擺花街出名手工意粉嘅「紅館RaRe Restaurant」因重建搬店，原來搬咗嚟干諾道中，門口好有歐洲氣派啊。唔講唔知，原來呢度係家庭式經營，由藍帶主廚Ryan同太太一齊主理。全因Ryan一直好鍾意外國小餐館氣氛，佢哋會專注一種菜式，追求極緻。
「紅館RaRe Restaurant」門口好有歐洲氣派。
「紅館RaRe Restaurant」唔止做手工意粉出色，Ryan提到醬汁先係靈魂:「當然手工意粉會彈牙啲，但醬汁先係最花心機。因為全部醬汁都係自己煮製，無味精、無雞粉。要用超過100條魚骨熬底汁，慢火煮4-6小時再隔渣，最後慢慢蒸發至剩低膠質先做到咁濃郁。而呢度最出名嘅龍蝦汁意粉，就係用呢個底汁煮製，所以好有層次甜味㗎。」
【今期優惠】Happy Hour X 二人套餐!
外國小餐館環境，好啱情侶、閨蜜嚟慢食傾偈。中環上班族Happy Hour嚟飲酒又得。正值晚餐優惠，仲可以直落食埋佢哋嘅招牌新鮮龍蝦手打意大利闊麵𠻹。
- Happy Hour (3pm-8pm) 紅/白酒/生啤 優惠價$48/杯
- 5道菜晚市二人套餐 (5:30pm-9:30pm) 限時優惠$699/2位 (原價$1,288 / 2位) |
外國小餐館環境，好啱情侶、閨蜜嚟慢食傾偈。
「紅館RaRe Restaurant」搬到新店後，Ryan設計更多慢煮料理、法國fusion菜，好似香辣低溫慢煮雞胸巴東汁扁意麵、紅館姜母鴨都好有驚喜。正值限時優惠嘅「5道菜晚市二人套餐」，都有新品料理同招牌龍蝦意粉揀㗎，除開每人只係三百幾蚊好抵食。
5道菜晚市二人套餐$699 / 2位 (原價$1,288 / 2位)
「5道菜晚市二人套餐」包含新品料理、招牌龍蝦意粉，優惠價好抵食。
第一道菜 巴馬火腿蜜瓜沙律／熱帶風情海蝦青瓜沙律
第二道菜 南瓜忌廉湯
第三道菜 香辣低溫慢煮雞胸巴東汁扁意麵／新鮮龍蝦手打意大利闊麵+$168
第四道菜 紅館姜母鴨／茴香魚高湯煮海鱸魚／美國安格斯肉眼牛扒(10oz)+$188
第五道菜 芒果拿破崙 及 鮮果芝士撻
包括咖啡／茶 |
【沙律及湯】
沙律同湯都會依季節轉換，嚟到夏天就有清甜蜜瓜、南瓜等食材入饌，香甜消暑啊。
沙律2選1: 巴馬火腿蜜瓜沙律
沙律2選1: 熱帶風情海蝦青瓜沙律
南瓜忌廉湯
【意粉推介】
套餐有2款意粉揀—香辣低溫慢煮雞胸巴東汁扁意麵、新鮮龍蝦意大利闊麵。平時好少見巴東汁配意粉，估唔到都幾夾。巴東汁濃稠質地好易掛汁，每啖意粉都食到層次豐富嘅香辣帶甜，不過辣度無一般巴東汁咁辣，如果鍾意辣啲可以落單嗰陣講啊。
意粉2選1: 香辣低溫慢煮雞胸巴東汁扁意麵
而新鮮龍蝦手打意大利闊麵係招牌菜，正如Ryan所講重點係個汁。以自家熬魚湯做底汁後，同時都要將龍蝦殼慢煮6小時再過濾先做到。雖然醬汁質地比坊間稀身，但食落係驚喜地鮮甜!!
意粉2選1: 新鮮龍蝦手打意大利闊麵
【精緻主菜】姜母鴨 / 海鱸魚 / 美國安格斯肉眼牛扒
姜母鴨一向好重藥材味，今次用法國慢煮做法，抽真空65°C煮4小時，鴨肉煮到入晒味。薑同藥材味好濃郁，自問藥膳控嘅話必試。反而鴨肉就同平時好唔同，傳統做法會偏乾身，轉用慢煮後鎖到肉質水分，好嫩滑啊。
主菜3選1: 紅館姜母鴨
如果你對Ryan用超過100條魚骨熬嘅底汁有興趣，呢道海鱸魚高湯正正就係呢個底汁喇。無論湯底、魚肉都係用新鮮海鱸魚，海鱸魚更先用木魚水浸半小時至入味，鮮甜程度雙倍提升。
主菜3選1: 茴香魚高湯煮海鱸魚
嚟到咁靚嘅環境，始終覺得要鋸埋扒先有儀式感，都好值得+$188追加10oz肉眼扒，塊扒真係好厚切呀!!
主菜3選1:美國安格斯肉眼牛扒(10oz)+$188
【即叫即做! 甜品】芒果拿破崙 / 鮮果芝士撻
甜品方面就有芒果拿破崙、鮮果芝士撻，上枱嗰陣見到咁大份有啲suprise。特別係芒果拿破崙，聽Ryan講好多熟客都鍾意㗎，因為佢哋係即叫即做，酥皮特別鬆脆。而且有別法國傳統做法，大量減低糖分，令芒果味、自家製吉士醬同牛油香都更加突出。
紅館
地址: 中環干諾道中50號地下B號舖
電話: 23330186