因就係我想食蟹多d，所以單點咗個燒蟹腳。呢個麻麻地，佢係用急凍蟹腳，所以堅重雪味冇蟹味，只靠佢喺蟹腳上加嘅明太子醬，但都係怪怪地~

黃埔商場裝修完行過兩次，見呢個food Court入面有間燒魚定食專門店，確實十分吸引，價錢又唔係太貴，一個人去試吓，叫咗個燒赤魚定食，我唔知咩叫赤魚，我淨係睇到佢比油甘魚平少少所以叫，即焼關係，所以都要等一段時間。本身佢個魚應該腌製過，鹹咗少少，一定要配白飯一齊食，呢隻魚身比較挺身，都算有魚味，好有口感，如果下次幫襯，我應該會主動同佢講叫佢唔好腌咁鹹，我本身好欣賞佢呢個齊魚定食做法，唔使食咁多肉健康啲，但太鹹真係唔識得欣賞，希望俾多次機會佢哋😅

同友人到黃埔站走走, 才知道宜家可以直接由地鐵站連接到地底的AEON, 實在是太方便了今年三月的時候到北海道吃了燒魚, 那種香和滑到現在還是念念不忘 , 所以決定到「ナカヨ食堂」一試照燒三文魚定食 $69三文魚本身是香是好吃的, 如果有少少肥就好了, 照燒汁惹味香甜但太濃, 搶去了魚的味道, 他們的魚是好的我覺得醬汁可以用比較薄身的, 或者是鹽燒燒赤魚定食 $79本身是想吃燒花魚的但是沒有貨,所以試試赤魚, 一起骨就是滿湖的魚肉, 又厚肉又大條, 有少少烤香和咸香, 送飯一流相比起魚, 配菜比較遜色, 醃蘿蔔和煮物都不太好吃, 用的是現成貨不是現做的如果下次再懷念燒魚應該也會再來, 畢竟又便宜又好吃的, 香港應該不多吧

Aeon 翻身成為aeon style後，最為吸引嘅就係新增咗個好大既食堂，好多嘢食呀！食堂增設左售票機，除咗到櫃檯落單，仲可以利用機器落單付款，方便快捷。設計上冇太古嗰個咁大咁闊落，但餐廳種類一樣咁多！身為香港人，梗係敵唔過魚生飯啦！Nakayo標榜用日本新潟米，飯粒好圓、好彈牙、粒粒分明。魚生都好新鮮。我食咗三文魚刺身飯，三文魚肥瘦均稱，有一定厚度，都幾大塊下，鋪滿晒喺飯上面，一啲都冇偷工減料！鰻魚飯都好好，鰻魚厚身，冇骨，配上鰻魚汁都好惹味！我一個人食晒一碗都好飽啦！跟餐仲有個面試湯添！個湯好正架，唔太濃，又有啲白蘿蔔，好襯個飯！大滿足呀！快靚正，你都快啲嚟啦！食完仲可以行埋超市添

每逢2、20号係Aeon 感謝日，有5% off，緊係去湊熱鬧，去左黃埔Aeon發現新裝後有好多日本食店都未食過，好吸引。呢間專食燒魚的，太夜黎，有些魚已沽清。欣賞他們有帶口罩，注重衛生！除左燒魚定食，仲有海鮮丼。價格也十分大眾化。可自由取白開水，仲有lemon係入面。用呢個machine等叫，不錯。西京燒比目魚定食 ($59) ，5% off 平$3，唔係好多，但係都會開心一下。個set包前菜和湯。前菜除了醃蘿蔔，仲有茄子和青菜，好味道。比目魚肉質扎實，質量不錯，西京燒得好滋味。鰻魚重($89) 減價平$4.5，超抵食！鰻魚多汁又香口，非常有日本的感覺，不是揸流灘的！連個miso soup都咁多料，有冇搞錯！一貫日式做法，食完可自行放回。

咁啱有野要過去AEON買，順便就食埋晚飯先走，最後揾到ナカヨ食堂醫肚，叫佐海膽三文魚丼海膽新鮮夠甘甜，三文魚厚切夠肥美，飯底粒粒分明而且煙韌，賣相算精緻，抵食....

