英屬印度軍隊主題! 慶祝轟烈愛情 一嚐英式印度菜
去一間排滿「手槍」嘅英式印度餐廳,慶祝轟轟烈烈愛情幾特別喎。尖沙咀“Sepoy Mess”以印度食材及香料入饌,同時加入英國風味大幅減低辣度,做出迎合每個人口味嘅料理。如果身邊人唔食辣,又一直心思思想試印度菜,呢間餐廳就啱晒啦。

牆上掛滿「手槍」真係好衝撃視覺,不過放心係火機嚟嘅(笑)。反而軍隊相片,真係由印度博物館慷慨提供,嚟到可以一睹當時軍隊情況。

“Sepoy Mess”靈感,正正源自相片中英國殖民時期嘅印度。當時軍隊食堂要滿足兩國軍人口腹,所以將印度食材加入英國風味,造就與別不同嘅英式印度菜。而“Sepoy Mess”於印度文中,分別意指印度士兵 及 軍隊食堂,嚟到可以用味蕾、環境感受當時軍隊氣氛,相當特別。



“Sepoy Mess”情人節套餐只係$388/人,有前菜、熱湯、印度烤爐料理、主菜、甜品,並跟配印度烤餅一份,即刻睇詳情啦~

“Sepoy Mess”情人節套餐$388/人。

【Starter】
羅馬花椰菜粟米沙律(Romanesco Corn Salad)
首先有混入印度乳酪醬Raita嘅沙律,紫色羅馬花椰菜花搶眼又清爽,加埋粒粒粟米幾有口感。

【Soup】
牛尾濃湯(Oxtail Shorba)
之後嘅牛尾濃湯就用嫩牛尾、香料長時間熬煮,肉香逼晒出嚟,飲完驅寒暖身啊。

【From Tandoor】
烤大蝦配菠蘿醬(Tandoori Prawn with Pineapple Carpaccio Chutney)
“Sepoy Mess”有印度烤爐Tandoor,呢道烤大蝦就係用Tandoor烤製新鮮出爐,好鮮甜又有啲炭香味。

【Mains Course (Choose 1)】
3款主菜都係多醬汁,好啱用嚟配印度烤餅!! 所以主菜都會跟配一款烤餅,提供蒜香烤餅 / 松露芝士烤餅 / 紅桑子烤餅 選擇。

印度乳酪餅(Love Bite Paneer Pasanda)
充滿印度風味嘅農家乳酪餅,大大件放喺香濃番茄醬中,濃郁酸甜又有印度香料層次。

舊德里牛油雞(Old Delhi Butter Chicken)
舊德里牛油醬汁質感順滑,每啖都有香料、牛油嘅醇厚層次。

雜錦海鮮咖哩(Mix Sea Food Curry)
如果你係咖哩fans,一定要試呢道海鮮咖喱!! 源自南印度嘅傳統咖喱Indian Moilee Curry以椰漿為基調,配搭各種香料煮出濃郁略清淡風味,口感順滑好夾海鮮。咖喱入面就有滿滿香煎魷魚、大蝦、八爪魚仔同澳洲盲鰽魚。

【Dessert】情人節蛋糕(Valentine’s Cake)
最後情人節蛋糕都好精緻。

Sepoy Mess
地址: 尖沙咀柯士甸道西1號ELEMENTS圓方3樓R008號舖
電話: 23300316
* 資料由客戶提供