尖沙咀“Lab Eat Restaurant & Bar” 一向主打玩味法國料理，會由外國唔同地方引入靚食材。特別係法國生蠔、斧頭扒、自家甜品等等，一直都有好多熟客鍾意㗎。最近尖沙咀店重新裝潢成北歐風格，嘢食就繼續貫徹實驗法國料理嘅無限可能性，可以喺度享受歐陸causal dining，即刻睇吓有咩食啦～
海膽係“Lab Eat”最拿手食材之一，用以創作各款新料理。今次就將時令海膽配上黑鱘龍魚子醬。一手拎起多士，先食到好厚嘅海膽勁creamy。然後再咬爆魚子醬，卜卜爆開滲出海水味。
時令海膽配黑鱘龍魚子醬
北歐環境下鋸扒更有儀式感～呢度有多款牛扒揀，人氣澳洲M6和牛西冷牛味特濃，切開仲係好粉嫩㗎。一班人share可以揀澳洲M5和牛斧頭扒，超厚肉大件依然keep到好多肉汁。
澳洲M6和牛西冷
如果你都鍾意強勁牛味，一定要試埋鹽燒牛骨髓！一入口即刻爆出牛油香，滑溜溜口感好似入口融化咁，比和牛嘅油香更直接衝撃呀！
鹽燒牛骨髓多士
呢度嘅生蠔、海膽料理好受歡迎，想食其他海鮮料理嘅話亦可以揀炭燒龍蝦西西里島番茄意粉。龍蝦啖啖肉又有獨特炭香，係好有驚喜嘅意粉。
炭燒龍蝦西西里島番茄意粉
熱湯都係自家用新鮮食材煮製，好似呢道北海道露筍濃湯就係將露筍煮腍再打成濃湯，口感creamy實在。
北海道露筍及干貝濃湯
脆麟金鯛魚柳係將魚鱗炸至豎起，魚鱗脆卜卜做到外脆內嫩效果，配魚子醬一齊食好香口。
脆麟金鯛魚柳配魚子醬
“Lab Eat”嘅自家甜品一向出名IGable，最重要係唔太甜。好似紅草莓拿破崙餅咁，香脆酥皮有牛油香，每層都有士多啤梨，口感豐富唔會得個甜字。
每週製作高質甜品。
呢度有駐場調酒師，定期設計各款雞尾酒。嚟到春夏，調酒師亦以各種水果為靈感設計清爽輕甜口味。
(左)Rum酒配自製接骨木花酒、新鮮青蘋果汁，做出新鮮又甜甜酸酸味道。
(右)Gin酒配澳洲蜜柑汁，再以意大利佛手柑做調和。一上枱就聞到獨特香味，味道亦輕鬆易入口。
同樣以Gin酒為基調，配上玫瑰風味酒、青蘋果汁，香味同味道都有獨特風格。
LAB EAT Restaurant & Bar (金巴利道)
地址: 尖沙咀金巴利道87-89號僑豐大厦地下1-2號舖
電話: 28331976