ナカヨ食堂

好鍾意食呢間嘅燒三文魚腩，性價比高，仲有三文魚頭都好好食。但想反映吓，試過幾次買外賣返屋企，個超正嘅三文魚湯由於用咗100%紙材質（完全無包膠成份）嘅外賣碗盛載，基本上每次未返到屋企碗湯都已經漏咗一大半落膠袋，返到屋企只剩1/4碗湯，超浪費。之前已經向舖頭職員反映過相關問題，但一直冇改善，尋日再買又係咁，好失望，懇請正視問題以免繼續造成浪費…查看更多

今日中午食咗西京燒比目魚定食，加10蚊轉咗迷你長腳蟹肉丼，仲有前菜同三文魚麵鼓湯，作為午餐真係好滿足！🍱 西京燒比目魚係亮點，魚肉好滑溜，無腥味，燒得香甜，入口融化咁，配飯超級match！😍 迷你長腳蟹肉丼鮮味十足，🦀蟹肉新鮮，米飯粒粒分明，只係加10蚊就可以有配料真抵！前菜清新開胃，三文魚麵鼓湯湯底濃郁，三文魚嫩滑，有湯飲，暖笠笠特別舒服。🍲整體嚟講，一個午餐份量充足，環境乾淨企理，落單快手。價錢合理，食物質素高，係一個平時午餐嘅好選擇。…查看更多

極度推薦呢份生熟三文魚飯！炙燒三文魚有嫩滑嘅口感，表面有香料醬，有火烤的香氣，味道濃郁，令人回味再三。一旁是如假包換嘅魚生。好多，足以製成一朵魚生玫瑰花。點佢哋比嘅甜醬油非常搭配，新鮮滿足。見到三文魚脂肪分布均勻豐富，用料優秀。至於米飯，採用新鮮壽司米，以壽司醋點綴，粒粒分明，不黏不膩。和三文魚一起吃，簡直覺得是三文魚自助餐。魚湯有豐富昆布和三文魚肉，除了要小心骨刺之外，都是一個令人愉悅的飲食體驗。我經常午餐都諗過食呢一間魚生店，在AEON超級市場裡面，非常方便。…查看更多

快食丼飯，叫咗兩款👇🏽NAKAYO海鮮丼$109好足料，又大碗，有5款海鮮，撈埋一齊食，好豐富；無諗過佢碗湯都好多料，味道唔錯👍🏻炙燒三文魚腩丼$109有5件厚切三文魚腩，好有口感，都幾大件，食晒成碗，飽晒😆性價比高，份量夠，價錢唔貴，味道唔錯！…查看更多

今晚冇諗住寫食評所以冇影定食～咁先介紹咗今日嘅新嘗試先～好似係😹蒜香燒粟米仔 - 我同男朋友都食到牛油味～好彩我哋都鍾意少少juicy, 好評的多春魚都燒得好好，有肉食唯一就係今天小食上菜速度稍慢套餐方面，通常都係叫油甘魚鮫定食～ 今日都係叫呢個～其他試過都唔錯可選一個特別配料飯，今天選了明太子飯麵豉湯大大份裏面有三文魚價錢合理，可以坐好耐😉食過佢哋嘅蠔都OK唔腥👌🏻外賣過3次，保存得好好👍🏻另有雙人餐好抵食好吸引架，大家可以參考…查看更多

叫左個牛油醬燒日本蠔定食，個麵豉湯都幾大碗，鍾意佢入面加咗啲白蘿蔔同埋三文魚，所以飲出嚟係帶啲甜味，同埋唔會好鹹。個蠔邊有少少脆，食落唔會有腥味而且都幾大粒，本身以為唔會好夠食，因為得個五隻，但食食吓居然覺得有啲膩，可能因為個蠔粉粉地嘅質感，不過加咗啲檸檬汁就好d.另外送嘅小食有甜番薯,呢個幾好食,不過酸蘿蔔個味道就有啲怪.另外叫咗個玉子燒，不過嚟到係凍嘅,但佢加咗好多明太子醬，同埋面頭有啲灸燒過嘅蟹肉定唔知蟹柳，但係幾好食嘅。…查看更多

