開Openrice Apps 見到古琴雅苑買外賣有68折，本來冇諗過買都想試吓買外賣返屋企食。用Apps 訂咗我地兩個最鍾意嘅花雕醉雞同上海炒年糕。餐廳準時預備好我哋嘅外賣，一去到就拎得。職員有禮貌地把外賣遞給我地! 特別喜愛呢度既花雕醉雞❤️! 花雕酒香特別香濃，每件雞都好入味。至於份量方面唔會少，價錢本身合理，依家用Openrice Apps 買仲有優惠，真係好抵食！會再用Apps 買。 要求上海炒年糕少油，餐廳一樣辦妥，抵讚👍🏼！年糕份量都幾大，足以給兩個人份量。年糕煙韌，就算拎到返屋企都仲好煙韌。 呢餐又滿足又抵食。疫情下，會繼續用Openrice apps 買好多餐廳嘅外賣！❤️

同事話我知透過openRice Apps 買春水堂唔使排隊，慳返好多時間。果然真係快、靚、正。本來我淨係想點茉香奶茶，但同事極力推介一定要加珍珠，所以點了兩杯，分別係茉香奶茶和珍珠茉香奶茶。同事就點了珍珠茉香奶茶。春水堂準時預備好我哋呢三杯嘢飲。我決定同一時間飲兩杯，睇吓味道分別大唔大。結果發現，茉香奶茶真係要加珍珠，味道係好唔同，令到成杯飲品昇華。有珍珠，會有古早味嘅焦糖香，同杯奶茶超級夾。加上珍珠做得彈牙，所以平時我唔鍾意食珍珠今次我都食晒。同事果然冇介紹錯。今後會繼續用Openrice 訂春水堂，仲一定會加珍珠！！ ！

大概5日前訂大概5日前訂位，但係落waiting list。好彩當日早上酒店打嚟話有位，終於可以一再到呢間酒店食嘅自助餐。 疫情下，餐廳有安排每處都放有消毒酒精。但一到2:30pm，即buffet時間完結，除了食物外，侍應們立刻把全部所有消毒酒精收走，但當時還有好多客人未走。當我們還有其他客人走時，冇得用消毒酒精。於這方面，餐廳沒有考慮周到，有改善空間。 熱食有驚喜，例如有即炸天婦羅、即炸和牛、西班牙黑豚叉燒、即煮白汁意粉等。最有驚喜的是每枱供應石燒龍蝦拼盤，龍蝦爽口彈牙到不得了。超開心！

由一步入小店，已充滿驚喜😊。 首先，帶位服務小姐友善介紹Menu， 細心安排。她的窩心服務令這餐晚飯更開心滿足。 牛肩扒上枱時本以為薄薄的冇乜特別, 但食了一口發覺充滿肉汁、新鮮。好好味、有誠意，有驚喜。絕對會為它再來。略嫌薯條唔夠炸得透，心有少少生，或許炸多1、2分鐘會更可口。 Tiramisu Coffee 特別。奶打得香濃滑滑的，好似每一口都是食緊甜品一樣。略嫌咖啡不夠濃口，不過配搭唔錯，而且賣相吸引，值得一試。 由服務到食物，絕對值得再到訪的小餐廳。