日本嘢嚟嚟去去都係刺身壽司? 主打創作料理嘅「黑木亭」打破悶局。除咗必食嘅三文魚、拖羅刺身，而家象拔蚌刺身、海膽刺身、味覺激賞3味生蠔仲有半價優惠!!
抵食刺身 | 象拔蚌 / 海膽半價$198(原價$396)
日本象拔蚌刺身，比平時加拿大象拔蚌Q彈鮮甜啲；海膽刺身都有成40g份量好肥美。而家呢兩款高級刺身都有半價優惠，絕對回本之選呀。
日本象拔蚌刺身，比加拿大產更Q彈鮮甜。
海膽刺身足料肥美，用紫菜包住食簡直係享受呀。
*每日限量發售
味覺激賞3味生蠔 半價$198 (原價$396)
身為生蠔迷，見到半打生蠔減到$198真係唔食唔得呀。3味生蠔分別有雞尾酒汁、啫喱醋，泰式酸汁，酸酸甜甜好突出海水味。
味覺激賞3味生蠔，優惠期間半打只係$198。
一次過有3種風味，好啱生蠔迷瘋狂掃食。
黑木亭原創 | 黑糖啤酒拉麵2.0! 7折$128 (原價$183)
去年黑木亭原創嘅啤酒拉麵引爆人氣，終於等到強勢復刻啦，仲要進化做黑糖啤酒拉麵2.0！啤酒杯繼續裝滿特製拉麵，上層牛油忌廉新加入黑糖醬！豪氣拎住啤酒杯食拉麵，又鹹又甜好上癮。仲可以自己加啲紫菜絲、Wasabi撈出自己口味。
強勢復刻！黑糖啤酒拉麵2.0 @啤酒拉麵係冇酒精㗎
呢度嘅和牛料理成功招攬一眾Fans，而家三味鐵板A5和牛鵝肝、鐵板和牛餃子配芝士忌廉汁仲有限定7折優惠。想有燒肉享受，又懶得自己慢慢燒～同樣有7折嘅山葵滿盤烤肉已經幫你燒好晒，食嗰陣繼續開火熱住食，用生菜包住熱辣辣烤肉，加埋Wasabi估唔到咁好食。
山葵滿盤烤肉 7折$298(原價$428)
原來烤肉+山葵咁好食!! 用埋生菜包嚟食，清爽辣辣地又唔會膩。上枱前已經燒好晒封門柳、豚角煮、洋蔥牛肉、菠蘿、墨魚腸等等。食嗰陣繼續開火熱住食，完全係懶人烤肉呀。
山葵滿盤烤肉，完全係懶人烤肉。
用生菜包住烤肉、山葵食更有風味。
三味鐵板A5和牛鵝肝 7折$298(原價$428)
超豐盛鐵板!! 有燒到半熟嘅厚切和牛、大蔥蒜蓉和牛，見到和牛嘅粉紅肉色已經心心眼。就算咁厚切，依然入口化出油脂。另一主角燒鵝肝都好吸引，奢華細膩口感，配蘋果平衡油香啱啱好。
三味鐵板A5和牛鵝肝，奢華享受和牛、鵝肝。
脆脆法包配和牛食，雙重口感。
骨膠原奶蓋牛骨鍋配韓式公仔麵 7折$298(原價$428)
網民一直研究好多韓式拉麵食法，暫時未見呢個奶蓋牛骨鍋喎。用牛油忌廉打成嘅奶蓋鹹鹹甜甜，同時令拉麵更掛湯香滑。而牛骨味道存在感都好強，牛肉、蘿蔔都煮到好軟腍入味，輕甜啖啖肉。
骨膠原奶蓋牛骨鍋配韓式公仔麵，韓式拉麵又有新食法！
牛骨都有幾多肉㗎，炆到軟腍入味。
黑木亭自家製 | 鐵板和牛餃子配芝士忌廉汁 7折$178(原價$254)
人手包嘅和牛餃子特別足料～入面唔係牛肉碎，係滿滿和牛粒!! 每隻餃子都脹卜卜，加埋芝士忌廉汁濃厚滿足。
鐵板和牛餃子配芝士忌廉汁。每日自家包製，有滿滿和牛粒。
芝士半溶拉絲勁滿足。
黃金片立鱗燒3件 5折$198(原價$396)
原來魚鱗都可以炸到脆卜卜!! 平時幾千蚊一位嘅Omakase先食到嘅立鱗燒，而家一次過食3件只係$198。仲係用矜貴新鮮今鯛即炸，魚鱗炸到豎起晒又脆又嫩。配埋自家製舞茸菇醬，更有層次。
黃金片立鱗燒3件，魚鱗炸到豎起晒又脆又嫩。
海膽紫蘇葉天婦羅(3件) 7折$198(原價$283)
