Butlery

呢間長期都要排隊，好彩沙田新城市廣場個app可以拎飛，仲會顯示叫到幾多號，好方便👍🏻✨Pancetta Carbonara $132非常Creamy的意粉，當中的蘑菇和煙燻煙肉也煮得不錯。好多地方都係用煙肉就算，但係呢間用Pancetta，煎得很香脆，肥瘦適中，選料值得一讚👍🏻✨Chicken & Cheese Quesadilla $79其他餐廳叫呢個小食多數貴過呢個價錢，所以呢度算抵食。夾餅脆脆的，內裏的雞肉都好足料，仲有最緊要夠熱！就連伴碟嘅蔬菜和蕃茄都好好味。每道菜都做得好味又精緻，好啱打卡。見到好多枱都叫soufflé pancake，啱晒幾個女仔黎傾偈打卡📸…查看更多

之前行過都見到要排隊，加上去果日係公眾假期🎊，所以就喺商場app度攞左飛先～去到門口都好好彩咁嗌到我地🥰但臨入去先見到門口有寫每人低消$200就有啲卻步，不過一場黎到同埋門口又企左好多人等緊，冇理由吾入去㗎嘛🙈🙈值得一提嘅係佢提供嘅水係暖嘅檸檬水🍋，唔係普通tap water👍🏻身為黑松露控見到有黑松露薯條🍟梗係即刻嗌黎試下啦，但點知就有啲伏齋食冇醬嘅薯條係唔錯嘅，黑松露醬都係正常嘅，但啲醬淋左喺薯條上面，搞到啲薯條淋哂😢，放左一陣都已經凍哂，吾太推薦大家嗌但大家如果想食嘅話，建議嗌醬另上，會好好多！諗唔到食咩嘅，嗌呢個實冇死！個海膽忌廉汁好濃好creamy，個麵都好彈牙，每一啖都掛到好多汁一齊食，好正啊😍今次係我第一次試食海膽，佢一啲都唔苦，反而幾鮮甜，仲幾大條添🤭男朋友試完話唔鍾意食，最後比埋我食😋帶子大大粒好煙韌，好有咬口，蟹肉都比得幾多👍🏻個汁好濃，我自己就覺得有啲濃得濟，可能食開重口味嘅會鍾意🤔食左幾啖已經覺得好漏，不過啲煙肉幾好食，幾煙韌👍🏻如果有得比我再揀過，我會揀試下另一款主食😬我不嬲對班戟疏乎厘都冇乜興趣，但睇食評個個都話好正，同埋好多枱客都食緊，加上我地叫左嘅野未達到最低消費就決定試下個pancake整得好出色🥞，好綿☁️，空氣感好強，入口即溶，配埋糖漿一齊食真係冇得頂💯放喺隔離嘅水果🍓🥭🫐都好fresh，好鮮甜😋最後埋單加一後都要$525，但絕對會為左個pancake encore😋…查看更多

𠵱間裝修精緻、環境舒適嘅小餐館開喺商場一角，起初以為都係打卡為主嘅cafe，點知有啲驚喜。-🔺Iron Grilled Flank 🥩 Steak($192)/ medium rare 估唔到真係做到3️⃣成熟，好多聲稱主打食排嘅餐廳都做唔到。份量足，肉味偏淡但烹調手法高明，鮮嫩唔難嚼，淑女可保形象🫰🏻。墊底意大利青瓜🥒翠玉瓜、加入橄欖油🫒，唔過鹹，中和食肉膩滯感。薯條🍟香脆有薯味🥳熱辣辣，火🔥速清盤。🔺Pancetta carbonara ($132)原本怕𠵱個意粉太漏，點知還好，最緊要夠熱，煙肉厚切粒粒煎到微焦，幾惹味，仲有洋蔥🧅條，吃光只需一秒間👏🔺White Wine Mussels ($79)係個人失誤，個醬汁同意粉太相似，影響味覺。佢偏奶油味，白酒味輕，以𠵱個價嚟講，份量都幾多，仲有兩片薄脆蒜蓉包，沾醬吃不錯👍。🔺hot mocha ☕️ ($46)朱古力、牛奶、咖啡味平衡得唔錯，唔會鬥搶地盤，大家恰如其分，最緊要夠熱🙌為𠵱餐畫上圓滿句號⭕️…查看更多