露營可以成班朋友傾計chill吓，但事前功夫真係好多呀。銅鑼灣新開「露營生活」就將室內、戶外空間打造成露營主題餐廳，喺市區都可以坐喺露營椅、帳蓬慢食享受。
「露營生活」係露營主題餐廳，全店木系風格。
型到爆! 全港首間露營餐廳嘅戶外空間鋪設石仔地，會不定期改變裝備擺設。
實現開店初衷！高自由度享受露營樂趣
店內空間感十足，一坐低就用QR code落單。你想攤喺露營椅飲酒慢食；抑或玩吓枱面嘅露營餐具gear又得，隱私度同自由度都好高。
負責人表示呢個就係佢哋開「露營生活」初衷，想大家真係好似去露營咁用自己style攤吓食吓嘢，就算食到一半想周圍行吓，去戶外空間影相又或同唔識嘅人傾計都得，好好享受過程。當然，有需要嘅時候員工都會提供協助㗎。
「露營生活」新開業優惠！
1) 晚上9:30後，即享88折優惠; 2) 凡惠顧滿$350，即享優惠價$188/人任飲清酒、啤酒、汽水* *優惠全日供應，僅不適用於星期五及六晚上6:00-9:00pm |
【圍爐】定期舉辦圍爐活動: 音樂會、清酒祭…等
露營點少得圍爐活動，呢度定期舉辦音樂會、清酒祭，或者同其他露營場地聯乘優惠活動。嚟緊9月21日先有【日本清酒祭】活動等大家參加，即睇詳情啦～
【日本清酒祭】 日期：2023年9月21日晚上 活動內容：日本大納川酒廠負責人將帶同年度清酒小姐Miss Sake到場，介紹大納川清酒以及一同品嚐清酒pairing，利用各款清酒特點增添食物層次，帶嚟與別不同嘅味覺體驗。 參加者須惠顧$788/位清酒套餐，包括前菜、6款清酒、6款料理、甜品，一同品嚐清酒及美食配搭。 |
室內投射熒幕，方便舉行各種活動。
戶外空間定期舉辦音樂會及各類活動，與眾同樂。
多款主題套餐選擇: 和牛爽食和牛+海鮮+刺身+串燒
「露營生活」環境靚就梗，試埋佢啲套餐真係冇得頂，選擇好豐富，份量仲夠晒2-3個人食。推薦先揀一款套餐，唔夠食再慢慢追加最划算，分別有燒肉、刺身、串燒、鍋物主題套餐。
【豪華觀星套餐】超豪燒肉套餐！爽食和牛+海鮮
有friend想食燒肉、又有friend想食海鮮，叫個「豪華觀星套餐」就有齊啦。燒肉足足有6款宮崎A4和牛；燒海鮮就有加拿大龍原隻蝦尾、新鮮白鱔、北海道帆立貝等等。食埋前菜、甜品都只係$1,280，每人幾百蚊食到咁豐富，CP值好高！
「豪華觀星套餐」食齊燒肉+燒海鮮。
食肉獸一定要揀呢個餐，6款宮崎和牛都有唔同享受，佈滿花油嘅友三角；以及肉味濃郁嘅龜之子都有。
6款和牛肉位，各有特色。
網燒熱力均勻，鎖住肉汁、逼出油香。
海鮮亦唔係配角，特別係鮮白鱔配鰻魚汁，肉質勁新鮮Q彈。如果你鍾意焦脆啲可以落岩鹽燒；鍾意香甜啲就掃上鳗魚汁燒至入味，兩種各有風味。
燒新鮮白鱔，可以食到2種風味。
當然不得不提極量厚肉加拿大原隻龍蝦尾，特製龍蝦醬係用蝦膏、蟹膏調製，燒至中途掃上醬汁，食前再蘸滿醬鮮味好香濃㗎。
加拿大原隻龍蝦尾好厚肉，跟配特製龍蝦醬。
湯品 海帶大和蜆湯(2碗) 手作前菜4選1 韓風泡菜(1本) 和風野菜沙律(1本) 海蜇拌青瓜絲(1本) 醬油昆布吞拿魚粒(1本) 燒物 宮崎和牛6點盛合(12切) 黑豚五段腩(2切) 牛油燒北海道帆立貝(1本) 鮮白鱔配鰻魚汁(4切) 原隻龍蝦尾 非酒精飲品2杯 日式甜品 HK$1,280 (加一另計) |
