平時忍住忍住，諗住儲定彈藥飛去日本食正宗日本嘢。其實喺香港都唔使忍得咁辛苦，因為日本過江龍「希鳥Kicho」由資深日籍廚藝顧問吉田史先生，帶領日本人廚師團隊以傳統燒法，以百年燒製歷史—日本白橡木及硬木燒製而成嘅備長炭，真正用炭火燒製一系列鳥料理。
全店18個席前座位，日本師傅會於你面前備料、燒製，享受味覺、視覺、嗅覺嘅圓滿用餐體驗，體驗日本人對食物嘅匠人精神。
席前座位可欣賞師傅燒鳥過程，好有氣氛。
香港店相同於日本銀座及惠比壽店，同樣用自家農場養殖嘅鹿兒島黑薩摩雞，喺香港、日本都好少機會食到㗎。農場擁廣闊草地，放養走地模式令黑薩摩雞肉質結實、鮮味濃郁。每日於自家農場直送各店，真正做到Farm-to-table，食得新鮮放心。
而家憑OpenRice餐飲券惠顧「希鳥Kicho十七道菜晚市廚師發辦$1250」即享85折；午市套餐亦享85折。同場仲有清酒優惠$88特選3杯清酒，即睇詳情啦～
「希鳥Kicho十七道菜晚市廚師發辦$1250」推出85折優惠！
午市套餐都有85優惠，好啱中環上班族。
多款午市套餐選擇。
清酒優惠可品嚐賀儀屋、山之壽純米吟釀、龍勢純米大吟釀。
「希鳥Kicho」一系列優惠！
1) 憑OpenRice餐飲券惠顧「希鳥Kicho十七道菜晚市廚師發辦$1250」即享85折* 2) 惠顧「午市套餐」即享85折* 3) 清酒推廣優惠期間，特選3杯清酒只需$88
*按原價收取10%服務費 |
「希鳥Kicho」以原隻黑薩摩雞到港，所以好多罕見肉位、內臟都有得食，如雞生蠔、橫隔膜、雞心、雞冠都係坊間少有。
店家提供2款廚師發辦套餐，分別係「希鳥Kicho十四道菜晚市廚師發辦$950」，以及今次85折就到食「希鳥Kicho十七道菜晚市廚師發辦」。優惠套餐除咗食到7款燒鳥外，更有前菜、湯物、野菜、和食、甜品，增添咗海鮮、野菜料理絕對值回票價。
【7款燒鳥】
師傅平時會逐道燒鳥料理端上，確保客人品嚐嘅每串燒鳥都係熱辣辣。而且每日都會挑選最高質新鮮肉位、食材，所以每次嚟食都略為不同㗎，以下幾款燒鳥最深刻。
首先食到嘅汁燒雞腿肉，彈牙肉嫩。師傅燒至中途會將燒鳥放入陳年秘製醬汁缸後續燒。醬汁香甜有層次，後續又會散發炭香好有層次。
燒去骨手羽亦相當花心思，當燒到快熟時師傅將手羽剪開，即刻滴出肉汁油脂，見到已經好想食喇！雞皮微焦，內裡雞肉卻非常嫩滑，外脆內嫩雙重口感好深刻。
平時真係好少食到燒雞尾巴，估唔到一咬落去係脆脆哋好香口。而且且大家都知雞皮好薄，燒雞皮包雞胸就盡顯師傅手藝心思，將雞皮包住雞胸，配以珍珠洋蔥做到香脆而不膩。
師傅用心燒製每道燒鳥，各有驚喜。
「希鳥Kicho」作為專業日本鳥割烹店，用餐過程都令人享受，可以一直欣賞師傅於炭爐前撥扇、燒鳥及沾醬，每次端上料理更會用心介紹。好似呢道月見免治雞肉串燒，就將自家製免治雞肉配上日本太陽卵。蛋味香濃綿滑，襯托鮮嫩帶嚼勁嘅免治雞肉相當出色。
月見免治雞肉串燒，日本太陽卵香濃綿滑。
【季節前菜】
前菜則以唯美4小碟呈現，師傅每日挑選季節食材設計而成。今次有半熟雞胸片，以傳統“Tataki”做法，將雞胸表面烤至微熟，內裡保持半生狀態，係香港好難食到嘅生雞料理。全因店家日本農場全無菌養飼並直送到店先做到，可以放心品嚐真正原始肉味。
另一前菜燒雞肝，將新鮮雞肝配自家製燒雞肝醬鹹香開胃。
4款前菜精緻唯美，每日以時令食材設計。
【椀物】
熱湯就有自家熬製嘅自家製雞丸湯，湯身清徹順喉。慢煮肉丸吸滿湯汁、肉味香濃，配以冬瓜、四季豆消暑清爽。
熱湯配以夏日野菜，暖胃清新。
【燒鳥】
除咗燒鳥串燒，師傅亦呈現其他燒鳥可能性。呢道昆布雞柳配山葵三文魚子，將雞柳燒香後完美融合多款食材，香辛、鹹鮮、彈脆、鮮味於口中一次爆發。
師傅呈現燒鳥各種可能性。
【箸休】
高級日本料理講求完整體驗，十七道菜之間會有2道箸休畀你清爽味蕾，準備迎接陸續有嚟嘅豐富料理。2道箸休分別有季節野菜、雪葩，兩種清爽感覺截然不同。
高級料理會設箸休，為食客清新味蕾。
【強肴】
呢道雞肉料理比較香口，香炸南瓜餅配以特調雞肉汁層次豐富。
將香炸南瓜餅配以燉煮雞肉芡汁層次豐富
【食事】
套餐分別有2款和食選擇，有日本人夏天必食蕎麥麵—炭燒走地雞肉粒配蕎麥麵，以及同為夏季時令食材—穴子海鰻壽司。
日本人夏天必食蕎麥麵。
夏天時令食材穴子海鰻。
【溫物】
今次優惠套餐加咗海鮮食材，所以更加豐富划算㗎，而呢道季節逸品金目鯛當然係重點之一。金目鯛一向鮮味濃郁，魚肉細嫩甘甜，難怪成為高級日本料理店魚材。
金目鯛相當鮮味。
【甜品】
十七道料理各有特色，細心按序呈上，最後以清爽甜品作結。料理各具特色，滿足而不膩。師傅手藝心思更令人食得開懷，真係有種飛到日本嘅錯覺。
日本甜品完美作結。
希鳥
地址: 中環皇后大道中48號萬年大廈1樓2B號舖
電話: 26338933