阿根廷係南美最大牛肉出口國之一，全賴當地天然草原、溫和氣候造就適合飼養牛隻嘅環境。想喺香港食到真正阿根廷牛扒，去阿根廷扒房就最啱喇。
一整排大窗映透中環風景，好有情調。
阿根廷高質牛扒 自家熟成牛做出獨特風味
“La Parrilla”除咗引入阿根廷高質牛扒外，店內亦設自家熟成櫃，利用牛肉天然蛋白酵素分解肌肉纖維，有種獨特醇酒風味。呢度每款熟成牛扒至少熟成7-14日，做到外脆內軟嫩嘅特別口感。
磚牆打造濃厚外國氣氛。
大廚係用阿根廷傳統做法，利用扒爐猛火鎖住肉汁。牛扒外層焦脆有種BBQ炭燒感覺，切開係好靚嘅粉紅色啱啱好。阿根廷扒脂肪亦無美國牛咁高，係愈嚼愈香嘅感覺。
阿根廷傳統做法用猛火鎖住肉汁。
“La Parrilla”牛扒會配上6種醬汁，可以試到唔同風味。身為肉控，會先唔蘸醬食件原始肉味，之後再逐件試埋6款醬，唔覺唔覺就清晒成件扒喇。
T-bone一嚐骨邊肉
好多人話骨邊肉最香最好食，其實因為牛骨會隔熱令肉質唔會過老，骨入面嘅骨髓同脂肪亦會增加牛肉風味。如果你都鍾意呢種肉嫩、牛香感覺，可以揀T-bone。
Cowboy steak (Ribeye)
另一款帶骨牛扒就有Cowboy Steak，係屬於大家熟悉嘅肉眼連骨位。軟嫩程度逼近菲力牛扒，但又有適當嚼勁。而中間通常會有一件明顯油脂，燒扒時會逼出油花特別惹味。
Selection of Ceviche
拉丁美洲有種獨特煮法—Ceviche，嚴格嚟講唔係煮，而係用檸檬汁酸度「醃熟」海鮮保存鮮味，再加埋大量洋蔥、辣椒一齊食酸酸辣辣。
呢道Selection of Ceviche更配多幾款沙律、脆片，用嚟間隔每啖Ceviche，好啱用作前菜或sharing。
Grilled Sausage Platter
烤香腸係阿根廷傳統菜式之一，呢個拼盤可以食到多款烤腸，並配阿根廷青醬(Chimichurri)同醃紅辣椒，飲啤酒一流。
Humita
同樣係阿根廷傳統菜式—Humita，將磨碎嘅粟米、香料等蒸或烤都好好食。
烤蘑菇
食咗咁多肉扒，小食可以揀道烤蘑菇，用野菌香清爽吓味蕾。
朱古力甜品
最後食件甜品令晚餐更加圓滿，好推薦同多款酒品都好夾嘅Chocolate Mousse、Chocolate Fondant。
La Parrilla Steakhouse
地址: 中環雲咸街77號嘉兆商業大廈1樓
電話: 26378555