對呢間店印象唔差，記得之前一直有個中年男人（唔知係咪店長之類）效率高，其他店員都好專業。今日快到下晝6點魚生飯，首先企喺度都冇人理咁，後來個收銀竟問我堂食定外賣，都快6點啦，櫈都收埋晒，點堂食呀？5點後外賣有折，佢又完全唔記得，差啲收原價，然後有個似乎年紀大啲嘅提醒佢有折，佢先恍然大悟，感覺對工作唔上心。最嬲嘅係，明明得我一個order,要等嘅時間仲耐過平時好多客嗰陣，喺aeon兜個圈買埋嘢都未有（個通知器未震未響），走返去睇下，兩男一女嘅店員大聲嬉笑，講普通話嘅，唔覺有邊個喺度做緊嘢，我以為間鋪有啲位置我睇唔到，可能有人整緊個飯，就繼續等，先見其中一個女嘅好似雕花咁慢慢喺度將啲黑松露點落啲刺身上，其實點咗幾多下呀，根本唔係做嘢咁，好似傾偈先係正職，我真係好懷念以前啲員工呀，感覺全部都係做緊嘢，唔係嚟hea！難怪當時都冇人幫襯啦，佢哋縮晒喺入面，唔招徠啲客人，冇客仲好，佢哋繼續嘻嘻哈哈，希望啲管理層注意下員工嘅培訓同監察呀！…查看更多

依間高質平民日本野其實係開喺超市入面😆行過唔好以為咁唔起眼一定有伏🤓唔係就走寶啦😫如果食飯時間黎既話，仲要長期大排長龍嫁😳黑松露火炙海鮮丼 $158睇相已經知道有幾足料🤤魚生非常之新鮮😻大大隻帆立貝同牡丹蝦😍好鮮甜肥美😋再加上黑松露獨有既味道🤣成碗丼變得好高質😆每個丼都會奉送一大碗既麵豉湯，通常依d湯都會無乜味同料🤔但依間係勁多料，有埋三文魚係入面😋飲完碗湯都飽左大半🤣🤣…查看更多

“海膽三文魚丼”($109)間唔中都會去行吓aeon喺黃埔aeon超市入面仲有個細細地嘅foodcourt行到餓餓地去醫肚就岩哂😆之前試咗呢間提供魚生丼同燒魚定食嘅舖頭啲丼飯都幾抵食😍呢個海膽三文魚丼先$109仲要啲份量唔少,質素都唔會太差😋三文魚都幾肥美😙海膽都唔會腥腥臭臭咁🤣性價比都算幾高😆見其他人叫嘅燒魚定食個樣都幾靚下次可以叫嚟試吓🤣ナカヨ食堂紅磡黃埔天地第5及6期AEON STYLE地庫…查看更多

其實黃埔平時都好多野食，但我唯獨是喜愛呢間燒魚定食 🥰呢間日式食堂有燒魚定食外，仲有魚生刺身飯，但我鍾情於燒魚，所以今次都唔例外，帶埋朋友仔一齊食 😋🥢鹽燒鱈魚鮫定食定食除咗燒魚外，仲有日本米飯、三文魚面豉湯同小小前菜。本人覺得鱈魚係超級好味 🤦🏽‍♀️ 肉質好爽滑，咬落充滿肉汁+魚油嘅香味，而魚肉係大大舊，除咗中間塊大骨外，基本上係冇骨，所以啲肉係可以大大啖咁食 😋可能因為好多魚油，所以食食下會有啲油膩感，所以我建議係隔離Aeon買定支茶，配埋一齊食就可以中和番個油膩感 👍🏽🥢金槍魚鮫定食燒金槍魚賣相好似豬骨咁 😂 而食落口感好似雞肉，真係百感交集 😆同樣都係大大舊魚肉，肉質彈牙有口感，咬落好香嘅魚油味滲出黎，再點小小豉油，鮮味再提升 😋…查看更多

