尖沙咀隱世居酒屋「南瀛水產」主打浜燒、刺身、壽司，海鮮控一定要mark實!! 嚟緊《6周年感謝祭》，經OpenRice訂座即享主菜餐牌正價7折、飲品及雪糕買一送一，嚟飲飽食醉再食埋甜品都好抵!! 午市定食亦享8折送汽水，單點都有7折㗎。即睇優惠詳情～
《南瀛水產6周年感謝祭》
經OpenRice訂座晚市(6pm-10pm)，即享以下優惠# -送前菜小砵(2人1份) -晚市單點餐牌食物7折 -啤酒、燒酎、無酒精飲品買一送一 -雪糕買一送一 (以上優惠不適用於2024年12月24日至25日)
經OpenRice訂座午市(12pm-2pm)，即享以下優惠#* -單點餐牌食物7折 -午市定食8折及送汽水
OpenRice優惠券(6pm-10pm)# -憑券惠顧主菜餐牌，即享正價7折及啤酒買一送一
*#優惠由即日起至2025年1月31日 *逢星期一至五(紅日假期除外) |
「南瀛水產」喺尖沙咀地鐵站B2出口行1分鐘就到，位置好方便。呢度專注做好海鮮、刺身，全部都係每日直送!! 店內仲有魚缸即場見到超多游水海鮮。特別係招牌浜燒嘅南瀛海鮮盛合，上枱嗰陣鮑魚仲郁緊㗎。
必食浜燒！南瀛海鮮盛合$588
帆立貝、生蠔、鮑魚、蜆、鱈場蟹腳、大蝦
日本街頭好多浜燒店，「南瀛水產」海鮮夠鮮甜幾有地道風味啊。如果唔知點掌握火喉，員工都可以即席幫你燒。見到佢哋燒到中途，簡單用清酒或鹽調味就得，因為新鮮海鮮本身已經好鮮甜啦。
私心最鍾意鮑魚，係新鮮鮑魚獨有嘅Q彈口感。另外生蠔都好大隻，蠔肉夠肥美。而鱈場蟹腳蟹肉夠細膩，真係啖啖肉。
蟹味噌甲羅燒$78
嚟食浜燒，一定要嗌埋甲羅燒。邊燒邊將鵪鶉蛋倒落蟹膏拌勻。蟹膏味濃又軟滑，有時又食到蟹籽嘅卜卜口感，正啊。
南瀛七點盛$588
鮪魚腩、帆立貝、牡丹蝦、油甘魚及三款時令刺身廚師發辦
極致刺身拼盤好厚切，同朋友share都好夠食。最出色係鮪魚腩、油甘魚好滑嫩，魚味濃郁。而帆立貝則有天然甘甜，另外會有3款當日時令刺身。
特上壽司盛$468
想食壽司都有單點同幾款盛合選擇。壽司盛合款式每日唔同，因為會用當日最靚魚材。今次就有拖羅、油甘魚、帆立貝、牡丹蝦、魷魚、三文魚、深海池魚、鯛魚、海膽同吞拿魚。
雲丹蟹肉卷$228
呢度都有特色卷物，好似呢道雲丹蟹肉卷，每件都有爆滿海膽，入口化出海水味，鹹鮮滑溜。
松葉蟹海膽釜飯$238
冬天想食啲熱嘢，好推薦有火酒膏熱住嘅釜飯。一打開都幾多煙，即刻聞到好香蟹味。我哋將飯輕輕拌勻就食，保留海膽喺刺身狀態，每啖熱飯都有滑溜溜嘅海膽。
什錦天婦羅盛合$198
「南瀛水產」除咗出名浜燒同刺身，天婦羅都炸到好薄脆。全因炸漿輕盈，咬開唔會有厚重感，食多幾件都唔會膩啊。坊間比較少見款式有帆立貝天婦羅、紫菜海膽天婦羅，選擇困難可以直接揀盛合。
香蒜牛舌$98
而家晚市優惠，啤酒、燒酎都有買一送一。如果嚟飲酒，叫幾款燒物佐酒就啱晒喇。最高人氣就有香蒜牛舌，牛舌表面燒到微酥脆，咬到入面就Q彈柔軟。同場仲有柳川滑蛋鰻魚、鰻魚玉子燒等，邊食邊飲幾有日本風味。
南瀛水產
地址: 尖沙咀金馬倫道5號太興廣場5樓
電話: 23688028