一盅點心

營業中

休息中

🙋🏻‍♂️餓底探員去咗長沙灣調查呢間點心店，店舖嘅點心手工做，即叫即蒸，呢度除咗傳統懷舊點心，仲有創意新派點心，價錢大眾化，吸引唔少街坊嚟光顧🥟世一燒賣拼盤 $98🦐懷舊燒賣皇｜🐖梅菜扣肉燒賣🧀芝士墨魚燒賣｜🥩花椒牛肉燒賣🦪鮑魚燒賣｜🌿芫荽馬蹄豬肉燒賣🌶️泡椒燒賣｜🍅番茄海鮮燒賣🥩乾蒸牛肉燒賣｜🌶️花辣椒燒賣🦑爆汁墨魚燒賣｜🥚鵪鶉蛋燒賣🙋🏻‍♂️表示世一燒賣拼盤有12款口味，每款各有特色，有幾款餓底好鍾意，芝士墨魚芝士味濃，墨魚口感爽彈，芫荽馬蹄豬肉充滿芫荽清香，食落爽口有層次，番茄海鮮茄味香濃，又有海鮮嘅鮮味，最特別係梅菜扣肉，食落脂香，好似真係食緊梅菜扣肉咁，咁多口味，各位燒賣控又點可以錯過🦐筍尖蝦餃皇 $34🙋🏻‍♂️表示蝦餃晶瑩剔透，蝦餃皮薄軟糯，蝦肉爽口彈牙，食落好有鮮味🥩古法陳皮牛肉球 $24🙋🏻‍♂️表示牛肉球口感軟腍，配上陳皮，馬蹄，芫荽等配料，食落層次感豐富🥟XO醬菜苗餃 $29🙋🏻‍♂️表示菜苗餃包住鮮蝦，菜苗同馬蹄，配上XO醬，食落鮮甜又惹味🫔花膠鮮竹卷 $36🙋🏻‍♂️表示個鮮竹卷用腐皮包住花膠，豬肉，香菇，腐皮吸收咗鮮甜嘅上湯汁，食落充滿鮮味🥕千島醬脆炸蘿蔔糕 $34🙋🏻‍♂️

今日黎到長沙灣搵食，我哋揀咗呢間點心店嘆嘆茶～ 呢度點心嘅種類都算多，而且其中有啲點心都幾創新、有特色！一盅燒賣拼盤一盤可以試晒多款口味！有牛肉、糯米、蟹籽、鮑魚、帶子、原蝦呢六款燒賣～ 一口鮑魚同埋帶子都幾鮮味，原蝦燒賣係全粒都係蝦肉，又幾好食喎🦐黑金流沙包黑金賣相好靚！流沙內餡流心效果十足，熱辣辣好好味～甜蜜蜜叉燒腸夠滑、腸粉皮唔會太厚～ XO醬菜苗餃多菜少肉、係健康之選🥬花膠鮮竹卷上面真係有一小片花膠、唔係淨係得花膠汁！養顏千層糕薑味十足、亦好彈牙整體來講，呢間點心店食物唔錯、選擇又多，係抵食之選～😋

唔好睇少呢間點心專門店，雖然裝修簡簡單單似一般小店，但出品既點心有大酒樓既質素，價錢算相宜，但又唔駛等好耐先有位，得閒黎嘆番一盅倆件都唔錯。鵪鶉蛋燒賣 $35 : 出面好少有得食既傳統懷舊點心，先咬一口鵪鶉蛋，蛋味好香，燒賣蝦肉比例多，爽口彈牙。XO醬菜苗餃 $28 : 菜苗好嫩，原本餡料菜苗同蝦肉會比較清淡，但餃上有一層XO醬，即時將味道提升，變得更惹味。春風得意腸 $35 : 腸粉包住油炸鬼，油炸鬼裡面再有蝦肉饀料，外面滑啫啫，中間脆卜卜，裡面就好彈牙，每一啖都有3種唔同口感。爆餡义燒飽 $23 : 义燒飽餡料多，而且义燒唔肥。黑松露山珍腐皮卷 $35 :，腐皮煎到香脆，加入黑松露特別美味。拔絲蛋散皇 $19 : 好鬆化、入口即溶。

新式點心店越開越多 要站得住腳 唔小得要番d啅頭😎 今晚去長沙灣既呢間點心店就有多款特色燒賣啦 而且仲有套餐可點 夠晒多選擇又抵食👍🏻我地今次就食左：1. 爆汁墨魚燒賣 呢到一共有6款燒賣 我地就揀左試其中既墨魚燒賣🤤 入面仲有龍蝦汁😱 好彈牙好特別👍🏻2. 千島醬脆炸蘿蔔糕 蘿蔔糕加左炸漿炸到好香脆 加左千島醬好新奇好味😋3. 春風得意腸 呢個點心最重要係做到外軟內脆 所以呢碟真係高質👅 餡料又夠多👍🏻4. XO醬菜苗餃 菜苗餃好多餡 上面加上XO醬 少少辣 好惹味🤤5. 五柳鮮蝦炸雲吞 炸物真係做得好出色 好脆😍6. 魚翅灌湯餃 好大粒 足料呢到仲有好多款套餐都好抵食 茶錢仲要係$4位 抵試🌟