開始feel到秋意嚟喇～心郁郁想打邊爐又怕突然太熱氣，近期爆紅嘅茶底火鍋就好啱喇！茶葉+麻辣火鍋估唔到勁夾。
尖沙咀「川婆婆」嘅「100分鐘茶底火鍋放題」，本身已經有勁多牛肉、海鮮、串串香任食。10月3日起，2人同行仲送雞煲(半隻雞)，真係要留肚瘋狂吸入呀！
優惠詳情
- 2人同行，即送雞煲(半隻雞) - 3至4人同行，即送雞煲(原隻雞) |
2人起食放題即送雞煲，加埋任食區真係大飽足！
3款放題套餐詳情！
A Set 新鮮農場靚牛海鮮串串套餐 $358/位 自助配料區+牛頸脊/ 牛小排/ 伊比利亞豬肋條(3選1) +豐富海鮮拼盤(鮑魚、元貝、海蝦、貴妃蚌、花甲)+雞煲
B Set 新鮮農場靚牛串串套餐 $328/位 自助配料區+牛頸脊/ 牛小排/ 伊比利亞豬肋條(3選1) +送時令海鮮+雞煲
C Set 串串套餐 $288/位 自助配料區+雞煲
【優惠價追加】 1. 秘製雞煲+$30/半隻、+$60/隻 2. 牛頸脊/ 牛小排/ 伊比利亞豬肋條 +$50/碟 2. 升級海鮮拼盤 +$60/碟 3. 啤酒(藍妹/Asahi朝日/ Hoegaarden細樽裝) +$10/樽
*以上全部套餐任食任飲(酒精飲品除外) *星期五/六/日/公眾假期及前夕+$20/位 |
【串串香放題】打邊爐+韓燒
呢度1枱2爐，可以同時打邊爐+韓燒㗎～全場超過80款配料 同 串串香。最人氣有泡椒牛肉串、芫荽牛肉串、鴨血、牛黃喉等，串串香一啖一件，輕鬆食勻幾十款，好易回本。
串串香一啖一件過足癮，仲可同時打邊爐/ 韓燒。
牛肉串有泡椒牛肉、芫荽牛肉、薄荷牛肉等，勁多口味。
多款串串香，全部任拎任食。
【激多新鮮靚牛】平價追加
本身A Set、B Set 已經包1款牛肉任食。如果想食多幾款，追加 牛頸脊/ 牛小排/ 伊比利亞豬肋條 都只係+$50/碟，全部新鮮農場靚牛。私心推介韓燒食牛特別正，啲油香爆晒出嚟～
新鮮高質牛頸脊/ 牛小排/ SRF和牛肉眼邊，每碟只係$50。
韓燒勁有油香好正。
【爆紅「茶底麻辣火鍋」】
講返近期爆紅茶底火鍋，其實係重慶麻辣火鍋最傳統做法嚟㗎。用茶葉炒出嘅茶油代替牛油，有淡淡茶香之餘，更加天然健康又祛油降脂，冬天打邊爐唔驚肥啦。
今次茶底火鍋仲會加椰奶，湯身特別濃厚綿滑。辣度亦更有層次，用嚟配串串香同牛肉都好惹味。呢款湯底亦減少腸胃刺激，唔使怕熱氣。
「茶底麻辣火鍋」湯底濃厚綿滑，好惹味。
另外「招牌麻辣鍋」係正宗四川口味；+30升級鴛鴦鍋可跟配「養生菌王雞湯鍋」或「酸菜魚鍋」。
【多款火鍋粉】配麻辣好正！
打邊爐尾聲，一定要落啲吸湯火鍋粉～食埋個精華!! 近年新興起嘅筋喜粉，口感好Q彈！仲有傳統苕皮，其實係紅薯粉做嘅寬粉，麻辣味愈咬愈出好正。另外仲有東北粉皮、牛津麵等選擇。
唔好放過湯底精華呀！吸湯火鍋粉有(左)筋喜粉、(右)苕皮。
台灣直送！多款香港罕見丸類
呢度嘅丸類都好有驚喜，全部由台灣引入，如椒麻貢丸、香芋包心貢丸、雪魚豆腐、金沙魚丸等，都係香港好少食到㗎。
【全部任飲】經典玻璃樽汽水
玻璃樽汽水有齊可樂、忌廉、橙汁，特別有汽～童年回憶返晒嚟。
玻璃樽系列仲有日本暢銷「紅茶花伝」嘅檸檬紅茶、蜜桃紅茶，以原萃果汁、天然蜂蜜調製，零甜味劑解渴健康。
經典玻璃樽汽水，童年回憶返晒嚟。
任飲區好多選擇。
川婆婆 (寶勒巷)
地址: 尖沙咀寶勒巷26-36號地舖
電話: 23698616