見到有二人餐，刺身飯加芝士焗龍蝦吸引左。點知一食就知出事，龍蝦得塊芝士熱，入面凍既。刺身飯，三文魚都ok,海膽食一口即刻吐，臭到不得了。好後悔黎左食。下次都唔會介紹朋友黎食。

今晚我們特意再去咗黃埔號嘅Aeon Style行街，之後去咗food court食晚飯！我們分別買咗幾間唔同店舖嘅食物嚟食，另外一間係「Nakayo Shokudou」！我們買咗鰻魚重同四色丼！鰻魚重嘅鰻魚份量雖然都算多，但燒到比較黑同比較燶，而肉質都幾軟滑，米飯都幾軟熟！四色丼嘅刺身非常新鮮，牡丹蝦嘅肉質相當爽甜彈牙，海膽超鮮甜軟滑，三文魚好肥美，帆立貝亦好鮮甜，賣相好色彩繽紛吸引！麵豉湯嘅味道就鹹咗啲啲！

可能係太多人反映要七味粉呀，海鹽呀咁樣，所以今次再去食我最愛既鹽燒三文魚頭定食佢地加多左一個醬，酸酸咸咸，檸檬都唔洗滴喇！本身唔發現有呢個新汁，所以又好似平時咁叫佢比一小碟海鹽我，食食下先發現有呢個汁，配上三文魚頭真係一流，撈飯都好味呀！每次泥食，佢個前菜都唔同，今次有茄子，好入味好好食三文魚頭依然保持水準，有一點點美中不足既係，如果有七味粉就更加好喇！下次唔知可唔可以去隔離拉麵店借下七味粉呢相信以後去黃埔都會再食呢個定食

見到做緊聖誕特別套餐、下面仲有個長腳蟹丼～見到張相幾靚仔、169都0k啦~點左黎試！一黎到、哇大過張相！好好肉地、隻隻腳都好多肉d腳仲已經切左一切、可以用手meet開食到好飽、雖然得半隻但真係成塊面咁大超抵食

黃埔aeon裝修左之後真係好靚，有一日心思思想行下，發現個foodcourt好多好野食，成個感覺仲好日化，食完野自己執反個盤放反餐車度，希望我地真係可以學效下日本人既自理能力啦熱愛燒三文魚頭既我發現左一間有刺身飯同燒物定食嘅餐廳，二話不說其他野都唔睇即刻點左個燒三文魚頭定食，有點小遺憾既係佢無七味粉，只有海鹽不過個定食真係唔錯，三文魚頭，一碗飯，少少前菜，一碗麵噌湯，再自己斟多杯水，飽哂燒三文魚頭味道好，但由於係用機去燒，所以表面欠缺左一份脆口感，但都會再反泥食既！

黃埔aeon翻新接近一個月...當日新開張就去行街+食嘢...奈何openrice遲咗好多先加入呢間「ナカヨ食堂」～由於呢間舖只得high table嘅緣故...最後唯有order食物後拎去Food court位置食...搵好位坐...等部機著燈+閃閃閃...就可以出去pick up食物...開幕誌慶套餐...唔知幾時推出完畢...兩個指定dinner set(合共$129)1.燒赤魚定食第一次食赤魚...好大條呢~魚嘅表面有一層薄薄但帶韌嘅魚皮...用筷子撥開先再食魚肉...魚汁不多不少剛剛好...食落非常鹹香...送飯好match...食店所用嘅係新瀉米...簡單d嚟講就唔係一般米飯...食落比較黏但又有少少煙堙韌韌好好咬口...好好食^^2款漬物最like秋葵...白芝麻磨成醬再濃濃包圍住d秋葵....好香好香芝麻味...好好食呢^^2.三文魚海膽定食賣相唔知發生咩事?！沒精打彩咁...唯有理解為太多人食...所以無空間執靚掛?三文魚都有4, 5片...味道ok呀...幾新鮮...未食海膽之前...都有少少擔心會有腥味又帶苦...點知食落又ok喎...鮮味係有嘅...亦感覺cre

今晚食咗個＄59嘅鯖魚便當，有以下四點不滿意1. 如果條鯖魚係即叫即整嘅，店員應該同我講聲先，起碼我有個心理準備 (因為當時已經等左超過25分鐘)2.鯖魚嘅魚肉，外層係正常嘅魚肉，但裏面就「梅梅」地，我拎去同收銀講，收銀叫咗另外一個人來，嗰個人又再叫店長來，其實係咪可以一開始就叫店長來呢？而唔需要我同一番說話講三次3.店長話魚肉咁樣「梅梅」地，係因為未煮熟，但係魚肉壞同未熟，我相信我識得分4. 店長話「換過比我」，我以為即刻有，我想話，如果要等5分鐘以上，其實佢哋可以比部取餐機我，有嘅時候震，我咪出去攞囉，而唔係等我再問嘅時候，先同我講，即煮要等一陣最後因為啲魚肉， 真係令我無晒胃口，所以都食淨左，拎出去話比佢哋知既時候，我同收銀店員講，可能佢忙住整收銀既飛，所以我同佢講嘅時候， 佢係冇望過我，淨答「係係係」我覺得佢咁樣有點兒敷衍我。總括嚟講：我唔會再嚟食