Coti the Bistro (企業廣場)

營業中

休息中

今日要去九龍灣工業區整啲嘢，跟住見到OpenRice 好似幾多人推介呢間coti, 於是就膽粗粗去試吓。可能因為六點太早，冇乜人，有時清清淨淨都幾好👍🏻👍🏻叫咗兩個set，都跟湯同沙律，湯係忌廉蘑菇湯，都幾香濃，食到少少蘑菇蓉，沙律就正正常常冇乜特別。黃金蟹肉闊條麵 $92嚟到見到個樣幾靚，不過兩條蟹柳扣咗啲分，如果多啲蟹肉會好啲。個汁唔錯，白汁撈埋鹹蛋黃勁香，咁配搭都幾特別❤️牛油果軟殼蟹漢堡配蜜糖薯條 $108個包甜甜地，如果熱啲會好食啲。另外佢係成隻軟殼蟹上，所以幾足料，如果牛油果多啲會更好！而薯條炸得夠熱，加上蜜糖感覺幾新鮮😋Tiramisu Coffee $48外貌真係冇得頂👍🏻上面嗰層係Tiramisu ，啲cream好香濃、好滑同好甜，然後食幾啖之後就將啲cream同咖啡攪勻，令成杯咖啡都甜甜地，飲落去好似真係食緊tiramisu咁😍Marshmallow chocolate $42呢杯就冇咖啡咁特別，都係普通朱古力加2粒棉花糖，不過上面嘅拉花有加分，個樣靚靚哋可以用來打下卡😂整體來講呢個質素都可以叫抵食，如果經過可以一試😉

之前食過一次好好味，鍾意佢環境舒服，lunch 價錢相宜，去完mega box 買野黎食就最就腳。✨餐湯羅宋湯幾好飲，好足料，蕃茄味唔會太酸。✨手撕蟹肉牛油果他他： 個牛油果夠晒熟好香好軟腍，蟹肉鮮甜，加埋面頭少少辣椒粒辣辣地好過癮。個waffle 最有驚喜，係酥皮既質地，鬆脆得黎個心又帶點煙韌，加上面頭既蜜糖真係好好食。沙律有好少見既西柚，鍾意佢唔會太酸又帶點甜。✨每次必點都係呢個tiramisu 咖啡， 面頭既忌廉好creamy, 加上可可粉攪混黎飲好香甜，好似咖啡雪糕既感覺。✨法式燉羊膝：個羊膝都幾多肉，腍到好容易就骨肉分離。肉質真係好腍滑，又唔會太羶。個蕃茄醬汁好好味，帶少少辣，用黎點薯蓉唔錯。意粉夠乾爽，煙韌度啱啱好。

由一步入小店，已充滿驚喜😊。首先，帶位服務小姐友善介紹Menu，細心安排。她的窩心服務令這餐晚飯更開心滿足。牛肩扒上枱時本以為薄薄的冇乜特別, 但食了一口發覺充滿肉汁、新鮮。好好味、有誠意，有驚喜。絕對會為它再來。略嫌薯條唔夠炸得透，心有少少生，或許炸多1、2分鐘會更可口。Tiramisu Coffee 特別。奶打得香濃滑滑的，好似每一口都是食緊甜品一樣。略嫌咖啡不夠濃口，不過配搭唔錯，而且賣相吸引，值得一試。由服務到食物，絕對值得再到訪的小餐廳。