鷹巢

營業中

休息中

喺旺角區返工嘅我近排巳經日日叫外賣，難得team lunch老闆請，所以就搵左間環境好少少嘅，起碼位於酒店內的餐廳，有番多少少信心保証，眼見抗疫措施都算做得足。當日一行４人來到《鷹巢》飲茶，可能因為是平日所以沒有太多客人，環壞舒適坐得舒服，三五知己或者同客食飯一流，感覺衛生乾淨！整體食物質素中上，精緻味美，價錢同份量都尚算合理👍。臨走見到隔離個雪山叉燒包賣相好似幾唔錯，下次有機會要試埋佢金牌叉燒皇配秘製蜜餞豆：厚切叉燒，啖啖肉，伴碟的秘製蜜餞豆香甜煙韌蝦子腐皮卷：香口酥脆，炸到好乾身，不會吃完滿口油XO醬炒蘿蔔糕：做到外脆內軟，ＸＯ醬惹味可口！芝士蝦春卷：炸物出色，所以點多道香口春卷！飲茶點可以唔點燒賣

貴為旺角區內星級酒店，而且係國際品牌希爾頓旗下酒店內既中菜，我對鷹巢既期望都幾高。試完果然冇失望！空間環境裝潢令人滿意舒適而且夠光猛，食物非常美味有水準！餐廳雖然全院滿座，但亦唔算嘈吵，工作人員十分足夠而且服務非常好！我地一行二人中午黎飲茶食左幾個點心，以下係特別推薦！必食！XO醬炒蘿蔔糕 - 蘿蔔糕夠實唔會夾起就散，XO醬同個蘿蔔糕勁夾！韭黃帶子腸粉 - 豉油係另外上既，就算加咗豉油都唔會遮蓋帶子嘅鮮味和牛千絲酥 - 個千絲酥除咗賣相非常好之外，個酥亦都好濃味！值得一題係原來哩間酒店有免費停車場俾食客停車，只要打過去或者WhatsApp 就可以訂枱飲茶食飯兼免費泊車！

因工作關係幾乎不會有機會跟老婆在禮拜日一起休息，因一個偶然的機會，等候超過一年的禮拜日共同休假終於來臨。二話不說立刻安排禮拜日必備行程：飲茶，至從上個月和兩老到訪後一直沒有機會再來，今天機會來了，一醒來立馬開車往鷹巢中菜廳！因最近晚餐的選擇多是中菜小炒，故這次全部選擇點心，由老婆挑選了水晶鮮蝦餃，黃橋燒餅，XO醬炒蘿蔔糕和欖仁豆沙茶粿。當中不得不激賞XO醬炒蘿蔔糕，不像一般茶樓隨便把蘿蔔糕和ＸＯ醬炒一炒就上碟，這裡的蘿蔔糕鬆脆外層與蘿蔔糕本體形成對比之外，因外層脆皮稍有厚度，細嚼時會發現有一層輕輕的煙韌口感，增添第三重滋味！老婆非常滿意食物水準，但立刻拷問為何這次是我的第三次到訪，已經下了命令要盡快安排再來！

今日同屋企人黎左鷹巢試一試呢度既點心，大約2點鐘到達，等左5分鐘左右就安排入座。餐廳內裏環境安靜，座位寛闊舒適，服務員服務態度良好，上菜速度頗快，點完餐大概10分鐘就上菜。布拉叉燒腸粉 -非常足料，薄薄既外層包裹住非常多叉燒，叉燒多汁又好食，配上香甜既豉油，令到腸粉生色不少，值得一試👍🏼除左叉燒腸粉之外，要推介大家試下XO醬炒蘿蔔糕，外皮香脆但不油膩，非常出色水晶鮮蝦餃 — 蝦餃夠飽滿，皮薄晶瑩剔透，內裹既蝦爽口彈牙。唔錯

星期六下晝放左工,約左朋友係旺角想搵個靜靜地又舒服既地方食個lunch傾下計....無意之中係openrice發現左旺角有間鷹巢中菜廳😌一去到無幾耐就有位啦👍🏻👍🏻👍🏻招呼我地個同事仲話個menu係新推出既～我地叫左幾款點心..黑松露素菜餃，好香黑松露同香菇味道😋😋蒜茸蝦春卷，熱辣辣卜卜脆😍😍仲有不可不試既xo醬炒蘿蔔糕，超好味...食到停唔到口🤤🤤下次一定會再同朋友再黎！！

