身為牛扒fans，一定要試吓牛扒界天花板—阿根廷牛扒!! 呢間阿根廷高級扒房“La Parrilla Steakhouse” 真係由當地直送草飼牛扒，牛味極濃又唔會太多脂肪。如果你追求肉味，呢度嘅牛扒真係越咬越有原始肉味。
中環店門口已經好有格調。
木系裝潢好有外國氣氛。
店內特設乾式熟成櫃，天然分解過程令牛扒更濃肉味及嫩滑。
“La Parrilla Steakhouse” 2間分店嘅木系歐洲裝潢都好有feel。中環店眺望大館夠浪漫；北角店價錢就更親民，睇吓你想要靚環境拍拖約會定朋友聚會鋸扒啦。2間分店牛扒都係阿根廷直送，一樣食到大大份靚扒㗎!!
【全新】牛油乾式熟成牛仔骨扒(Butter – Aged Cowboy)
嚟到專業扒房，最開心就係食到出面好少見嘅扒。“La Parrilla Steakhouse” 除咗有多款肉位外，最近更新出罕見牛油乾式熟成牛仔骨扒!!
牛油乾式熟成牛仔骨扒，用高溫扒爐猛火燒到外層焦香。
牛扒外層裹上特製牛油，好講究手藝同精細度。
呢道奢華牛扒好大件，經乾式熟成提升牛味後，再以獨特牛油熟成技術處理，好講究手藝同精細度。牛扒外層會裹上特製牛油，以及自家混合香草、香料、大蒜同橘皮，再放於特定溫度、濕度環境熟成。
高溫扒爐瞬間鎖住肉汁，切開係多肉汁嘅牛油風味。
坊間罕見牛油乾式熟成，係以前未食過嘅味道。
牛油熟成過程中，天然酵素會同牛油水分相結合，令牛扒格外嫩滑；而牛油脂肪滲入肉中亦帶嚟豐富奶香。大廚再用高溫扒爐猛火燒到外層焦香，切開係多肉汁嘅牛油風味，完全係以前未食過嘅味道，值得一試啊!!
【牛控必試】
各位牛控嚟到鋸扒之餘，有無興趣試吓牛胸腺(Mollejas)、牛骨髓(Bone Marrow)? 一試獨特酥脆口感或油香，係鋸扒以外嘅另一享受啊。
烤牛胸腺(Mollejas)
牛胸線外焦內嫩，有種忌廉嘅滑順口感，食落微甜又有脂肪香味。用高溫炭火燒後，會逼出油香兼有濃郁煙燻風味，最後以焦香洋蔥甜味、檸檬微酸平衡味道，油脂香超有滿足感。
高溫炭火燒牛胸線，逼出油香兼有濃郁煙燻風味。
烤骨髓(Bone Marrow)
另一道烤骨髓就用咗香草、大蒜烘烤，深沉油脂香又有淡淡鹹味，完全係奢華原始風味。每啖牛骨髓都好滑膩，用嚟配脆脆麵包食好夾啊。
烤骨髓以香草、大蒜烘烤，深沉油脂香又有淡淡鹹味。
滑膩牛骨髓，好啱配脆脆麵包食。
【扒房高級前菜】
“La Parrilla Steakhouse”唔止得牛扒，仲有好多阿根廷料理同高級前菜㗎。
鴨肉風乾火腿(Duck Prosciutto)
自家製作嘅鹽醃鴨胸好用心，因為初步醃製鴨肉後，要再用特調香料陳化幾日先做到入味同加深風味。薄嫩鴨肉質地細膩鹹香，又帶淡淡香料味。呢道前菜同濃郁嘅阿根廷紅酒好夾，因為紅酒厚實風味撞上鴨肉嘅鮮味(umami)，令成個用餐體驗好圓滿。
自家製鴨肉風乾火腿，初步醃鴨肉後再用特調香料陳化幾日。
布拉塔沙律(Burrata Salad)
擺盤優雅嘅布拉塔沙律，係以柔軟奢華布拉塔芝士做主角。用跟配嘅脆脆麵包蘸啲芝士食，再食啲淋上羅勒油嘅新鮮羅馬番茄、羅勒，清新滿足。布拉塔芝士嘅微酸風味，一直好受芝士fans歡迎。用嚟配清爽白酒或輕盈紅酒都好夾。
布拉塔沙律擺盤優雅。
布拉塔芝士好受芝士fans歡迎。
章魚沙律(Octopus Salad)
炭火燒章魚係呢道沙律嘅主角，再配上新鮮沙律菜、爽脆青瓜、多汁車厘茄同薄切紅洋蔥，最後淋上蒜香紅酒醋醬汁。沙律色彩繽紛又有豐富口感，嚟緊春夏季節食幾爽。
炭火燒章魚，配新鮮沙律菜及蒜香紅酒醋醬汁。
【海洋料理】
每日鮮魚(Catch of the Day)
呢度嘅每日鮮魚料理都幾吸引，因為係用當日新鮮捕撈嘅魚類為主，搭配純樸嘅雜菜燉湯(Ratatouille) 突出海洋鮮味之餘，同時燉湯又有濃郁蔬菜滋味，平時下晝想食個健康lunch都好啱啊。
當日新鮮捕撈鮮魚，搭配純樸嘅雜菜燉湯(Ratatouille)。
【幸福甜品】
季節莓果鮮牛油(Seasonal Berries in Whipped Cream)
呢款甜品集合咗當季莓果，配搭新鮮打發淡忌廉、自製士多啤梨醬同薄荷葉。清新嘅莓果甜味、滑順淡忌廉同果醬鮮豔風味融合一齊，好有幸福感。
甜品集合莓果、鮮打發淡忌廉、自製士多啤梨醬風味，好有幸福感。
La Parrilla Steakhouse (中環店)
地址: 中環雲咸街77號嘉兆商業大廈1樓
電話: 26378555
La Parrilla Steakhouse (北角店)
地址: 北角堡壘街19號景文樓LG層
電話: 26623000