情人節想去旺角拍拖，一定要mark低呢間天台酒吧餐廳“REFLECT”，難得可以俯瞰旺角夜景食飯飲嘢啊。呢度有室內座位外，最吸引有個大天台，係大到可以包場開party嗰種，仲有好多梳化位坐得舒服幾有feel。
“REFLECT”大天台有好多梳化位，俯瞰旺角夜景食飯飲嘢。
同場可以選擇室內座位。
今年情人節套餐$988/2位，繼續由10年經驗墨西哥大廚主理，無論龍蝦濃湯、烤南瓜沙律；直至主菜之一嘅三文魚意大利飯又或甜品反轉蘋果撻等等，全部都係自家製作，唔係一般來貨質素啊。
優惠升級Wine Pairing
“REFLECT”係間酒吧餐廳，所以佢哋引入好多高質紅/白酒、甜酒，同埋有駐場調酒師即調打卡雞尾酒。
情人節套餐已包括2杯價值$88飲品，現可優惠價+$168/位升級Wine Pairing，分別喺沙律、主菜、甜品環節跟配意大利氣泡酒、意大利紅/白酒、澳洲甜酒，用餐體驗好圓滿啊。
即刻睇詳情啦~
情人節套餐$988/2位，由10年經驗墨西哥大廚主理。
情人節套餐已包括2杯價值$88飲品，現可優惠價+$168/位升級Wine Pairing。
【Soup】龍蝦濃湯(Lobster Bisque)
首先以經典龍蝦濃湯掀開序幕，大廚將龍蝦頭、龍蝦殼打碎，再加入忌廉、香草blend出法式濃湯。濃湯口感絲滑醇厚，又有豐富海鮮層次。
龍蝦濃湯絲滑醇厚。
【Salad】烤南瓜沙律(Roasted Pumpkin Salad)
Wine Pairing: Menstrello Prosecco D.O.C. Spumanie N.V
羽衣甘藍為主角嘅沙律，真心超級大碟!! 如果你有位追求健康嘅另一半，呢個沙律好啱佢喇。大廚將南瓜烤到微焦，加埋藜麥、櫻桃番茄、羊奶芝士、神石榴，最後淋上墨西哥風味嘅蜜糖油醋，清爽香甜又帶酸。
烤南瓜沙律。微焦南瓜配上藜麥、羊奶芝士、神石榴等，最後淋上墨西哥風味嘅蜜糖油醋。
【Main Course 3選2】
三文魚意大利飯(Salmon Risotto)
用雜海鮮、紅花、蘑菇、洋蔥煮製嘅意大利飯。金黃飯粒係紅花天然金黃色嚟㗎，加埋挪威三文魚絕對瞬間清碟。
三文魚意大利飯，以紅花煮出天然金黃色飯粒。
保濕豬鞍(Pork Loin Chop)
加拿大保濕豬鞍出名軟嫩濕潤，食之前用刀一切到底嘅手感就知幾嫩喇。食落豬味濃郁同零羶味，配埋烤焗蕃薯、特色阿根廷香草醬，味道溫軟甜蜜，好啱拍拖食啊。
保濕豬鞍，豬味濃郁兼零羶味。
香煎牛柳(Grilled Beef Tenderloin)
Wine Pairing: Ortonese Sangiovese Merlot, Italy, or Ortonses Malvasia Chardonnay, Italy
超厚切牛柳!! 切開入面勁粉嫩，自家製燒汁用牛骨、牛肉、雞肉熬製2日，真係要汁都撈埋。而且幾款配菜都好有誠意，除咗自家手製薯蓉、意大利大啡菇，大廚特以美國鮮露筍取代常見泰國露筍為例，食落更粗身更香。
香煎牛柳。自家製燒汁用牛骨、牛肉、雞肉熬製2日。
切開入面好粉嫩。
【Dessert】反轉蘋果撻(Apple Tarte Tatin)
Wine Pairing: La Catrina Moscato, N.V.. Australia
“REFLECT”甜品都係自家製，所以平時嚟食飯都好值得留肚食甜品㗎。今次套餐甜品係蘋果控福音～因為反轉蘋果撻真係啖啖蘋果肉，人手炒香蘋果、肉桂、牛油，並依傳統放上酥皮即叫即焗，食落酥脆又有果香，幸福感爆滿。
反轉蘋果撻。人手炒香蘋果、肉桂、牛油，並依傳統放上酥皮即叫即焗。
REFLECT Restaurant & Bar
地址: 旺角西洋菜南街74-84號旺角城市中心12樓
電話: 94029697