女人街食飯公司

營業中

休息中

今日同個朋友喺旺角行街，佢忽然話想食我一路話唔錯嘅室內大排檔，所以就帶咗佢上嚟食喇！😆 呢度裝修好懷舊，還原返80、90年代街邊大排檔嘅景象，顧客就好似坐咗喺條街食大排檔但嘆住冷氣咁，環境有大排檔feel但又唔洗坐街邊食咁辛苦。上到嚟第一件事就梗係打卡！首選打卡位就係「女人街食飯公司」嘅霓虹燈📸 我朋友一上到嚟就周圍瘋狂打卡🤣  ❤️ 鳳梨懷舊咕嚕肉 $108最經典但亦都唔係間間都整得好食嘅一道菜，呢度炸得非常好，酥脆金黃，外脆內嫩，醬汁味道啱啱好唔太甜亦唔太酸。食咕嚕肉最怕食到豬騷味，呢度完全無👌🏻而且分量都幾多！❤️ XO醬馬拉盞芥蘭煲 $98芥蘭好嫩，入面有蝦乾、肉碎，炒得好香味道香濃！微辛帶鮮😚 啲蝦乾多到唔洗錢咁，一啲都唔孤寒！😙❤️ 風沙九肚魚 $88去大排檔必叫，九肚魚炸得好乾身唔油膩，內裏魚肉非常嫩滑！仲要好多件好抵食！👏🏻❤️ 砂煲臘味豬油撈飯 $68熱辣辣上枱，店員會喺你面前落豉油，再焗一焗佢，之後就會幫你開蓋撈一撈，啲豬油香味即刻出哂嚟🍲 再加埋粒粒臘味同脆卜卜嘅飯焦，回味無窮！😋餐廳推薦度：⭐️⭐️⭐️⭐️ (4/5)今次係我第二次過嚟食，食物質素依然保持水準，朋友都覺得好滿意

大排檔d小炒特別有鑊氣 其實我都好鍾意食 但好多都有衛生方面嘅問題 個friend帶咗我嚟呢間望落去好有舊式大排檔風味 地方好乾淨 枱與枱之間有足夠空位 唔會太迫金沙脆鮮魷 ($108) - 超級好食 所有鹹蛋黃嘅食物我都極鍾意 佢個皮好薄好多鹹蛋黃 份量好多鐵板黑椒京蔥牛仔骨 ($138) - 鐵板一上枱既時候仲係渣渣聲出晒煙 好香 引到隔離枱都忍唔住嗌 牛仔骨好多件 肉質好林好易咬 同黑椒汁好夾 用嚟撈飯一流 佢完全唔吝嗇落咗超多京蔥 鍾意食蔥嘅朋友就啱晒XO醬馬拉盞芥蘭煲 ($98) - 呢個煲非常惹味 重口味人士嘅至愛 啲芥蘭頭非常嫩 仲有好多好香口嘅大蝦乾同埋肉碎 可以送幾碗飯都得鹹檸七 ($24) - 佢夠鹹檸檬夠晒鹹 絕不欺場 好啱我口味 飲左佢好似可以中和番我食既熱氣野咁😂呢間餐廳每一味餸都好大碟 比較適合一班朋友黎食多d 咁就可以試多幾款餸!!

呢間大排檔設計時尚具懷舊風味🏺環境舒適度高座位以大枱為多適合一大班人聚餐👥食物質素都相當高🥳小編週末晚上六點去到walk in 都有位 訂座嘅話就要提早啲👈鳳梨懷舊咕嚕肉入口酸酸甜甜好開胃🤤排骨外脆內嫰👌汁醬亦都預得啱啱好👍用上新鮮菠蘿好驚喜🤩XO醬馬拉盞芥蘭煲上枱熱辣辣🥢食落夠鑊氣👨‍🍳芥蘭又嫰又爽🥬感覺份量都好多👏配料有乾蔥同大大嘅蝦乾🦐令菜式更加鮮香XO醬唔濃只係食到少辣🤏夾埋啲肉碎食好惹味😋

香港嘅大排檔真係買少見少，要搵一檔好食嘅大排檔都真係唔容易。而家夏天，如果要係一啲室外嘅大排檔食飯都真係幾辛苦！今日朋友就帶我嚟一間旺角嘅樓上港式懷舊大排檔餐廳，個環境好正好好feel，懷舊得來又乾淨企理，好多打卡位，證明餐廳真係有悉心裝修過，好正😆😆我哋兩個人叫咗三樣餸，質素相當唔錯👍🌟瑤柱招牌走地雞我哋嗌左半隻，但係一上枱都俾佢個size嚇親，以為係一隻添🤣賣相好靚，雞鋪滿晒葱、炸蒜同埋瑤柱，隻雞好滑好鮮，最正係配埋兩個好有特色嘅醬汁，雞肉再加埋蔥、炸蒜、瑤柱再點醬汁食口感非常豐富，好好味😍🌟虎皮尖椒醬爆鮮魷呢個賣相好吸引，見佢好多鼓汁，以為會好重口味好鹹，點知食落好有驚喜！師傅嘅炒功了得，好惹味！尖椒份量勁多，每塊都沾滿好香嘅豆豉醬汁，鮮魷亦都唔少，每塊都好厚，食得出好新鮮👍🌟XO醬馬拉盞芥蘭煲呢個組合又係冇得輸，用煲仔上，上枱滋滋聲，好療癒🤣🤣佢除咗有芥蘭之外，仲有啲炒香嘅肉碎，想食菜又想食得惹味啲，推介大家試呢個😊呢度每樣餸嘅份量都好大份，兩個人食超飽😆 餐廳嘅氣氛、環境同食物都好適合一大班人嚟食，仲可以飲下啤酒，好有風味！不過記得要預先book枱啊，如果唔係平日都好爆㗎😋

