聖誕大餐揀西式就最有feel，喺中環同北角都有分店嘅意大利餐廳Abbraccio，聖誕大餐合共提供9道菜畀大家自由組合，要肉類有肉類，要海鮮有海鮮，紅白肉嘅朋友都啱食，仲有即開生蠔滿足生蠔控，保證夠豐富！
【中環總店】聖誕大餐（$598/位，2位起）
中環店的聖誕大餐 (部份菜式跟北角店不同)
(中環店) 空中天台用餐區俯瞰中環市觀景都好有feel。
(中環店) 餐廳設有戶內同戶外座位，室內走藝術格調，更加浪漫
【第一道菜】（三選一）
Funghi Soup 蘑菇湯
以麵包為湯碗嘅蘑菇湯，用上大量蘑菇熬煮，質感好似奶油咁絲滑，又有蘑菇粒粒增加口感；濃厚嘅菇菌香氣中，帶香草同微微蒜味，食埋吸滿湯汁嘅麵包夠暖胃。
Carpaccio 生牛肉薄片
特別精選小牛肉薄片製作 ，配上巴馬臣碎芝士、酸豆、新鮮火箭菜以及高質橄欖油，令肉香更突出，開胃得嚟味道平衡得好好。
主廚加購推介：Fine de Claire Oysters 即開生蠔（加$288/6隻）
嚟自法國嘅Fine de Claire生蠔，帶濃厚海水味，口感清爽鮮嫩，配上mignonette醬汁同檸檬汁更加提鮮。如果想風味更顯著，建議再配汽泡酒或香檳，氣氛再浪漫啲𠻹。
【第二道菜】（二選二）
Beef Cheeks 紅酒牛面頰闊條麵
意大利菜點少得意粉呢～燉煮至入味嘅紅酒牛面頰肉好軟嫩，細心撕成肉絲後，連同醬汁拌炒闊條麵，令麵條掛滿肉汁，加埋巴馬臣碎芝士，口感同味道層次立即升級！
Tartuffo e Burro 松露奶油意大利麵
香氣樸鼻呀～麵條簡單以巴馬臣芝士同奶油炒香，再拌入松露醬，上菜前即刨新鮮黑松露片，將堅果嘅香氣、松露嘅清新感，以及奶油嘅creamy完美融合！
【第三道菜】（二選一）
Branzino al Cartoccio 烤原條鱸魚
聖誕大餐豐富得嚟都可以有清新感，以紙包魚方式製作嘅烤原條鱸魚，加入番茄、檸檬、迷迭香、白葡萄酒、新鮮牛至一齊烤30分鐘，令伴菜嘅天然香氣迫入魚肉，同時保持肉質嫩滑多汁。
Carré di Agnello 烤羊架
如果你係紅肉愛好者，烤羊架就啱你喇～厚肉嘅羊架有4支骨，兩個人share都好有分量，蘸上香草醬或唧少少檸檬汁，風味大大提升！而柔軟嘅紅薯泥，就為呢道菜同佳節增加一點甜。
【第四道菜】（二選一）
Signature Tiramisu 招牌提拉米蘇
呢款招牌甜品，將creamy嘅Mascarpone芝士、浸泡過濃縮咖啡嘅Savoiardi餅乾交替層疊，面層灑上可可粉，口感濕潤幼滑，甜中帶一絲絲苦澀，滋味滿分。
Torta Caprese 卡普里蛋糕
經典嘅意大利南部甜品，無需麵粉，只用杏仁同黑朱古力製作，而且要掌握好溫度，考驗師傅功力。蛋糕口感鬆化，面層撒上糖粉扮作落雪，好加分呀～
Abbraccio
地址: 中環雲咸街75-77號嘉兆商業大廈5樓
電話: 26333878
【北角分店】聖誕大餐（$398/位，2位起）
聖誕大餐可自選配搭（$398/位，2位起）
(北角店)裝潢帶點復古感覺，好啱約會撐枱腳
【第一道菜】（三選一）
Funghi Soup 蘑菇湯
經典嘅蘑菇湯加上忌廉，集菇菌香氣同幼滑口感於一身。配上焗至香脆嘅法包當作湯匙𢳂湯，別有一番滋味。
Carpaccio 生牛肉薄片
意大利嘅開胃菜之中，你會揾到Carpaccio，係用肉類或魚類製作，而呢度就選用濃味嘅高質小牛肉，再以巴馬臣碎芝士、酸豆、新鮮火箭菜以及高質橄欖油豐富味道層次。
主廚加購推介：Fine de Claire Oysters 即開生蠔（加$288/6隻）
愛好法國生蠔嘅朋友，餐廳提供Fine de Claire生蠔呀！入口爽脆鮮嫩，海水味又濃厚，無論配mignonette醬汁或檸檬汁提鮮都咁夾，啱晒偏重口味嘅生蠔控。另外加配汽泡酒或香檳，更可瞬間營造出浪漫泡泡嘅感覺。
【第二道菜】（二選一）
Beef Cheeks 紅酒牛面頰闊條麵
意大利菜必食嘅意粉有兩款選擇，紅酒牛面頰闊條麵啱口味較濃嘅朋友，肉與鬆軟又入味，明顯師傅花時間燉煮。而麵條掛滿醬汁，再拌勻巴馬臣碎芝士，每一啖都咁香口。
Tartuffo e Burro 松露奶油意大利麵
要試清香嘅意大利麵，呢道松露奶油意大利麵絕對係首選！巴馬臣芝士同奶油令麵條口感creamy，加入松露醬，雙重香氣特別滋味。
【第三道菜】（二選一）
Branzino al Cartoccio 烤原條鱸魚
海鮮控之選～烤原條鱸魚以紙包魚方式製作，唔只為咗鎖緊肉汁，令魚肉保持嫩滑，同時將伴菜、香料同白葡萄酒嘅氣味滲透全條魚，充滿沿海國家風味啊。
Carré di Agnello 烤羊架
意大利人都幾鍾意食羊架，冬天食仲好暖身𠻹。師傅先將羊架外層烤好，之後再切開3支骨略烤，肉質粉嫩juicy；加少少香草醬惹味又唔羶，連同清甜嘅紅薯泥一齊食可以中和油膩感。
【第四道菜】（二選一）
Signature Tiramisu 招牌提拉米蘇
Tiramisu最緊要口感幼滑，而呢度就做到喇。Creamy嘅Mascarpone芝士、浸泡過濃縮咖啡嘅Savoiardi餅乾交替層疊，入口依然濕潤軟滑；淡淡嘅濃縮咖啡味同面層嘅可可粉，則帶出一點苦澀平衡甜度。
Torta Caprese 卡普里蛋糕
唔用麵粉製作嘅經典意大利甜品，只加入杏仁同黑朱古力，質感有別於一般嘅蛋糕，呈鬆化口感但唔硬身；面層再撒上糖粉好似落雪咁，加分！
裝潢帶點復古感覺，好啱約會撐枱腳
Abbraccio
地址: 北角堡壘街19A號景文樓LG樓
電話: 23297028