今期推介一個高CP值、價錢合理配超班環境美食既好去處!
想要旅行feel，唔一定要book staycation咁麻煩嘅。位於20樓嘅"KABOOM" 儼如尖沙咀空中花園。佔地兩層，餐廳特意把室內空間以長竹枝蓋滿整個天花，又以石磚堆砌了酒吧牆身，用上户外藤椅和木桌再加上少少燈火點綴，目就係想把最純樸的海邊酒吧風貌呈現比客人，讓客人置身其中。落地玻璃讓客人飽覽維港靚景～ 坐係放上厚咕𠱸嘅藤凳夠晒chill，無論係食Lunch、Happy Hour定係晚上同朋友黎飲酒食飯都一流既all-in-one casual dining既好地方啊!
而頂樓室外空間放滿陽草傘、寬敞藤椅；配上芬蘭木材、滕料塑造滿滿外國氣氛，遠離繁囂。開揚環境更可欣賞維港海景，好啱閨蜜約會又或三五知己飲酒慢活。依到雖然户外, 但係出奇地涼爽好風，怕熱既朋友都唔洗過份擔心。不過大家要注意落雨天就唔會開放嫁啦，訂枱前留意一下天氣預報!
KABOOM飽覽尖沙咀維港靚景，梗係輕酌兩杯先啱氣氛啦，所以呢度設計咗12款打卡cocktail；並由外籍主廚設計多款小食、輕食。
【外籍主廚設計】東南亞風酒吧料理
私心推介「五香烤椰菜花」！主廚先掃上秘製五香牛油，再先後烤焗2次逼出油香，配埋清新香芹、豆腐、烤種籽同特調柚子汁，輕甜清新好開胃。
五香烤椰菜花$88平時飲酒成日都會食nachos，食到悶不如試吓「三式烤粟米」！烤粟米分別灑上避風塘、香草牛油粒、香辣調味料。好似nachos咁香口佐酒又有穀物香，但又唔會咁口乾熱氣。
三式烤粟米$88
另有「三式烤單骨雞翼」，唔只將粟米換成脆雞翼，調味亦改為自製鹹蛋黃、香草、南美Cajun香料。單骨雞翼食得爽快，加埋調味真係會食上癮呀。
三式烤單骨雞翼$88
想食得豐富啲可揀「黃金炭烤豬扒飯」，估唔到靈感源於港式茶餐廳名物—焗豬扒飯。不過就幾何升級，將普通煎豬扒變成炭烤豬扒！再加埋香脆芝士片、香濃嘅自家制印度番茄牛油咖哩汁，飽肚得嚟又夠decent，包你食過番尋味， 而且各位男士唔使驚唔夠飽呀。
黃金炭烤豬扒飯$198
黃金炭烤豬扒飯$198另外又推介「KABOOM烤雞」，唔好以為佢平平無奇喎。烤雞經過長時間既醃製之後再慢煮確保肉質滑溜，最後再入焗爐烤焗直到雞皮達致金黃色的脆皮唯止。烤雞亦配上小菜，收藏左係烤雞既下方，全面吸收雞汁，十分美味啊!
KABOOM烤雞 $268
KABOOM烤雞 $268女士們唔洗擔心啲主食太Heavy~ 輕盈之選有「意大利翠玉瓜麵 配香煎帶子及西班牙辣肉腸忌廉醬」，亦係酒吧少有嘅生酮選擇。翠玉瓜幼絲會浸泡鹽水令「麵條」更爽脆掛汁，配埋半熟帶子一齊食有多重口感。
意大利翠玉瓜麵 配香煎帶子及西班牙辣肉腸忌廉醬 $208試想像喺空中花園星空下，微醺閒聊真係好浪漫。調酒師以獨特手法演繹「KABOOM」- 以奶茶做主調的雞尾酒；同場特調12款獨家cocktail好IGable。
“KABOOM”
“KABOOM”12款獨家cocktail以心情為主題創作，想表白又無勇氣、憎對方又唔敢講出口？喺度以酒寄意啦～
"If Not Now, When?" 以班蘭為主調，入口好refreshing。
Pho"Damn Pissed Off!" 罕有份子料理融入雞尾酒再配有熱情果同菠蘿汁。外型都好特別~ “沖完涼”心情一定好嫁啦!
"Life Sucks, Let’s Get Drunk!" 外型同味道都好椰子。正如其名…唔使講咁多喇，飲啦！
"If Not Now, When?" 以班蘭為主調，入口好refreshing。Pho"Damn Pissed Off!" 罕有份子料理融入雞尾酒再配有熱情果同菠蘿汁。外型都好特別~ “沖完涼”心情一定好嫁啦!"Life Sucks, Let’s Get Drunk!" 外型同味道都好椰子。正如其名…唔使講咁多喇，飲啦！KABOOM
地址: 尖沙咀北京道12A號太子集團中心20樓
電話: 37088114