又一個朋友會離開香港🥺約咗佢去大排檔啤一啤聚下舊，但呢排又熱又打風，所以就揀咗呢間女人街嘅室內「大排檔」。•家鄉鯪魚球 $68 啱啱炸起，上枱勁熱，熱到爭啲焫親脷仔彈牙得嚟無油膩感，有鯪魚嘅味道又唔會太腥點埋蜆芥食更加惹味•一口臭豆腐 $58平時過年先會食到臭豆腐，見到呢道有就想試吓有臭豆腐嘅香味，外脆內軟，街邊食嘅一樣甜醬或者豆瓣醬😌•士多啤梨骨 $108用上走過油嘅腩排，食落微脆同爽口，肥瘦均勻，加埋酸甜嘅士多啤梨汁係好食嘅•XO醬馬拉盞芥蘭煲 $98都係平時會去大排檔叫開嘅嘢，大大隻蝦乾，XO醬惹味，唯一要留意個煲熱焫焫㗎小心焫到手。嚟大排檔真係食鑊氣吹下水啤下真心正值得一讚係D侍應好HELPFUL又會介紹有咩食, 仲會好快收拾好枱上食完既野 

室內大排檔你試過未？！好正，有得嘆住冷氣食小炒 👏🏻 又不失大排檔風格，好有香港懷舊感覺 👍🏻嘢食選擇多，而且每碟都好好食喎生炸脆皮鴿皇 📍$98見到枱枱都叫，我地都唔執輸 😝 好彩有叫咋，真係好好食！一隻剪開已經有4件，夠哂2個人食 😋 啖啖肉之餘，肉汁又夠多，外層仲要係脆皮黎架豉椒炒大蜆 📍$128醬汁帶有好少嘅微辣，蜆肉又肥美，成碟嘢好惹味😍鳳梨懷舊咕嚕肉 📍108酸酸甜甜，啲肉又唔會太肥，而且外層唔會太粉，外層仲有少少脆身 XO醬馬拉盞芥蘭煲 📍$98熱辣辣好正呀！屋企絕對炒唔到呢種鑊氣 👍🏻 仲夾咗好多蝦乾、肉碎、蒜片，正呀～

一家人好耐冇出旺角食晚飯，傳統派嘅Daddy鐘意中式而且一定要有飯，但我地又唔想去傳統酒樓或茶餐廳咁悶，所以就去呢間懷舊大排檔整番幾味～先嚟黑松露西多士($28/件)，厚身西多士炸得好脆而唔會太乾身，蝦膠彈牙，沾上黑松露沙律醬好滋味！大排檔必點金菇沙茶肥牛煲嘅沙茶香氣由老遠飄嚟，一端上飯檯仲滾緊有泡泡！貨真價實，肥牛份量超多，粉絲吸收哂沙茶醬同肥牛嘅精華，食到全檯人lam lam脷！4個人3碗絲苗白飯秒速被KO～大家對虎皮尖椒豉蒜爆鮮鵝腸都讚口不絕！鵝腸超爽，尖椒爆得超香又唔辣，仲勁有鑊氣！正！金沙脆鮮魷魚嘅鹹蛋黃包滿大大舊嘅魷魚，連伴碟紫蘇葉都炸得超香口，配啤酒簡直冇得彈！XO醬馬拉盞芥蘭煲嘅芥蘭同蝦乾、肉碎、蒜片一齊炒超惹味！女人街食飯公司真係非常唔錯，上菜速度快，而且好味有鑊氣，貨真價實，我一定會再嚟encore～

🇭🇰女人街食飯公司·呢間我男朋友之前食過話好有鑊氣 所以一路都超想試 依家晚市堂食開翻我地就即刻捉緊機會去食😈😈·薑蔥花膠鮑魚煲$198XO醬馬拉盞芥蘭煲$98呢兩個煲仔我都覺得超正 佢一上檯係超級熱辣辣 超香😎佢個鮑魚好厚身 而且超大粒 入面都幾多花膠 不過就真係濃味少少 一定要送飯😌之後佢個芥蘭煲都超有心思 佢刨左個外皮 所以超級嫩 而且佢入面有蝦乾同埋肉碎 所以一定惹味😈😈·紐西蘭蟶子皇$58/隻佢個炒蟶子係用左豉汁炒既 所以都好惹味 不過佢係原條炒既關係 我覺得佢有少少過左火 大家嗌佢蒸可能會好食D😙😙·#rbyeat#rby港式#rby旺角·📍旺角通菜街1A-1L威達商業大廈1樓B室

今晚四個人去食，叫咗九餸一燉湯，好食到不得了，招牌推介要預早預訂，否則未必食到最好飲係個杏汁燉豬肺湯，超濃郁杏汁香味最多人叫既係大叔焗魚腸同黑松露鮮蝦多士，兩個餸菜都係每日新鮮製作