發現黃埔原來真係賣魚生飯嘅餐廳唔多原本諗住平平哋去啲外賣店買 點知星期日又夜晚 好多都俾人買晒見咁樣就諗住黎Aeon睇吓會唔會有點知超市入面嗰啲都賣晒正當我諗住放棄食其他嘢嘅時候俾我見到依間野一開始都猶豫買唔買 見好貴 平均$130一個飯但係我又真係好想食 於是貴都照殺揀咗個相對平少少嘅 而且係新款免治金槍魚甜蝦飯 ($109)因為有Aeon會員卡 有95折 都要$103一路等一路已經內疚點解自己食咁貴然後心諗如果佢唔好食我會嬲等咗10分鐘左右原來有埋個麵豉湯拎住返屋企都好安全 冇倒瀉個飯用盒裝 外面仲有層保鮮紙封住攞出黎睇落好似好細好少飯咁其實係啲飯壓實咗整返散有成兩碗咁多啲免治金槍魚都多 滿滿咁佈起飯上面仲有六隻甜蝦 同埋薑片當然唔少得香蔥 起依個飯擔當好重要嘅角色😋啲免治金槍魚真係攪到好散好蓉 係好偶然食到幾粒吞拿魚 而且部位靚 唔係全部肥腩肉 所以唔會食到啲硬/韌位食落少少鹹味 亦好新鲜吞拿魚味 勝在完全唔腥 唔似啲罐頭吞拿魚味加上食落有濕潤口感 又好綿👍🏻好正至於甜蝦 Size比較迷你 但係非常鮮蝦 食落爽得黎又黏黏地🦐雖然混入吞拿魚蓉之中 但係都會分得出味道啲壽司飯都好好食 食落暖暖哋 一啲都唔生冷 仲要係靚米 粒粒大大粒 好飽滿 口感黏得黎粒粒分明🍚非常好味壽司米每樣試咗味之後我就撈埋黎食 因為費事食到整返啲白飯發現撈埋咗更好食 因為啲吞拿魚蓉冇咁鹹 然後配上香蔥 簡直係完美啲香蔥增加咗質感 咬落少脆 又香口 感覺到啲味起個鼻攻返出嚟🤤另外都落咗少少甜豉油好味到自己一個食晒成個飯！一粒飯都唔整至於個麵豉湯 佢唔係一般麵豉湯 因為佢係用真材實料煲出嚟 有白蘿蔔 微量洋蔥 菇 仲有三文魚 所以唔係味精湯味💕-食完好滿足 一路食都好開心 真心好耐冇食過咁好食嘅魚生飯😍服務ok 唔算好笑容 但係都有禮貌嘅環境一般 因為設於aeon熟食區 所以如果堂食會比較雜少少 坐得冇咁舒服返返去價錢上 我絕對唔會話抵食 話晒咁就冇咗$100 而且感覺上又唔係high class 但係我會話值得 因為好味 同埋佢係用靚材料 食材新鮮 加上份量足 望落包裝精緻 賣相靚 間中食好西 貴少少都可以接受😆最緊要滿足到我味蕾 食得開心如果想食高質魚生飯 又唔介意俾貴少少 咁我非常推薦依間！…查看更多

