話說個friend話要帶我去個「宮廷」食飯，我仲以為佢發夢去咗凡爾賽宮。點知一上到去真係有個噴水池喺門口，仲有閃令令水晶燈，個環境靚到呢⋯⋯餐廳背景係主打歐陸fusion菜，尖沙咀分店比銅鑼灣嗰間低調啲，但一樣有落地大窗。我哋叫咗SET DINNER B FOR 2，份量夠兩個人share。頭盤羽衣甘藍凱撒沙律，菜葉爽脆冇渣，醬汁撈得勻，配埋麵包粒食落清新開胃，唔會青澀到想吐，幾適合夏天食。招牌龍蝦濃湯上嚟熱辣辣，質地creamy爆棚，龍蝦鮮味濃郁到覺得自己食緊法國大餐，配埋香脆麵包點湯，飲完暖笠笠，正！如果想加層次，可以加錢要酥皮版，但呢個基本版已經夠滿足。主菜燒珍寶大蝦蝦汁手工闊面，大蝦完整一開二，彈牙鮮甜，手工闊面掛汁一流，入口煙韌彈牙，加埋車厘茄等配料，食到啖啖蝦汁，開胃到飛起，份量仲幾豪邁。燒西班牙黑毛豬鞍架上枱原隻，肉質軟淋易切，配肉桂蘋果醬酸甜解膩，唔會太油膩，中和咗豬肉嘅味道，幾有心思。旁邊薯蓉幼滑帶牛油香，蔬菜新鮮，食完唔覺負擔重。甜品巴斯克芝士蛋糕，外層微焦內裡絲滑，芝士味濃郁但甜度啱啱好，作為尾聲幾優雅，唔會太膩。整體嚟講，食物水準穩陣，環境加分多，性價比唔錯（雖然貴啲，但值回票價），適合想有特別體驗嘅人去試，情侶嚟約會或者姊妹gathering打卡絕對一流。…Read More
