うなぎ四代目菊川

營業中

休息中

如題，終於係香港食到一間合格嘅鰻魚飯。係諗唔到食咩嘅時候，突然醒起見過社交平台廣告見過有新鰻魚專門店開幕。其實近幾年都有鰻魚專門店開幕，定價都唔平，自己忍痛去試完都係失望而回。因為一樣有兩大缺點：有泥味同切骨做得唔好。講返四代目菊川，本著最多都係試伏嘅心態去試，去到先發現原來仲係試業中，仲有好多日本師傅係現場，心諗應該現階段質素有最低保證。但接近400一個set，都係先叫一份試一下，加多個小食睇下情況。先上嘅小食係鰻骨仙貝，未食已經見到吸油紙上面嘅油跡，一食就一口油味，本身有落好少鹽調味，但炸得唔夠乾身，同年頭係福岡一間鰻魚專門店食嘅有啲差距。之後到招牌一本鰻三食，先夾一件鰻魚入口，就知道可以放心再叫多一份食，最後點多一份一本鰻魚飯。未食前打咭已經見到油光閃亮，食落口有輕微焦香，切骨亦做得接近日本食嘅質素，食完成餐全程唔使吐一條骨刺出黎。另一個香港鰻魚店嘅通病泥味亦都非常唔明顯，已經感到非常欣慰。以後係香港鰻魚癮發作都有地方可以食（希望到時有位）。唯一係如果飲完啖可爾必思後再食鰻魚，果少少泥味就會若隱若現咁出返黎。驚喜位係鰻魚肝湯，個鰻魚肝無論size定味道都係食過咁多間中最大同最高質

由超過90年歷史的老字號（於1932年日本創立）鰻魚批發商直營「うなぎ四代目菊川」首次進軍香港！目前在日本擁有 20間店鋪，在亞洲台灣、韓國等地擁有9間分店。當中位於日本名古屋的本店於2019年不但入選愛知縣米芝蓮指南，更獲得了米芝蓮餐盤之美響。本品牌首次進軍香港，為全球第30間店鋪。除了在日本廣受歡迎之外，於亞洲各地更是非常人氣，店家不拘泥於產地來源，嚴選當季肉質最肥美的鰻魚，然後在店內進行處理。以碳火烤製後，外皮變得酥脆而肉質變得軟嫩，讓人垂涎三尺。「一本鰻」是店家的招牌菜，做法是將原條肉厚的鰻魚在不經蒸煮之下進行烤製。鰻魚由店家所屬的批發商精心挑選，比一般的鰻魚大一圈，因此即使將魚皮烤得香脆，也不會縮身，讓食客可以品嚐到啖啖厚肉。店家進口鰻魚時，運送途中，以專用的儲存設施「立場」存放，並用井水除去泥，除掉鰻魚特有的腥味，提升食材品質。職人使用自家研發的備長炭在高溫、且短時間內將鰻魚烤製，以達至外脆內軟，鮮美的油脂亦在口中蔓延，味道濃郁。再塗上從創業以來傳承至今的秘製醬汁。最後把烤製好的鰻魚以及秘製醬汁的味道封存在專為「一本鰻」的「信樂燒」器皿裡保温，絕對可讓食客充份享受炭火烤鰻魚