Velo Italian Bar & Grill

營業中

休息中

今日黎到K11 Musea 呢間意大利菜 Velo Italian Bar & Grill😙平時聽朋友介紹係一間飲野環境相當唔錯嘅餐廳，歐陸風格嘅裝修，環境清靜，侍應服務都幾好，介紹餐單都好用心，抵讚👍🏻餐廳外面個甜品櫃非常吸引，而且有semi buffet選擇，有一個main course再加意式自助餐，不過由於我地唔太肚餓同比較想試特色甜品嘅關係我地都係選擇a la carte😎意大餐廳通常都會有自家麵包提供作為前菜，呢到當然唔少得啦，加埋黑醋同橄欖油夠哂開胃👍🏻前菜我地叫咗個➡️”Lobster Salad”同”Ham & Cheese Platter”，沙津份量唔細，生菜好新鮮，加埋橙同蕃茄仔非常醒胃，仲有拆左肉嘅龍蝦同檸檬汁非常夾，爽口彈牙➡️”Ham & Cheese Platter”，有辣肉腸，24個月熟成parma ham，煙三文魚，雞肉火腿仲有唔同嘅堅果同芝士，非常豐富，要黎送酒真係一流😍主菜我地叫咗個➡️”US Prime Ribeye，5成熟肉質岩岩好，牛肉味都非常突出，燒汁同岩鹽唔同口味都好夾，味道算唔錯，不過如果可以少D筋位就更好😆除咗牛扒，我地仲叫咗個➡️”Gril

正值佛誕假期，本想同姐妹去B1層嘅cafe tea，但每間店都人山人海，唯有轉戰同樣偏向西式嘅意大利菜。一如意菜作風，前菜為麵包盤配以橄欖油及黑醋。感覺已擺放一段時間，除麵包條外其他都冰冷又韌，又無咩麵包香。先點咗每人各一隻gillardeau，肉質肥美厚滑，海水味中等，味道鮮甜。海鮮拼盤包含魷魚同蝦，兩者同樣爽彈，外層裏上輕薄鬆脆嘅炸粉，香口而不帶油膩感，蘸上羅勒蛋黃醬更香甜解膩。Pizza為薄脆底，輕盈不飽滯；五種芝士層次相當豐富，鹹甜奶香三種不同滋味兼具，沙沙嘅口感令pizza即使無額外配料亦唔失色；咬到藍芝士嘅部份，獨特香味更令人眼前一亮。意粉煮得過火，口感太淋軟、略糊，蜆肉多但帶沙，欠缺白酒同蒜香，整體來講普通、唔值呢個價錢。蛋糕好大件，有手掌大小，奶油同蛋糕體份量各佔一半，層次分明；味道過甜，加上本來都甜嘅oreo粒，食多兩啖會覺得漏；值得一讚嘅係表面果兩塊mini oreo唔會雪到淋哂，雪糕唔會好快溶。賣相好靚，但比例唔平均，手指餅佔咗大約三份一，可能再少啲，愛好咖啡味嘅人會失望；Mascarpone過多令奶油量過重，膩口反胃。餐廳長期無咩侍應，有幾次要親自出去嗌人，上菜

放工去了K11 Musea逛逛，累了就一起選擇食晚餐嘅地方，想鋸扒嘅我倆就選擇咗去呢間Velo Italian Bar & Grill。一入門就見到琳琅滿目嘅甜品放置係門口嘅甜品櫃，令我呢個甜品控都不禁駐足欣賞，好吸睛！等上菜嘅同時店員都奉上麵包，微暖嘅麵包蘸少少橄欖油同醋先開開我地胃口。佢地上菜速度頗快，麵包都未食光就上菜了。首先上左生蠔先，係Gillardeau N2嘅蠔。四隻肥美嘅生蠔擺係我面前，當然要快啲品嚐啦！本身落單時店員已經介紹呢款生蠔係creamy啲，一食落去果然好對版，好飽滿且creamy。接住好快就上咗我地點嘅VELO限定Pizza，份量頗誇張，幸好批底係薄脆個種，兩人分享都唔會太浪費。Pizza用左五款芝士，所以一上枱就有撲鼻芝士香。另外好特別用上梨片作配襯，梨嘅香甜食落好似充當咗蜜糖嘅角色，咸甜咸甜加上薄脆嘅批底，真係令人一塊接一塊咁食呢！原意要鋸扒，當然唔少得牛扒登場，今次揀咗肉眼扒350g，一定足夠我地兩人分享啦！牛扒好大一塊，揀左五成熟，入面仲有粉嫩嘅顏色！食落牛味十足，令我回想起之前係加拿大食嘅 BBQ牛扒～肉質同牛味都好相似呢！而側邊嘅配菜都唔馬虎，薯

好多人都話K11 Musea嘅裝修令人好唔舒服，不過我自己又覺得有種神秘嘅吸引力，同呢間意大利餐廳《Velo》不謀而合。「Velo」係意大利文，意思係「面紗」，意味住「含蓄」、「神秘」。喺呢個神秘嘅國度，享受咗一餐美妙嘅意大利美食體驗🇮🇹餐廳樓面好大，樓底好高，空間感夠晒大😊佢哋每晚都有Semi Buffet，但我哋見頭盤嘅選擇都唔算多，所以就揀咗a la carte menu。BreadHuîtres Hélie 黃金生蠔 ($28@)Gillardeau N2 芝拉島蠔 ($68@)試咗兩款生蠔🦪：黃金生蠔海水味重啲、鹹啲；芝拉島蠔比較肥美、味道較鮮、蠔味細膩。可能我哋重口味啲，鍾意黃金生蠔多啲，而且佢都比較抵食⭐️落tabasco仲可以更加帶到個鮮味出嚟😛Creme di funghi e tartufo nero ($138)黑松露野菌湯「Mushroom Cappuccino」，以杯盛載，份量頗大。加入數片黑松露，令野菌味更加香口。Penne con salsiccia fughi e pomodoro ($168)意大利香腸配蘑菇蕃茄醬長通粉長通粉煮得剛剛好、有嚼勁；配上意大