signature croissant bomboloni

意大利夢幻建築 恍如身在歐洲烘焙櫃超大 超多選擇_美美的食物 純白的食器 很誘人_SIGNATURE CROISSANT BOMBOLONI牛角包配吉士醬 無得輸PISTACHIO CANOLO超級香脆 入面沾上一層濃濃的朱古力醬再嘟入開心果忌廉和果仁超級邪惡好味PANE E LATTE BURGER大推牛肉漢堡包 包皮鬆軟 甜甜的牛肉味超濃 肉質嫩滑 肉汁豐富 熟度剛好 配上火箭菜和焦糖化的洋蔥 每一口都很幸福幼身的薯條炸得很香脆 可以請店員提供茄汁CARROT CREAM SOUP甘筍濃湯第一次試 顏色很美甜甜的甘筍味 簡單直接 但很特別甜品怎能不配上一杯咖啡！…查看更多

呢間cafe由開張至今已成為赤柱必到嘅地方之一！即使唔入去食嘢，都會喺門口打個卡😍因為真係好糖果色好少女心嘅cafe呀💕1️⃣SIGNATURE CROISSANT BOMBOLONI （$45）正正因為signature就試下啦～佢好似蝸牛殼嘅外形但其實係牛角包嘅享受～一層一層撕開就會食到吉士醬嘅內心🥰吉士醬唔算甜，不過橙味都唔太濃🤔但凍凍地嘅醬加埋一層一層嘅酥皮食就好滿足啦☺️2️⃣MARITOZI STRAWBERRY（$58）這個是因為外形吸引了我，好像有滿滿嘅士多啤梨cream加三粒士多啤梨～啱晒cafe嘅少女心設計😆但入口就頗失望🥲首先strawberry jam cream就是cream，感覺太似忌廉賓🫠而士多啤梨就係得三片🥺再者，麵包唔夠鬆軟，忌廉賓好似仲口感好啲…就是不會推薦～～📍總結：-雖然對食物有點失望，但下次還會來到訪，因為裝修太靚💕-每個位置都好適合打卡呀～希望下次又有其他烘焙種類啦～…查看更多

