やき肉 (元州街)

營業中

休息中

最近去呢間新既燒肉店 店外裝修顏色好搶眼 係食一人燒肉 環境好乾淨吾會一陣油煙味大盛燒肉set (牛五花 豬五花同雞肉) $91混合燒肉set (牛舌, 牛五花) $71每個set附有飯 海帶湯同泡菜 揀左醬燒 不過👦🏽就提議鹽燒會好啲 醬燒偏咸 食完吾夠飽可以追加肉同小食 價錢都吾會好貴 每枱都擺左4款醬汁 就算一個人黎都吾需要尷尬

散叫金菇菜少得可憐今日加點金菇菜$18，同圖片完全不同，是5分1的份量，立刻詢問女侍應，竟然回答“本來仲少，已加多咗”，只是筷子夾起一口就吃完，請看圖片😒😒😒但因牛舌和牛五花，超正，令我怒氣全消。

100蚊內晚市食到燒肉定食超級推薦！而且服務態度一流，良心店之選今次晚餐就嗌左300g鹽燒豬五花同300g汁燒牛五花燒肉套餐上菜發現原來300g都幾大碟夠哂足料，兩個人食坦白講係有啲飽食咁多肉又真係幾滿足，以呢個價錢係講好夠（仲要係晚市！豬五花啲油好香好送飯（但燒既時候要記得兩面都燒一燒如果唔係會痴實左塊網）牛五花個汁都正但稍嫌有啲韌 有幾塊咬唔開但整體好乾淨好滿意唯一美中不足就係太多人排隊（無計啦性價比的係值得等下既）

平時食燒肉都會諗起牛x今日就試下呢間位於深水埗既燒肉鋪！呢間燒肉店十分抵食，一人set 有肉/海帶湯/泡菜/飯 都係100$有抄，十分適合鐘意食燒肉但糧尾/ 自己去食呢間既燒肉不過不失！一人份量岩岩好，十分適合過過口癮

久違了的出去食，同田會長去一轉深水埗買月餅，順便約埋食飯，見最近網上介紹一人無煙燒肉，有點似三拍子，原來都係由日本通陳方藤所開，價錢親民，都幾吸引，但預左要排長龍，去博下(如見太多人排就即閃)，去到已見人龍，不過唔算太多人，邊排邊傾下轉唔轉場已到我地入去了，應該排左40分鐘以上到。等候時順便睇下餐牌食咩，最平$46有個set，肉類有不同份量及格價，隨個人喜歡，但據聞100g係唔夠食，一於要200g，貴少少滿足下。入去前比我地的濕紙巾潔手。店子面積不算大，裝潢簡潔明亮。每一個坐位都有電子落單，同有齊調味料、紙巾及餐具，好方便，我地二人，坐窗邊位，兩個人用一個爐。牛五花+牛舌(200g)，$95，要了汁燒，定食付上飯、湯及辣泡菜，份量來講都算幾抵。牛舌+牛板腱(200g)，鹽燒，$117，田會長的。太耐冇食燒肉，急不及待即燒牛舌，牛板腱，可能因為太薄定油份不多⋯黐住個網⋯。牛舌都幾大片，不過口感有點韌，牛味較淡。牛五花，幾香口惹味。味道正常水準，價格尚算抵食，走果時渾身冇乜油煙味，慳！

如果一個人突然想食韓國燒烤又怕去普通餐廳的人可以一試。唔怕尷尬。但如果兩人或以上。不建議去。一個人去食。叫左一個餐及另加一份五花牛。食完都唔太夠。一百克既肉視乎種類。有三塊至六塊不等。真係燒兩三轉就無哂。建議食肉獸要叫多些。但咁計返價錢而經唔係特別平。論味道我覺得只底一般。燒肉同湯都係普通水平。未到想再食或難食地步。會俾3分。白飯幾對我胃口。可俾4分。泡菜無得不予置評。環境衞生都尚可3.5分。服務就無乜可要求。基本上係快餐。俾左客人之後自己處理。不作評論。總結。韓燒一大特色係自己可以慢慢燒。但因為份量少。好快就燒完。未享受夠。建議都底找朋友去其他地方慢慢燒過足隱。

