旺角一向係約朋友最方便嘅地方，但搵間又大又坐得舒服嘅餐廳唔易㗎。開業無耐嘅隱世墨西哥餐廳“REFLECT Restaurant & Bar”，設計概念貫徹店名“REFLECT”，門口、酒吧位都大玩光影反射好唯美。
“REFLECT”嘅室外空間幾驚喜。好少旺角餐廳有咁大個天台，仲有好多梳化位chill住飲嘢傾計，大到可以包場開party或舉辦輕婚禮㗎。
隱世墨西哥菜 | “Christmas 5-Course Set”
“REFLECT”主打墨西哥菜，並請嚟10年經驗墨西哥大廚主理，創作多款party vibe墨西哥菜，好啱食飯飲酒直落。今個聖誕限定“Christmas 5-Course Set”，有充滿節日氣氛嘅聖誕火雞墨西哥夾餅之餘；仲有炭燒MB2西冷扒鋸埋扒。
聖誕套餐專享 | Wine Pairing
凡惠顧聖誕套餐均可$280/人追加Wine Pairing，邊食邊飲氣泡酒、紅白酒、甜酒更有儀式感。
“Christmas 5-Course Set”$880/2位
即刻睇吓“Christmas 5-Course Set”有咩食～
手拆蟹肉龍蝦濃湯
歐洲聖誕大餐點少得龍蝦，大廚特別手拆鮮蟹肉，再用龍蝦、海鮮熬煮濃湯，鮮味極濃郁呀!!
聖誕圈圈沙拉
好溫馨嘅聖誕圈圈沙律，將鮮蝦、新鮮石榴、橙肉、車厘茄做成夢幻圈圈好清甜。圈圈中間係特調百香果沙律汁，香甜開胃，女生一定鍾意。
聖誕火雞墨西哥夾餅(Turkey Tacos)
墨西哥菜必食Taco!! “REFLECT”依地道墨西哥做法，餅皮係用粟米製成，新鮮烘烤有種粟米香味，仲比一般麵粉餅皮健康得多。
聖誕限定火雞Tacos有滿滿手拆火雞絲，餡料多到爆出嚟。最後淋上秘製醬汁，一嚐墨西哥風味聖誕。
炭燒MB2西冷配焗薯
特選高級牛前腰脊肉，肉感纖維豐富，同時又佈滿油花。會越咬越有濃郁肉味，牛扒fans一定鍾意！特別配上美式煙肉焗薯，軟綿鹹香又有聖誕氣氛。
聖誕特色甜品
最後會有自家聖誕甜品，蛋糕口感綿密又有濃郁朱古力。
追加限定雞尾酒
今年仲有2款聖誕限定雞尾酒—X'mas Pirates、Santa Kisses。X'mas Pirates有果仁香，以Dark Rum、花生、堅果、忌廉、柑橘調製。酒身綿滑，加埋杯邊嘅脆脆焦糖好有層次。
另一高腳杯Santa Kisses極華麗，以士多啤梨、覆盆子、橙汁、伏特加等調製，最後以士多啤梨果醬點綴，酒香中帶甜。
(左)Santa Kisses、(右)X'mas Pirates
【必食招牌料理】
“Reflect”新開業無耐，已經收到大家心聲好鍾意呢幾款招牌料理。望住餐牌無從入手嘅話，直接揀呢幾款實啱食。
墨西哥夾餅(蘑菇/雞肉/牛肉)
墨西哥菜必食Tacos，呢度可以揀蘑菇/雞肉/牛肉餡料。用地道粟米製夾餅，加埋牛油果醬、莎莎醬、酸忌廉好爆餡。
羊肉西冷配芝士薄脆
平時食羊都係羊架多，呢度就選用更矜貴嘅羊肉西冷。羊肉好軟嫩，第一啖好似食緊牛柳嘅錯覺，後續再滲出羊扒獨特肉味，恰到好處唔會羶。加埋外層脆脆巴馬臣芝士薄脆、松露汁，口感味道絕對有驚喜。
蟹肉他他
呢道蟹肉他他可以當作開胃前菜；亦好啱一邊share一邊飲酒。絲絲蟹肉極有存在感，配埋牛油果、番茄粒、希靈魚魚籽醬等做出多重口感。
【多款新推雞尾酒！】
除咗聖誕限定雞尾酒系列，店家12月都新推出多款雞尾酒。同場Mocktail亦好受女生歡迎，食完飯想飲嘢影吓相就啱喇。
Aladin(阿拉丁)
還原超夢幻阿拉丁神燈，親手拎起神燈倒出藍色酒，酒杯仲會散出仙氣好有電影感。藍色酒以Rum、椰子、菠蘿、柑橘調配。
Pirates Daily(海盜日常)
海盜木桶盛載Dark Rum、花生、堅果、奶油、柑橘調配嘅雞尾酒，果仁獨特味道幾有驚喜。
Xipe Totec
充滿神秘氣氛嘅Xipe Totec，以杜松子酒、茉莉花茶、梨、薑組成，完美結合柔和香辛味道。
Fruity Garden(水果花園)
Fruity Garden有多種口味選擇—士多啤梨/黑莓/芒果/仙人掌果等，配以伏特加、橙、菠蘿、桃子混合調製。
Espíritu
高腳杯極具格調，以Jack Daniels威士忌，撞上橙汁、菠蘿汁、青檸汁同意大利利口酒Frangelico。
REFLECT Restaurant & Bar
地址: 旺角西洋菜南街74-84號旺角城市中心12樓
電話: 94029697