沙拉姆咖喱屋

營業中

休息中

我很喜歡這一家印度餐廳，因為性價比真係高。今次點了五樣野，分別係印度燒烤拼盤、Butter Chicken、手爪餅、Butter Naan同埋素咖哩角，再加支德國麥啤。廚師話印度燒烤拼盤係新菜式，所以就叫黎試下。拼盤入面有魚、雞同羊，當中最有驚喜係個魚，無諗過燒烤都可以做到咁滑，雞都唔錯，有肉汁，唔會燒到好「鞋」，至於羊肉就麻麻地，唔知會唔會同佢先免治然後再整成條狀有關呢？Butter Chicken係上次食過今次再Encore嘅，因為鍾意佢個番茄咖哩，入面的雞肉都夠嫩夠Juicy。素咖哩角係我至愛，因為入面主要係薯蓉，所以會滯少少，不過呢間真係做得好食，最重要係唔會太油。Naan同手爪餅用黎點個Butter Chicken梗係正啦，簡直係印度菜最精彩嘅地方之一。德國麥啤麥味香唔苦易入口好飲。

Chicken tikka $88下面用錫紙包住，非常之熱，上菜的時候仲噴出蒸氣，鐵板發出吱吱聲，非常新鮮熱辣辣😝平時我幫襯開嘅餐廳比較少菜，呢間會多少少洋蔥及菜，都幾健康Roti$12點咖喱汁就一流呀！🙂Naan $20我見到廚房入面有師傅密密整naan, 即叫即整嘅感覺真係好好, 而且佢都好好食😋怕肥無食到butter naan, 或者下次都可以試吓Butter chicken and chicken curry兩款都超好食～推薦😊

This restaurant serves a wide variety of indian dishes. They are not at all spicy so I guess the flavour is adjusted to cater the taste of the majority. Staff can speak some basic cantonese and are very friendly. Chicken curry, peas curry and naan bread are some of the typical yet not disappointing dishes. We want something different so we order dessert, which I don't remember the name, but tastes like some condensed milk balls. To be honest they are way too sweet for me. I can't do more than on

補習賺咗少少錢, 所以同阿媽食豪啲啲~(雖然埋單都用唔晒一當補習費)平時好少機會食印度嘢, 一向嘴刁嘅男友都好評佢, 所以專登帶阿媽嚟~menu好多選擇, 海鮮/羊/牛/雞/菜樣樣都好多款, 花多眼亂炸雞塊 $55炸粉混入香葉, 雞塊裏裏外外都風味十足~熱辣辣, 脆卜卜, 仲好juicy配薄荷醬酸酸地, 好清新開胃, 正!!!筲箕灣啲炸雞$20得4嚿仔, 呢度性價比高好多~印度脆餅 (附送)似乎係印度餐廳傳統? 去邊都會送~送嘅都落足心機新鮮整~薄脆帶鹹香同胡椒味, 配薄荷醬一流~印式燴羊肉 $85估唔到有咁多肉, 仲要大大粒以前去其他餐廳先冇咁大方羊肉好腍~唔用牙都分得開~一絲絲架當然汁都好正! 印度烤餅 $12 (3大塊)這是醬汁抹布完全唔油膩~食完都可以唔抹手~泡泡位脆卜卜似克力架~薄荷馬沙拉茶 $18滿到瀉店員好好人, 臨走用廣東話講多謝, 幫我哋開門, 附送溫暖笑容為咗唔洗排隊食, 我哋未到六點就到咗~有乾淨廁所~食飽飽滿足走~