今日食lunch冇乜idea,問我想食乜...我話你請就梗係要食好啲(哈哈),所以佢就帶我黎鷹巢,打算叫我試下呢度啲叉燒。我食過呢度嘅叉燒,係好好食,但今日唔想食叉燒...決定今次試下其他新野!今次決定唔食叉燒同點心,食豪啲!叫左個花膠椰皇燉湯,一客砂鍋乾炒牛河同XO醬炒蘿蔔糕。燉湯方面,不過不失...一個正常啲燉湯。個乾炒牛河真係唔差!平時啲牛河炒完出黎一定成個碟都係油,但呢個牛河炒得都好乾身,食到底係冇乜油的...唔錯!最驚喜的就係呢個XO醬炒蘿蔔糕!首先講係佢個蘿蔔糕,入口真係有粒粒蘿蔔,唔係成口粉...又唔會太多蘿蔔令到成件事散修修咁。加上佢炒得啱啱好,外脆內軟,同時食到XO醬少少辣,好得呀呢個!下次呢個一定會再食!最衰食完飯要趕住返工做野,如果唔係坐响度傾下計都幾舒服。

假日請親戚飲茶，不想去平時去開啲連鎖酒樓，用Apps search到呢間係酒店的茶樓，覺得環境不錯，依傢透過 Apps book位仲可以有八折及賺Asia Miles，決定黎試下。一坐低，我哋當然點左飲茶必食點心，點心賣相精緻，味道都十分有水準。以下是我個人特別想分享的菜式：冬瓜上面配了什菌、竹苼，冬瓜及青菜吸哂啲汁，個汁很好味，清清地，不錯。侍應特別推介紹我哋照牌菜 - 叉燒皇配秘製蜜餞豆。厚切叉燒真係好嫩滑及Juice，同出面的燒味店好大分別。旁邊的秘製蜜餞豆親戚話好好味，但我不喜歡食豆，所以No comment.無飯落肚，對老人傢真係少左啲嘢，特別點左個蒸飯。飯軟硬適中，上面鋪了豬頸肉及蔥，肉汁流入飯裡面，味道很香，配合上面介紹的叉燒食剛剛好。甜品我哋叫了綠豆酥，綠豆蓉炸成酥，外面點綴了杏仁片，外脆內軟，口感特別。我哋見到隔離枱有人叫左楊枝甘露分子雪糕，現場即整，我都係第一次咁近睇分子料理，但真係很飽，唯有留番下一次再試。食物精緻，環境寧靜舒適，工作人員好細心，不時有人斟茶及換碟，最重要是親戚滿意，但價錢比其他連鎖酒樓貴咗少少，幸好Apps book 位有discount。

好耐無飲過茶，星期六會出旺角，於是就上Openrice睇下有無邊間比較特色既中餐廳飲茶，見到旺角呢間鷹巢有做折，就試下book位，可能我比較早到，過到去未算好多人，被安排坐近窗邊位置，環境都幾好。坐低好快已經有人問要咩茶，茶壺夠大唔需要經常添加。食物選擇算多同新，見時間尚早，可以坐耐d就點咗點心同小菜，上菜速度都算快，服務總體唔錯。雖然茶位唔便但服務同食物質素值呢個價錢。見openrice上面大家都推薦，於是就試下，果然不負眾望，口感好好，好大舊，同出面食果d完全唔同，叉燒軟硬適中，唔會太甜又唔會太咸，我諗下次黎我都會再點呢個。不過要叫多d人一齊食，因為都幾大份，1，2舊已經好飽。白玉藏珍，呢款菜聽講新出，口味屬於比較清淡，但勝在用料足，平時飲茶會叫菜心，如果唔想次次食菜心可以試下呢款，會比較多選擇。意大利黑醋豬柳，上菜時已經覺得個賣相好吸引，酸酸甜甜，但建議雪梨同豬柳一齊入口，個味道配合得非常好，豬柳外脆內軟，雪梨又夠清甜爽口，我諗小朋友都會中意呢道菜.唔知點解每次出面食野最後都要食埋個甜品先滿足，雖然係好普通既一個甜品，但出乎意料的好味道，起初都怕會唔會太酸或太甜，點知味道剛好，而