Black Coffee

營業中

休息中

好耐之前已經好想試今次去到等開門結果遲左5分鐘先開門要左個lunch set 意思係單叫主菜+飲品 只要額外加多15蚊黑糖焙茶鮮奶難得係少數唔會太甜太苦有明顯粉粒感既焙茶鮮奶口水雞凱撒沙律材料由幾款構成口水雞有少少辣味而且煎到好香脆食落都幾特別但係沙律菜就比較奇怪佢唔凍 似係擺係常温地方但依家天氣熱驚好快變壞而且菜本身既爽脆感都欠缺有黑蒜味面包粒食落幾香口煙肉脆片就正正常常 不過不失但敗筆位係沙律醬只係用左普通沙律醬食多左會比較膩個人感覺如果變左做柚子醋沙律汁成件事會昇華唔少tiramisu結構浸滿咖啡既手指餅係中間偏底部軟身既芝士係中上層旁邊就有微苦朱古力醬oreo碎同埋切左2分1既威化點綴裝飾整體而言係比較成熟既味道tiramisu雖然睇落細細但食落又唔會覺得個size太少

🖤暗黑風格Cafe🤍要講近日常見打卡嘅餐廳，一定唔少得呢間Black Coffee ☕️ 平時經過都見到長長嘅人龍! 星期六日開11點所以12點左右就去到，點知都係要排隊了😩😩夏日炎炎，喺外面等位真係有啲辛苦...首先要介紹佢最出名嘅Tiramisu🥳一嚟到我已經比佢豪爽嘅朱古力醬而感到非常喜悅😛其次我覺得Tiramisu嘅cream好濃而且挺身~雖然佢其實只有一層但係勝在佢嘅配料層次豐富朱古力醬竟然唔係Nutella而係偏苦嘅朱古力味，令到整體唔會膩🤤主菜餐牌上冇我之前睇到其他人推介嘅松露貓耳朵，就試咗呢個煙三文魚黑蒜炒意粉👻呢個組合我都第一次食，所以非常之有驚喜，冇諗過黑蒜都可以用嚟整意粉🍝食起上嚟有黑蒜嘅酸甜味，以為煙三文魚只有上面一小片，原來佢入邊都有好多熟咗嘅三文魚~😚飲品叫咗黑糖日式焙茶，黑糖味就唔太飲得出，但係焙茶味好濃，隱約飲到焙茶粉嘅程度🤤估唔到除咗咖啡之外嘅飲品都幾出色！另外一杯係熱情果shake~不過不失啦純粹想清清喉嚨👻用餐時間得一個鐘，而且店員都會主動提醒你夠鐘要走，我哋食咗45分鐘之後仲想叫多份甜品都唔得添🤧