海膽用嚟做天婦羅，原來會外脆內軟好香口。如果你有用清酒買一送一優惠，一定要叫嚟佐酒呀。
海膽紫蘇葉天婦羅(3件)，外脆內軟好啱飲酒。
【打卡推介】
薄脆TACO
墨西哥 x 日本菜嘅創意Taco，共4種口味選擇—鵝肝牛肉$68／原條鰻魚$68／海膽魚籽$108／雞尾酒醬吞拿魚蓉$68。Taco皮好薄脆，未食已經見到餡料多到爆滿。
私心鍾意大大件原條鰻魚，香甜啖啖肉；吞拿魚蓉就好似加咗脆片嘅壽司咁，口感豐富。
墨西哥 x 日本菜嘅創意Taco，餡料爆滿。
雞尾酒醬吞拿魚蓉，儼如壽司加脆片好豐富。
【尖沙咀食Lunch推介】
「黑木亭」午市都有多款抵食丼飯，燒菠蘿炒牛肉丼$88好啱女仔食，一啖肉一啖菠蘿唔會膩。鵝肝和牛石鍋飯$98真係熱辣辣石鍋上，熱力逼出鵝肝油香，食到最後仲有飯焦𠻹。
「黑木亭」午市有多款抵食丼飯。午市仲有自助沙律吧，真係要去嘆下先得。
【即睇優惠料理】
「黑木亭」優惠一向好抵，因為揀啱日子時段可以同時用盡幾項優惠！飯局前Mark實埋優惠料理，就可以平到盡頭啦。
「黑木亭」2024年4月-5月優惠一覽！
會員專享優惠，免費登記做會員即享以下優惠， 優惠1: 晚市單點餐牌88折 晚市單點餐牌88折(星期五及公眾假期前夕享9折) (不適用於母親節)
優惠2: 限定版清酒 | 買一送一(低至$398/2支) - 米一途 純米酒$398/2支(720ml) - 本月特選限量版$538/2支(720ml) - 安藝虎 潦 純米吟釀 $728/2支(720ml) (全日供應。不適用於星期五及母親節)
優惠3: 午市單點餐牌85折 所有午市單點餐牌85折 (午市定食、所有套餐、本月推介 及 飲品除外) (不適用於母親節)
優惠4: 華蓮/令和之怪物 第二隻半價 低至$39 1. 室津/兵庫 $78/ 第二隻 $39 2. 華𤂍 $88/ 第二隻 $44 3. 令和之怪物 $128 / 第二隻 $64 *以價低項目為第二隻特價目標
優惠5: 人多有著數，你今晚飲咗未? 凡滿指定入座人數，即送酒類飲品:- - 5位以上，送清酒1支(180ml) - 8位以上，送紅/白酒1支(500ml) - 10位以上，送啤酒半打 (不適用於星期五及母親節) *每日數量有限，送完即止
優惠6: 生日優惠(正日前後一週內) - 訂位免切餅費 - 免費生日驚喜大燈牌 及 生日歌助慶／點播你心水歌曲 - 消費滿$1,500，即送指定甜品1份(附設免費寫名服務) - 8人以上預訂，免費升級VIP Private K房(必須電話及訂金確定)
以上優惠日期: 2024年4月1日 至 2024年5月31日 *如優惠時段相同，所有優惠可同時使用 (但不能重疊使用) |
【NEW打卡甜品】
最近仲新出咗幾款IGable甜品，夏天必食透心涼大傻刨冰!! 有楊枝甘露、朱古力兩款口味揀。入型入格嘅傻仔樣好可愛，女生同小朋友都會鍾意啊。
新品布甸份量豐富，幾個人Share食都得。黃鴨士多啤梨焦糖布甸杯有隻好可愛嘅黃色鴨仔軟糖，一啖食晒忌廉、布甸同士多啤梨幸福感爆滿。
另一款見到就手癢癢嘅爆谷發財焦糖布甸船，估唔到麻雀、熊貓軟糖擺埋一齊咁有喜感，麻雀友飯局一定要食，齊齊發財(笑)。
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下至1樓
電話: 23296669