週末慶祝一週年大日子，黎既日子正值大雨，黎到赤柱Pane e Latte 呢一間粉紅系意式麵包店食下午茶，粉紅歐陸風彩嘅裝潢，少女夢幻風格引人入勝❤️而且店內麵包選擇好多，花多眼亂，每款都好想食！各款麵包、酥餅同蛋糕甜點放晒出面，選擇好多，只好請店員推介。選擇好後再番埋位落單要返，可惜我唔記得左款式既名，又要再走出去一次😂 整間店員服務態度非常友善，又會推介佢地既signature, 令我過左一餐好好既用餐體驗❤️👍🏻所以想寫得更加詳盡，真心推介比大家😬PARMA HAM EGGS BENEDICT $138呢個Egg Benedict 相當出色，好好食❤️😍 crispy ham 係精粹，配上軟熟的Muffin及流心蛋汁，仲有微酸既Hollandaise Sauce, 係我食過最好食既Egg Benedict!☺️香煎牛扒伴煎蛋 $258網上食評/圖片完全唔見有人點呢款，抱住幫大家試伏嘅心態，加上想食肉類，於是就點左呢一款，有牛腹扒，迷你薯仔，煎蛋，牛扒點左5成熟。首先有驚喜嘅竟然係薯仔，焗得外皮香脆而內裏係濕潤，平時少食牛腹扒，五成熟嘅口感都係好有咬口，有牛肉味亦非常煙靭，同牛柳真係完全唔同😂😂不過都係好食既。我都係第一次食牛扒配煎太陽蛋，好特別。🤣對比Egg Benedict, 我會更加推薦多人大推，店員都推介既Egg Benedict, 因為始終食扒都有好多扒房選擇，benedict 就唔係間間都有🫢店員推薦嘅一款signature pastry,因為剩番最後一個，所以我地一入店，店員就幫我地先留低再等我地慢慢揀其他，態度親切友善❤️❤️Signature Croissant Bomboloni ($42) - 大推超好食外型真係其貌不揚，外表只係一個普通嘅牛角酥，原來內裏有餡料橙味吉士，食落酸酸地有少量嘅似檸檬既味，冬甩嘅外型好似千層酥，切開係一圈圈，非常鬆軟酥脆又有層次！都幾出色，值得一試。Signature Cake 🧁 $78因為睇賣相非常吸引，冇細睇ingredients 就點左一件，原來入邊有Hazelnut daquoise, 仲有d crunchy praline, 整體來講有啲似金莎嘅味道，口味偏甜就一定架啦，但整體唔錯。Maritozzi strawberry $58呢款士多啤梨cream cheese味道好新鮮，麵包口感獨特，唔似牛角包嘅鬆軟，反而係比較硬身嘅麵包口感，係我第二推介嘅pastry😀對比Signature Cake 冇咁甜膩。飲品點了一款specialty latte 一杯Cappuccino Hot Hazelnut Gianduja Latte $48奶味好濃又夠熱，奶泡打發得好厚，非常保暖，我喜歡Hazelnut既味道，Chocolate latte 香濃❤️👍🏻但對比佢既野食，pastry更加吸引更出色Cappuccino $45都冇令我失望，咖啡味甘醇，不帶酸味，牛奶味香，奶泡都幾滑，係一杯不錯水準中上既Coffee網上個個都話要排隊，我就好彩（定唔好彩）係紅雨日子黎，所以唔洗排隊，等左5分鐘，仲有Sofa 位既客人走左。於是，幫我地轉左去一個好舒服既Safa 位，雖然紅雨大雨日子，但餐廳都好多人，80%滿座，排隊我覺得都值得一試☺️講真款式太多，好多想試，但係冇咁大個胃口，有機會天氣好，再黎赤柱一試，希望唔使排太耐啦🫣…查看更多

