法國凱旋門下，一嚐歐洲菜過聖誕不是夢。尖沙咀“ROYAL INN”嘅純白凱旋門一向係打卡熱點，今個冬日更以紫色為主題，紫色聖誕樹、花卉，店內則懸掛水晶燈完全係夢想中嘅浪漫聖誕。
“ROYAL INN”今冬紫色聖誕主題，充滿浪漫氣氛。
純白凱旋門係打卡熱點。
店面日間天然光線，景色開揚。
大份量歐陸法國菜
“ROYAL INN”主打法國菜，而且係大滿足嘅份量。好似佢哋招牌酥皮焗法式海鮮煲，更加係巨大化版本！爆滿海鮮份量真係3-4人先食得晒。
招牌酥皮焗法式海鮮煲，超大份量。
限定聖誕套餐+法國生蠔優惠
12月23至25日特別打造限定聖誕套餐，而家仲有聖誕優惠$1,288/2位 (原價$1,588)。套餐全部都係限定料理，一坐低先有鱘魚子醬+氣泡酒2杯，陸續有嚟嘅係香煎鵝肝伴香橙班戟、加拿大海膽蟹肉意大利飯、燒安格斯封門柳等等等都係十分高質，聖誕夜一定食得又飽又滿足，同場可以用埋生蠔優惠㗎！
“ROYAL INN”法國生蠔優惠
星期一至日(包括聖誕期間)，法國生蠔買6送6 ($58/隻) |
限定聖誕套餐 | 優惠$1,288/2位(原價$1,588)
供應日期: 12月23至25日
10年海博瑞鱘魚子醬10克 (轉30克+$368) 配氣泡酒2杯 ----- 香煎鵝肝伴香橙班戟
or 香煎北海道帶子伴法式燉菜伴番紅花汁 ----- 香橙甘筍忌廉湯
or 招牌龍蝦濃湯 ----- 西班牙海紅蝦手工絲帶闊麵
or 加拿大海膽蟹肉意大利飯 ----- 燒安格斯封門柳伴紅酒汁
or 火燒冧酒辣野雞伴蜜糖辣汁 ----- 巴斯克芝士蛋糕配鮮熱情果醬雪糕 |
【華麗序幕】
好鍾意“ROYAL INN”嘅細心安排，一坐低就有矜貴嘅魚子醬同氣泡酒，即刻好有迎接聖誕餐嘅幸福心情，開動前又可以影相打卡。
10年海博瑞鱘魚子醬+氣泡酒2杯
【前菜2選1】
今次聖誕套餐除開都係600幾蚊一個人，有齊鵝肝、牛扒、魚子醬等矜貴食材，CP值真係好高。鵝肝仲要幾大件，煎到外焦內嫩。有別平時純粹配水果解膩，“ROYAL INN”特配法國班戟+香橙醬更有儀式感。自家製法式班戟比傳統做法更有質感，軟綿綿又略帶煙韌，配埋輕甜香橙醬中和膩感。
香煎鵝肝伴香橙班戟
前菜另一選擇係北海道帶子，配搭盡顯心思。帶子、法式燉菜、炸茄子層層疊上，一次過入口又脆又嫩；鮮甜又輕酸好開胃。
香煎北海道帶子 伴法式燉菜及番紅花汁
【熱湯2選1】
之後就有2款熱湯選擇—香橙甘筍忌廉湯、招牌龍蝦濃湯。呢度全部湯品、醬汁都係自家熬煮，龍蝦湯濃而不膩，每一口都包含各種海鮮、龍蝦殼熬出嘅精華。
香橙甘筍忌廉湯
【主食2選1】
“ROYAL INN”特別為聖誕製作極考手藝嘅絲帶闊麵，由大廚手工製作做出彈牙闊麵，掛汁又有嚼勁。而出名蝦味濃郁嘅西班牙紅蝦，配埋自家製番茄蝦醬汁勁濃郁，鍾意海鮮味嘅話必食。
西班牙海紅蝦手工絲帶闊麵
如果你鍾意軟綿綿口感，一定會好鍾意加拿大海膽蟹肉意大利飯。兩款海鮮、意大利飯都煮到好creamy，夾落即炸墨汁西米脆脆幾吸引。
加拿大海膽蟹肉意大利飯
【主菜2選1】
聖誕儀式感一定係鋸扒，仲係近年人氣安格斯封門柳，淋上自家煮製紅酒汁好有節日氣氛。
燒安格斯封門柳 伴紅酒汁
想有打卡位，就要揀火燒冧酒辣野雞。因為會喺你面前淋上Myers's Dark Rum再點火好有酒香，而法國野雞仔就好嫩好有肉汁，配埋蜜糖辣汁好惹味。
火燒冧酒辣野雞 伴蜜糖辣汁
【甜品】
最後就以巴斯克芝士蛋糕作結，配輕酸鮮熱情果醬雪糕解膩啱啱好。
巴斯克芝士蛋糕 配鮮熱情果醬雪糕
“ROYAL INN”銅鑼灣新店開業！
銅鑼灣新店今年12月開業，融合藝術、設計、佳餚與美酒。藝術磚牆、法式許願水池、古典水晶燈均營造奢華法國氣息。現可享銅鑼灣限定菜式，於米白拼深藍落地大玻璃旁享用法國料理，淡雅溫馨。
法國鴨胸紅菜頭沙律
燒三文魚香草忌廉手工戒指意粉
慢煮三文魚柳
Royal INN (尖沙咀店)
地址: 尖沙咀彌敦道100號The ONE 1樓L121號舖
電話: 23218289
Royal INN (銅鑼灣店)
地址: 銅鑼灣告士打道311號皇室堡3樓313-314號舖
電話: 23218289
