紫色控要留意喇，旺角新開人氣紫系西餐!! 天花懸掛走馬燈螢幕，中間流線型梳化卡位都係打卡靚位～仲有180度落地玻璃映照旺角街道，係區內少見超開揚餐廳。
呢度有唯美三層小食，同埋一系列精緻西餐、咖啡、雞尾酒都好IGable，即刻睇吓有咩食啦。
紫系環境俘虜一眾紫色控。
旺角少有極開揚景觀西餐。
【唯美叁層奏】
好有下午茶儀式感嘅「叁層奏」，分別放上36個月Parma ham配蜜瓜、秘製海鮮漬、法國蝸牛配薯蓉，好啱閨蜜影相飲嘢。
【人氣料理】
龍蝦牛角包
爆紅打卡店都有自己嘅招牌龍蝦包，大廚就選用酥脆牛角包放入爆餡青瓜蟹籽沙律同龍蝦鉗。
基地海鮮湯
海鮮湯有青口、蜆、大蝦等煮製，微酸鮮甜好開胃，伴碟嘅長多士都係即焗好脆㗎。
炭烤安格斯肉眼
呢度可以叫小食飲酒，又可以叫份牛扒食晚飯。切開7成熟安格斯肉眼扒，入面仲係好粉嫩有肉汁。
紙包焗比目魚
紙焗海鮮係好經典煮法，只要放入百里香、檸檬、番茄等慢煮，就可以完美保留比目魚精華，食到最原始鮮味。
明太子忌廉汁意大利粉
呢道意粉望落簡單，其實醬汁用咗日本明太子、忌廉、蛋漿煮製，勁creamy鹹香。
班尼迪蛋大烤菇
班尼迪蛋一向有好多粉絲，大廚就將經典鬆餅換上大啡菇，更彈牙濕潤，連埋蛋漿、菠菜、芝士一齊食真係好有幸福感。
【咖啡遇上雞尾酒】
呢度係區內少有咖啡又有雞尾酒同多款酒品，嚟到當cafe影相閒聊；又或當作酒吧餐廳食飯飲酒都得。
(左)Crème Brûlée Cappuccino，焦糖布甸口感。
(右)Cafe Latte，巴西同哥倫比亞混合咖啡豆。
駐場調酒師會調製各款cocktail同mocktail。
(左起)Purple Rain有蝶豆花、Vodka、玫瑰；
Swamp Climber有Vodka、Blue Curacao、蔓越莓；
Base Paradise有Gin、薰衣草、蝶豆花;
Marvellous Base有Espresso、香燈、Citrus Vodka等。
(左)Green Knight，青瓜、薄荷、蘋果調製。
(右)Amber Refresher，柚子、士多啤梨、香橙調製。
沙冰系列口感超綿密，仲有多款口味揀。
(左起)Matcha Caramel Smoothie係抹茶焦糖，雪糕口感；
Crème Brûlée Hazelnut Frappé係焦糖布甸奶蓋榛子咖啡；
Strawberry Hibiscus Tea Smoothie係士多啤梨洛神花茶沙冰；
Taro Vanilla Smoothie係芋頭雲尼拿，雪糕口感。
基地叁
地址: 旺角彌敦道558-560號譽發廣場1樓