【營地刺身串燒】戶外食仲有FEEL
如果你想坐戶外可以揀呢個串燒套餐，唔使慢慢燒已經食到燒物。串燒有牛柳粒串、北海道帆立貝串、意大利瓜串等，有齊肉類、海鮮、野菜，價錢只係$488好抵食。特別啱宵夜時段想食啲串燒、飲杯酒，而家夜晚9:30後仲有88折呀。
「營地刺身串燒」有多款串燒，好啱正值優惠期嘅宵夜時段。
刺身三點盛合都好厚切，今次我哋食咗三文魚、油甘魚同帆立貝刺身，同場仲有其他刺身揀㗎。
厚切刺身有多種選擇。
3點刺身盛合 手作前菜4選1 韓風泡菜(1本) 和風野菜沙律(1本) 海蜇拌青瓜絲(1本) 醬油昆布吞拿魚粒(1本) 爐端燒 牛柳粒串 煙肉串 冬菇串 北海道帆立貝串 鳥羽串 豚肉露筍串 意大利瓜串 黑豚肉腸 非酒精飲品2杯 日式甜品 HK$488 (加一另計) |
【極上東瀛海鮮】刺身盛 + 燒海鮮
呢個套餐就主攻海鮮，首先有深海拖羅刺身！之後上場嘅5點刺身盛合份量都幾多。一邊食刺身；仲可以一邊開爐燒海鮮，燒海鮮同樣有深海白鳝、原隻加拿大龍蝦尾之外，亦有野菌洋蔥燒廣島蠔、珍寶大虎蝦等，非常豐富。
刺身+燒海鮮大滿足。
刺身份量豐富。
野菌洋蔥燒廣島蠔、牛油燒北海道帆立貝都好鮮甜，店家將廣島蠔同帆立貝放入露營鍋中，再灑上鹽、胡椒、清酒同有厚切牛油，燒時逼出海鮮汁，真係可以汁都撈埋呀。
露營鍋保留海鮮精華，真係汁都撈埋。
深海拖羅刺身(2切) 5點刺身盛合(10切) 湯品 海帶大和蜆湯(2碗) 手作前菜4選1 韓風泡菜(1本) 和風野菜沙律(1本) 海蜇拌青瓜絲(1本) 醬油昆布吞拿魚粒(1本) 和風野菜沙律(1本) 海鮮燒物 野菌洋蔥燒廣島蠔(1本) 牛油燒北海道帆立貝(1本) 深海白鱔(4切) 珍寶大虎蝦(2尾) 原隻龍蝦尾 非酒精飲品2杯 日式甜品 HK$1,280 (加一另計) |
【三文魚頭鍋物套餐】
踏入秋冬想暖笠笠，呢個套餐就嘅三文魚頭鍋好巨型，連埋熱湯、前菜、刺身同甜品好豐富，4個人share綽綽有餘。全店室內座位都可以食鍋物，一班人可以預訂VIP房玩得更盡興。
巨型三文魚頭鍋，4個人分享都好夠食。
坐喺露營椅慢食鍋物，別有一番風味。
湯品 海帶大和蜆湯(4碗) 刺身6選4 劍魚腩(4切) 三文魚(4切) 油甘魚(4切) 八爪魚(4切) 甜蝦(4切) 帶子(4切) 沙律 和風野菜沙律(1本) 手作前菜3選1 韓風泡菜(1本) 海蜇拌青瓜絲(1本) 醬油昆布吞拿魚粒(1本) 鍋物 三文魚頭野菜鍋 甜品4人前 HK $1,980 (加一另計) |
純粹想嚟食啲小食、飲杯酒感受露營氣氛，呢度都有各款佐酒小食。自家製玉子鰻魚一啖一件，香香甜甜、雙重口感好受女生歡迎。
自家製玉子鰻魚，好受女生歡迎。
飲酒點少得金黃炸雞，炸漿薄脆，咬開入面仲係好juicy。
金黃炸雞，飲酒一流。
想食得講究啲，呢道自家製牛肉他他必試。店家將和牛混入秘製醬汁，再用魚皮包住食，綿滑口感、原始肉味好衝撃。有個小貼士，食之前開爐將魚皮輕輕燒至乾脆，更加惹味㗎。
牛肉他他一嚐原始肉味。
露營生活
地址: 銅鑼灣軒尼詩道502號黃金廣場4樓
電話: 23535068
