WM Café & Bar (海之戀商場)

營業中

休息中

呢晚嚟咗荃灣呢個商場食晚飯，搵咗呢間平民貼地cafe食西餐 。餐廳有唔少套餐可以選擇，不過呢日唔算好餓，所以就同友人散叫，share嚟食🤗WM巴馬火腿蜜瓜廚師沙律餐廳有幾款廚師沙律可以選擇，我哋就揀咗個西班牙嘅沙律😝 火腿嘅鹹香配埋充滿果糖嘅蜜瓜，係一個好match嘅配搭，一份嘅份量都幾多，可以同朋友分享🥗WM手撕豬肉薄餅餐廳嘅pizza預設咗係薄批，個人幾鍾意呢一個脆口薄餅邊似餅乾嘅質感🍕 除咗手撕豬肉之外，薄餅仲有菠蘿、墨西哥辣椒、紫洋蔥、燈籠椒同埋芝士🧀 上碟時熱辣辣，輕鬆做到拉絲效果。WM焗安格斯牛肉醬芝士千層麵配薯蓉唔係度度都有千層麵，因為步驟繁複，自己冇呢個心機整呀，所以見到都會想嗌嚟食。呢度嘅千層麵四周有焗薯蓉，千層麵面頭嘅肉醬係安格斯牛肉醬，不過鍾意多汁嘅我略嫌個汁少咗啲😝 如果再多啲肉醬會開心啲，因為個肉醬味道唔錯。阿華田巴斯克芝士蛋糕一入門口已經俾佢嘅蛋糕櫃吸引咗，呢一晚有成款蛋糕可以揀😮 因為友人好鍾意食巴斯克芝士蛋糕，見到有個呈啡色嘅巴斯克，店員同我哋介紹喺阿華田口味，所以就一於試吓佢🍰 呢度嘅巴斯克做到軟心效果，阿華田口味唔會太甜。離開餐廳嘅時候，見到有唔少一

WM Café & Bar 餐廳空間寬敞坐位之間唔會太逼 裝修時尚 唔會比人有壓逼既感覺店員就安排左卡位比我地坐我地睇左一陣好快就決定左食咩啦落完order之後野食都好快送左上黎✦WM焗安格斯牛肉醬芝士千層麵配薯蓉 ($88)[+38轉套餐有湯、吉列炸蠔、沙律再加一杯餐飲]千層麵同薯蓉都係我既最愛所以毫不猶豫就點左佢我仲加左錢轉左套餐, 餐湯竟然都有龍蝦湯揀!首先上菜就係湯、炸蠔、沙律✦忌廉龍蝦湯龍蝦湯比我期望既更加濃味而且好香!飲唔停口!✦吉列炸蠔無腥味 而且熱辣辣又脆卜卜 好食!過左無耐我既千層麵同薯蓉都上啦薯蓉配上芝士同埋肉醬 味道好夾又好食❤薯蓉非常多又夠滑 鍾意薯蓉既朋友一定唔可以錯過阿!✦美國穀飼安格斯牛肉眼配薯蓉 ($288)最後上菜就係牛扒 我地叫左5成熟一D都唔會鞋同埋韌而且煎得非常香 扒亦都好大塊推薦比大家飲品方便我地叫左一杯跟餐既凍西柚蜂蜜綠茶咁岩餐廳做緊promotion, 加$1就有一杯生啤個人覺得好抵 經過既朋友不妨考慮一下❤埋單兩位加埋 $457(有加一服務費)