話說有一日放假，忽然間好想食燒肉，但食量又唔算好大，同埋得自己一個人。我記得之前睇介紹見過話香港開咗間一人燒肉，上網搵咗好耐先知原來開咗喺深水埗，就即管去試吓。去到間野都等左5分鐘位，入座後第一個感覺就係簡潔，一個電子menu一個火爐，無了。我揀咗一個大盛燒肉set有齊牛肉、豬肉、雞肉，另外單點左牛舌同牛油金菇送餐時間都好快，個set有跟飯 kimchi 海帶湯，望落都幾豐富。唔講多，快d燒，餓死！牛舌係我最愛，唔洗燒太耐，加少少鹽巴，口感好正，豬牛雞我偏好雞，佢係雞脾肉，勁滑，又厚肉，最後整埋個金菇，d牛油溶唒超香，所有餤都好送飯，d質素堅ok，一定會再幫襯

平價日式燒肉🥩🥢$100內已經可以食到既燒肉😋menu有好多唔同既配搭 分左100g/150g/200g既肉一向都有選擇困難症既我 對住咁多肉 當然都係揀唔落手😂 —————🥩牛板腱+牛舌 SET🥩牛五花+豬五花+雞腿肉 SET🍄牛油本菇原諒我已經唔記得左呢度係幾多g🤣每個set都包左飯 海帶湯 泡菜 可以解油膩感枱面亦有5種醬汁比你沾😋牛舌大塊爽口 好食之選🥰牛板腱比較容易un 唔可以燒太熟 少少粉紅色就好食啦牛五花雖然比較肥又最平 但牛味反而係最重 豬五花燒到香脆😛幾好食 雞腿都算嫩不過個牛油菇真係唔建議叫 燒好耐 仲要自己係咁加啲汁調味😕

服務，環境，食物都一流！無得頂！選擇多：豚肉，五花牛，鷄配料齊：已放在桌上，任君選擇套餐：任你揀唔同組合，份量由100g ～300g，丰儉由人由輕觸屏幕落單，不用掃QR code

平常燒肉都是數位朋友一起前去，但卻不是每次都找到人一起去😩要是突然很想吃燒肉應該如何才好呢🧐這次要介紹的燒肉店，就算一個人去也完全沒有問題！😍而且店鋪採用iPad自助點餐模式，價錢選項一目了然~#牛五花(100g) $46最經濟實惠的選項就是牛五花的部位🐮點餐時味道可選燒汁或者鹽，點餐就會附上餐湯、泡菜和白飯🍚，每位客人前都會有一個獨立的燒烤爐～乾淨又衛生👍🏻而牛五花吃下去不會有太多的油，略微有些筋，牛味較淡，100g大約有4大片左右，如果想有多些牛肉，可以加錢追加至200g/300g👅味道小評分：😋😋😋/5#牛板腱 (100g) $61牛板腱屬於肩胛骨的部份，較常運動所以脂肪較少肌肉較多，所以吃下去時肉質較嫩和牛味較重🐮，配搭醬料架上的檸檬汁竟然有提升的作用😋有種清新解膩的感覺，向右滑👉🏼是燒烤牛板腱的影片，不過牛板腱最多只能追加到200g😿味道小評分：😋😋😋😋/5店內多是吧檯和高櫈，基本上是二人中間會有一個調料架，每人也會有獨立一部iPad用作點餐，方便又快捷🤩

平時都係CD-R，第一次寫食評，竟然係因為山長水遠去買嘅燒肉便當入面d雞肉完全唔熟😭先唔講便當味道麻麻，成個便當入面有一半嘅肉都係未煎熟，生到無可能食到😅個燒肉便當入面嘅燒腩肉片雖然無味，但更加令人接受唔到嘅係，d煎雞肉係全部半生熟😅 買左4個燒肉便當，入面d雞肉全部都係求其煎左個面，唔理入面生定熟就賣俾客，，生到好似雞刺身咁，連帶令我都驚驚地d腩片都未煎熟，結果全部要自己係屋企再煎過😓😓😓雖然呢間舖平時係做開自助燒，但希望廚房之後做外賣便當唔好再咁求其，最基本都要煎熟d肉先賣俾客😓😓唔係會食壞人架，，，

