原來情人節食pizza都好浪漫精緻!? 呢間手工薄餅店“Abbraccio”係靚靚西餐環境，有無敵露台望住中半山及大館, 在柔和燭光下食薄餅、鋸扒超有feel。
“Abbraccio”中環店精緻有氣氛。
望住中半山及大館燭光晚餐。
戶外露台浪漫感大足。
除咗氣氛浪漫，呢度嘅pizza都好有水準。全部即場由搓麵團做起，450°C石窯爐新鮮出爐，同現成來貨嘅薄餅好唔同。中環店落地玻璃仲會見到成個整薄餅過程，望住大廚搓麵團、拋薄餅再入爐真係好療癒。
情人節套餐價錢
“Abbraccio”中環店: $588/位 “Abbraccio”北角店: $488/位 |
情人節套餐菜單
只睇價錢嘅話，北角店500蚊有找好抵食!! 不過菜式選擇就會少啲。但整體用餐體驗都好接近，同樣食到“Abbraccio”招牌薄餅㗎。
“Abbraccio”情人節套餐
情人節雙人共享菜單
前菜·選2款 法國Fine de Claire生蠔2隻 配香檳泡沫、魚子醬及金箔 (只限中環店)
羅馬生菜沙律醬配松露醬 意式薄切八爪魚冷盤 乾番茄湯
薄餅及意粉·選2款 瑪格麗塔薄餅 恩杜賈牛肉披薩 (辣) 白汁安格斯披薩 牛頰肉闊條麵 香蒜醬意大利麵 蟹肉扁麵條 (只限中環店)
主菜·選1款 金光燦爛安格斯T骨牛排(500克) (只限中環店 – 另加$198) 安格斯T骨牛排(500克) 新鮮烤虎蝦
甜品·選1款 Sweet End (焦糖牛奶、比利時白朱古力、烤杏仁意大利餃子 配雲呢拿雪糕) Sweet Romance (Nutella及新鮮士多啤梨薄餅) |
【前菜·選2款】
法國Fine de Claire生蠔2隻(只限中環店)
呢款生蠔出名重海水味，配埋香檳泡沫、魚子醬、金箔矜貴精緻。蠔肉更帶微微酒香，後續又有魚子醬鹹味好有層次。
中環店限定嘅法國Fine de Claire生蠔。
羅馬生菜沙律醬配松露醬
想食得清爽啲推薦呢道沙律，以羅馬生菜芯配藍芝士、烤杏仁片、黑松露醬。一啖混合幾種香味，絕對係有驚喜嘅沙律。
意式薄切八爪魚冷盤
另外就有醃章魚薄片選擇，有種獨特海洋風味，伴上巴馬臣芝士、松子仁、柑橘醬輕甜富果仁味。
乾番茄湯
如果鍾意餐前飲啖熱湯，亦可以揀呢道乾番茄湯。乾番茄經曬乾處理，濃縮嘅酸甜味更富深厚風味。
醃章魚薄片
乾番茄湯
【薄餅及意粉·選2款】
嚟到一定要食手工薄餅啊!! “Abbraccio”自家製薄餅即叫即焗，批底特別酥脆鬆軟好正。情人節套餐有特瑪格麗塔薄餅、恩杜賈牛肉披薩 (辣)、白汁安格斯牛肉披薩揀，各有風味。私心最鍾意Nduja薄餅，自家製牛肉Nduja腸香辣有肉感，又有多種芝士、乳酪好香濃。
唔想只係食薄餅，另外一款主菜都可以揀牛頰肉闊條麵、香蒜醬意大利麵 或 蟹肉扁麵條 (只限中環店)。
“Abbraccio”自家製薄餅即叫即焗，批底特別酥脆鬆軟。
除咗薄餅選擇，仲有多款意大利麵揀。
【主菜·選1款】
之後仲可以揀多款主菜，分別有安格斯T骨牛排、鮮烤虎蝦選擇。私心覺得食薄餅再鋸埋扒真係好有儀式感，但如果想食啲海鮮，佢哋嘅大蝦都煮得好香㗎。如果你想俾另一半感受到堅貞不渝的愛，可以另加$198選擇金光燦爛T骨扒，用24K食用金箔全覆蓋在整件T骨扒上，食落當堂心心眼（只限中環店）。
安格斯T骨牛排
烤虎蝦
【甜品·選1款】
最後甜品2選1，如果你鍾意焦糖同朱古力好推薦Sweet End；想食啲果肉清新吓，可以揀鋪滿新鮮士多啤梨嘅Sweet Romance 啊。
(左)Sweet End，滿滿焦糖同朱古力好有幸福感。
(右)Sweet Romance，鋪滿新鮮士多啤梨。
Abbraccio (中環店)
地址: 中環雲咸街75-77號嘉兆商業大廈5樓
電話: 26333878
Abbraccio (北角店)
地址: 北角堡壘街19A號景文樓LG樓
電話: 23297028