去黃埔行完街揾野食，見到呢間野評語唔錯，又唔係好貴咁，就去試。呢間餐廳係黃埔AEON入面，唔知點解成日有種感覺foodcourt入面既野都係伏今次一於去試下。晚上七點多，冇乜人餐廳只有在圍住餐廳四邊的吧台位食野，大約十幾個位，好彩今日冇乜人自助買完野食就坐低等叫號碼MENU餐廳主打都係丼飯，另外有一堆熟食既魚配白飯，適合D唔食丼飯或者魚生既人MENU選擇都唔少，好多野揀另外仲有少量小食我地今次就冇食丼飯，叫左個魚set，加左D刺身同小食鹽燒鱈魚鮫定食配漬物、小菜、飯、麵豉湯白飯加左$10，升級做迷你長腳蟹肉丼未食過鱈魚鮫，第一次試D肉比較鞋，燒所以比較dry，冇乜水分，令到D肉比較鞋同乾同埋唔講都唔記得左有鹽燒，唔係好有鹽味蟹肉丼好味，蟹肉好鮮，送飯一流漬物一般，麵豉湯幾好飲，好多白蘿蔔係入面，幾鮮甜三文魚、八爪魚、帶子刺身單點刺身全部魚都好鮮味，好香帶子好鮮甜，八爪魚都幾juicy汁燒帆立貝買野可以優惠價追加都幾大粒，唔會好dry，D汁好夾，好味~甲羅燒全餐最好食就係呢個甲羅燒，可以話係數一數二的甲羅燒，甚至比D XX水產賣既更好食蟹膏非常鮮甜，好香蟹味，蟹肉好鮮好味，不過個人略嫌多蔥左D因為D蔥味都好勁不過甲羅燒就係要配少少蔥味先好食既總結，食物中上水平，價錢唔貴…查看更多

行完aeon 想搵間快餐食 呢間之前係太古食過 覺得佢既燒魚幾香，今次試下黃埔呢間。佢係自助式既，叫完野食佢會俾個提示器你。炙燒三文魚腩三色丼 $129🦐都幾新鮮，三文魚腩好豐厚燒油甘魚定食 $99 燒得幾香口。呢個價錢有哂前菜，湯，反，魚。好抵食。燒魚整得有啲似大户屋。簡簡單單又一餐…查看更多

🐟成日都行過呢間小店 聞到好香燒魚味🤤今次決定試吓佢哋個刺身丼飯 睇吓新唔新鮮先！-赤蝦三文魚丼 一打開有成三大隻赤蝦 超級足料😍佢重要大隻到可以分開兩啖食！味道食落去幾鮮甜 肉質都有彈性 送飯勁正😆三文魚食落都新鮮嘅 有四、五片左右感覺比較普通 如果可以多啲油香會更加好🤣但呢個價錢 佢都已經算好高質了👍🏻壽司飯酸度適中 溫度偏暖 味道都冇問題🍚-最驚喜係佢個味噌湯 入邊係超多餸 仲要都唔細碗我個碗入邊有三舊熟咗嘅三文魚另外仲有好多白蘿蔔、紅蘿蔔 同埋昆布飲落去好香魚湯味 湯料亦都完全入味 飲晒佢已經好飽了😂唔想食咁貴又想食好少少既刺身飯 真係值得一試💕 好味評分😋：4/5🌟🌟抵食指數🤑：5/5 🌟🌟餐廳環境 🤪：4/5🌟🌟價錢💰：$89 （外賣自取八五折後$75）…查看更多

去黃埔探朋友之後響AEON行街。行到攰攰地打算去Food court坐下食D野。行左一個圈覺得呢間D野最吸引，而且睇落都係最多人幫襯。本來只係抱住填飽肚子嘅心態去食，分別點左燒比目魚定食同埋三文魚海膽丼飯。食落發覺有驚喜,比目魚燒得香而且肉質結實，而且我加左十蚊有蟹膏飯，連埋比目魚個汁送飯冇得頂。另外唔好以為food court 刺身無好野，海膽都好新鮮,開頭有啲驚會苦,食完就知好鮮甜。佢每個餐都會有麵豉湯，而且係有落真料去煲，絕對唔係淨開粉果D。加十蚊仲有野飲，出面任何餐廳都搵唔到咁平。…查看更多