留港過聖誕想有啲新意，不如試吓呢間花花黎巴嫩餐廳“RUE DU LIBAN”。呢度由黎巴嫩人Imran Khaleel開設，佢年輕時遠赴瑞士讀書，之後喺高級酒店開展職業生涯，對料理要求好高㗎。而家佢夥拍埃及總廚Maged Makram，以超過40年入廚經驗設計多款料理。
今次聖誕套餐就食到紅石榴糖蜜煎雞肝、焗開心果仁脆皮羊架、蜂蜜芝士焦糖餅等等共6道菜，喺浪漫節日一嚐地道黎巴嫩料理，只係$498/位咋。
黎巴嫩餐廳“RUE DU LIBAN”聖誕套餐，只係$498/位。
“RUE DU LIBAN”法文意指黎巴嫩街道，藍色門口已經好有外國氣氛。
天花掛滿色彩繽紛花飾好唯美，喺花海包圍下過夢幻聖誕。
即刻睇吓“RUE DU LIBAN”聖誕套餐有咩食啦～
熱湯｜鮮蝦濃湯
首先飲啖濃湯暖吓胃先。自家用蝦殼煮出濃郁鮮味，湯身醇厚又會食到啲蝦肉。
鮮蝦濃湯用蝦殼煮出濃郁鮮味。
沙律｜炸茄子薄脆紅石榴醬沙律
沙律分量驚喜地多！滿滿新鮮蔬菜夾雜核桃、薄脆片、炸茄子等，清爽得嚟又夠香口。配埋甜甜酸酸嘅紅石榴醬，絕對會極速清碟。
沙律有滿滿新鮮蔬菜，再夾雜核桃、薄脆片、炸茄子等，清爽香口。
前菜｜貝魯特鷹嘴豆蓉 / 烤茄子蓉
今次套餐分別有凍盤前菜、熱盤前菜。凍盤前菜2選1都係中東經典豆蓉，並會跟配脆片或彼得包蘸嚟食。
貝魯特鷹嘴豆蓉以鷹嘴豆為主，質地順滑又重豆香。另一款烤茄子蓉就有煙燻香味，撈埋富奶香嘅芝麻醬幾有層次。
貝魯特鷹嘴豆蓉。以鷹嘴豆為主，質地順滑又重豆香。
烤茄子蓉有煙燻香味，撈埋芝麻醬幾有層次。
前菜｜紅石榴糖蜜煎雞肝 / 香烤羊肉腸
另一款熱盤前菜2選1都好香口，紅石榴糖蜜煎雞肝口感柔滑，咬多兩啖會慢慢滲出雞肝風味，配埋甜甜哋嘅紅石榴糖蜜好開胃，平時唔食內臟嘅話都可以試吓啊。
如果聖誕夜諗住飲酒，揀另一道香烤羊肉腸就好啱喇。比平時嘅香腸豐富好多，因為咬開會有多種香料風味同肉香，外層又烤得輕脆，佐酒一流。
煎雞肝配上輕甜紅石榴糖蜜。
香烤羊肉腸佐酒一流。
之後就輪到主菜上場，5款主菜有齊燒雞、牛助條、羊架、盲鰽魚柳、雜錦蔬菜選擇，照顧晒唔同人口味，就算一班人食飯都無煩惱啊。
主菜｜烤釀燒雞
聖誕餐只係$498/位已經有成隻雞，CP值真係好高!! 下層鋪滿嘅紫椰菜、栗子應節之餘，仲吸滿雞油精華㗎。
原隻烤釀燒雞，CP值極高！
主菜｜招牌慢煮牛助條
牛助條分量有驚喜!! 慢煮後肉質好腍，用叉已經輕鬆拮到大大件肉出嚟，連埋綿密薯蓉一齊食正呀。
牛助條慢煮到好軟腍，連埋綿密薯蓉一齊食正呀。
主菜｜焗開心果仁脆皮羊架
2024年係屬於開心果㗎～ 好多開心果料理都相繼爆紅，連黎巴嫩菜都可以食到佢嘅魔力喇。開心果仁脆脆可以鎖住肉汁外，食落仲金黃酥脆又有堅果香味。配上有嚼勁又細膩嘅羊肉，一脆一嫩雙重口感。
焗羊架充滿開心果仁香，外脆內嫩幾吸引。
主菜｜香煎盲鰽魚柳 配檸檬奶油醬
檸檬奶油醬汁好有記憶點，清新檸檬混合濃郁奶油味，好有提鮮效果。而且魚皮煎到好脆卜卜，絕對係令人滿足嘅魚料理。
檸檬奶油醬好有記憶點，魚柳鮮味更突出。
主菜｜雜錦蔬菜煲配印度香米
食素或追求健康嘅朋友都有選擇，多種色彩鮮艷嘅蔬菜燉煮至軟嫩，充分釋放蔬菜嘅甘甜。將蔬菜精華撈勻粒粒分明嘅印度香米一齊食，健康開胃。
推薦食素或追求健康嘅朋友，蔬菜煮得軟嫩甘甜。
甜品｜蜂蜜芝士焦糖餅 配香草意大利雪糕
平時香港好少食到金黃酥脆嘅甜品，呢道嚟自中東嘅Kunefe真係好有新鮮感。口感絲絲脆口，內餡反而充滿奶香。連埋香草意大利雪糕、開心果碎碎一齊食又係另一種風味。
中東經典甜品Kunefe，口感絲絲脆口，內餡反而充滿奶香。
“RUE DU LIBAN”聖誕套餐菜單
RUE DU LIBAN
地址: 尖沙咀山林道22-26號地下A號舖
電話: 23102922