臨近聖誕，朋友約去赤柱感受下氣氛，咁啱撞正免費乘車日，喺巴士站見到打晒蛇餅已經深知不妙。我地近11:30到達呢間人氣cafe，排室外第三組，上樓梯入舖後要再排，前後等左超過一個鐘，臨走望一望，隊尾已經企出間舖嘅範圍，奉勸週末一係早啲一係5點黎食下午茶。舖位已成為赤柱其中一個打卡點，奶油黃牆身、藍色窗門、粉白帳篷加埋店前嘅灌木好有歐陸風情，舖內就以淡粉紅色為主調。各款麵包、酥餅同蛋糕放晒出黎，可以睇清楚個樣先叫，但落單要返埋位落。抱住未必會再排第二次嘅心態，我地叫到成枱都係，所以呢篇會特別詳盡，順帶一提，店員服務態度友善。(w/ 10% service charge)🍽Hazelnuts Choux ($48)本身想食 mascarpone cheesecake，但我地入座時已經無晒細件版，改叫呢個泡芙又幾好食，外殼香脆，榛子忌廉油滑挺身，面頭灑上榛子粒，口味偏甜就一定架啦，但整體唔錯。🍽Focaccia Publiese ($58)睇佢外型以為係pizza，其實係意大利香草包，厚得黎好鬆軟，翻熱後個邊好脆，蕃茄多汁偏酸，留意呢款包落大量橄欖油，未必個個鍾意，我同朋友覺得芝士朕味無問題，屋企人就話有膠味，口味呢家嘢真係好個人。🍽Chocolate Bomboloni ($42)食過唔少外國口味嘅冬甩，知道質感偏麵包多啲，呢款都唔例外，腍身但好在唔太油膩，面頭有朱古力coating同脆脆，餡料係黑朱古力吉士所以唔太甜，適合港人口味，我覺得中上水準，朋友就話好好食。🍽Truffle Croissant ($128)牛角包幾酥脆，影左一輪相都唔會一切就塌，炒蛋上有黑松露片，份量足以令每啖都有松露香，炒蛋唔算好嫩但都唔實淨。隔離枱個蛋擺得靚啲而且用黑碟裝，我地呢個賣相就麻麻，但味道唔錯。🍽Pane e Latte Burger ($158)非常足料嘅漢堡包，搽左牛油烘脆嘅雜糧包夾住厚厚嘅漢堡扒、炒香嘅大啡菇、焦甜洋蔥同熱融羊奶芝士，可能因為我地叫左medium well，漢堡扒雖然帶粉紅色但乾左啲，幼薯條香脆高質。山長水遠黎到當然要買幾個返屋企，就試埋店員推薦嘅兩款signature pastry:🍽Signature Croissant Bomboloni ($42)
牛角冬甩嘅外型好似千層酥咁一圈圈，翻熱後酥脆有層次，餡料係橙味吉士，味道少許人工，但個酥幾出色，都可一試。 🍽Croissant Chocolate Gianduja ($42)本身唔打算買呢款，因為之前食過la V___ 類似嘅款式甜到傻，見到佢地造型相約真係驚驚地，不過店員出盡力推介就試下。牛角包好脆身，放左一日亦無腍，但無GC嗰種外脆內軟嘅質感，餡料幾特別有salty caramel同榛子朱古力，食落似融左嘅金莎，比我預期好食！☕️Hot Chocolate ($32)大牌子嘅味道，唔算甜，朱古力粉落得慷慨，呢個價錢唔可以期望太多，朋友覺得唔錯。
☕️Caramel Latte ($48)我無試，朋友話正常發揮。☕️Flat White (Hot $42 +Oat Milk $4)明明睇過有foodie話咖啡好唔掂，但我一時唔記得叫左，結果同佢嘅結論一樣，無拉花都唔緊要，用dark roasted 豆但整得唔好飲，似三合一嘅味道，苦苦地甜甜地嘅奶咁，相都費事影。如果兩個人去我會建議試較有特色嘅Hazelnuts Choux同Signature Croissant Bomboloni，Truffle Croissant 好食但唔會話好特別，可以挑戰下大件夾抵食嘅Focaccia Publiese朕香草味啱唔啱自己。上面咁多款都唔伏，即管試下～至於飲品......當解渴用就好。餐牌：…查看更多

A trip to Italy! This new Stanley phenomenon with a European classy painted walls and framed pictures has brought Italy to us, charged with a joyous holiday vibe. Their handmade artisan bread and pastries were so beautifully displayed at the counter, literally a pastry heaven 😍Truffle croissant $128The generous fresh shaved truffle on top of fluffy scrambled egg sandwiched in a warm croissant, the unbeatable combo. A big plus for a strong truffle flavor in the scrambled egg as well not merely relying on the aroma from the fresh truffle. But the croissant was softened by the moisture from the egg, hence not as crispy and flaky as I would’ve liked.Steak & Egg $248Flap steak, fried egg, green sauce, sourdough bread. The perfect brunch dish. The steak was a little tough but the green sauce was very refreshing and complemented the steak very nicely. Love the perfectly toasted sourdough.Signature croissant bomboloni $42It’s surprisingly not too sweet, particularly love the orange blossom aroma in the crema. The exterior was very delicately constructed with layers of flaky pastry. Gotta say the portion of both hot dishes and pastries were all rather generous 😂Signature cake $58Captivated by its mysterious cover, it’s a fine patisserie with a crunchy chocolate crust, but the milk chocolate tonka cream and mascarpone inside were too overwhelmingly sweet that I couldn’t finish this. Suggest to use a darker chocolate to balance the sweetness. La Dolce VitaStrawberry coconut tapioca drink, special of the day. I thought it would be sickerly sweet but turned out to be a bit bland and crying for more coconut flavor. Enjoyed the vast amount of tapioca though 😆…查看更多