收工之後好想食燒肉，咁啱要出深水埗就搵到呢間日式燒肉店價錢超值，我同男朋友一人叫左一個套餐，包飯湯同泡菜，七十幾蚊就有150g既牛肉同大塊牛舌牛肉當然比唔上出面放題既水準，但以呢個價錢黎講已經好抵，另外牛舌大塊爽口，油脂唔多。豬五花同雞肉份量啱啱好，有五種汁醬可以揀，我個人最鍾意蒜味同鹽燒，不過蒜味唔係蒜蓉，係普通蒜蓉汁可能有啲人接受唔到。最後我哋仲叫左個牛油燒菇，不過冇乜味，燒嗰陣時記得落鹽調味。總結來講而家因為疫情大家都好少出街食飯，但呢間舖頭以全自助式，冇接觸落餐，大家食嗰陣時都可以好安心。同埋一人一個爐唔怕話食唔晒， 就算自己一個去食都啱啱好。

今日放假同媽媽去試下前排係網上面見到既燒肉店 見到位於深水埗近近地所以特登去試下都好方便自助落餐 不過第一次黎真係要問一問點用先識🤣但係落單部機都真係幾污糟同好油 唔係好想掂 依方面要注意下清潔😖點左一個豬肉同牛肉套餐 小食就叫左粟米🌽同雞肉套餐會配有昆布湯同泡菜 但肉就得3-4塊 真係唔係好夠喉 唔夠飽😂😂牛肉比豬肉好味 唔建議叫雞肉 真係好難熟 到熟既時候都已經燶晒 浪費左粟米就正常啦 但真係得好小 今餐黎講性價比唔高

呢度主打一人燒肉，絕對可以自乘一角咁慢慢燒慢慢玩第一次嚟既我直接叫左份$135 大盛燒肉set 300g(牛五花，牛舌，牛板腱)前菜有泡菜，亦有碗海帶湯醬汁方面有5種，全部喺位自己搞掂檸檬凍水都一樣擺喺位基本上入嚟唔需要離座又裝汁裝飯牛五花燒到d油標出嚟，脂香味濃（推介）牛舌都唔錯，爽彈牛板腱太瘦，好鞋（單點就唔建議）總結嚟講，呢度絕對可以消磨時間特別係得一個人又想食燒肉既，呢間都幫到手既最平$46已經有個牛五花set, 好抵仲要唔駛加一

男朋友收工話想食肉😂就send左依間店話去試下果日係星期六，本身都擔心要排好耐隊，去到的確係要排隊，但都好快有位，吾洗半個鐘就入到去，入面俾我想像中多位。我地係排隊既既時候已經諗好左嗌咩，所以都好快落單，佢係有部機自己落單，好方便，而且佢每個套餐都有吾同g數，可以按番自己既食量去嗌。我就嗌左混合set，牛板腱同牛五花set（150g)。而男朋友就嗌左豬梅肉set(200g)，再另叫左豬五花(100g)同牛油金菇。上菜都好快，一黎到見到個餐已經好吸引，基本前菜丶湯同飯都有，而肉既醬汁方面都有五種選擇。食物到齊，我地就開始燒喇！燒肉多油脂，所以點都會有少少痴底，但我覺得係正常既，牛板腱好食，但牛五花就，佢太多筋定吾知肥膏，食落似肥牛再難咬少少既感覺，所以好一般。而男朋友既豬梅肉同豬五花味道同咬口都算ok，豬比牛係鞋口啲，但佢燒出黎既油脂係好靚整體來說，都係ok嘅而牛油金菇就冇物特別，男朋友食完覺得唔夠所以就再嗌多左份豬梅肉（100g），100g既豬梅肉比套餐200g既切得比較細同零碎，雖然知道都係按g數，所以冇所謂啦不過，都想講一講，個人感覺個燒肉夾有啲油，所以燒先我都有再抹一抹先燒。而前