不籽是咖啡 (文豪閣)

營業中

休息中

係繁忙嘅生活裡，有時候需要一些寧靜的空間，好好沈澱一下思緒；不如搵一間舒適的Cafe、享受一杯香濃的咖啡？今日我喺油麻地一個角落搵到一間好地方✨不籽是咖啡☕️～打開餐牌、冇錯～ 佢唔止係賣咖啡，仲有多款特色嘅小食同主食～有80%肚餓😆就貪心地order一份主食+小食+飲品啦~~🦞龍蝦湯配🥑牛油果🍤大蝦稻庭烏冬賣相好鬼靚！龍蝦湯特別用一個鐵茶壺裝住一來可以保持溫度～ 👍🏻倒出嚟嘅湯熱辣辣之餘、亦唔會浸住啲烏冬令佢腍晒～ 湯底味道會偏濃，喜好濃味朋友仔應該好鍾意～其實烏冬上面嘅配料就好似一個大蝦沙律咁，有一片片牛油果、爽滑鮮蝦肉、蟹肉碎、新鮮沙律菜同紫菜～ 😄意想不到嘅係竟然同龍蝦湯烏冬出奇地夾，有驚喜又好好食！ 🐔唐揚炸雞粒大大粒雞肉～ 外脆內軟、juicy嫩滑~ 點埋至愛的蛋黃醬is a must !!☕️Mocha (Hot)喂呀😍 沖調師係咪同我有心靈相通ga? 點解知道我勁鍾意獨角馬嘅？ 喺出面見到d咖啡拉花通常都係樹葉、心心等嘅公仔，咁靚嘅獨角馬🦄我真係第一次見～ 淨係呢個心機已經攞晒分！ 😙當然杯mocha亦都香濃幼滑la～呢度環境舒適優雅，喺度坐一個下晝😎幫自己好好充下電！

之前週末去親油麻地，都會想試下「不籽是咖啡」，不過前前後後行過五次，每次都係咁多人。等位嘅人多，影相嘅人仲多🙈。臨近歲晚收爐，又或者啲人驚會無啦啦封區，所以呢日午餐時段竟然有位，可以直入！我一直以為餐廳係有兩層，但原來只係樓底高，座位數量唔算多。室內環境行簡約無印風🌿，其中有一排面向街景嘅吧枱窗口位，打卡就最適合不過。文青Cafe唔代表只係得輕食，呢度仲有提供多款主食，例如蕎麥麵、意粉同漢堡包等！食物份量仲要唔算細，比咗錢最緊要食得飽嘛😛。龍蝦湯配牛油果大蝦稻庭烏冬($128)，佢係呢度最受歡迎嘅菜式，近乎枱枱都有嗌。🦞龍蝦湯係同烏冬分開上的，咁就唔會浸淋啲麵。熱湯裝喺一個鐵壺入面，所以能夠保溫。龍蝦湯味道幾濃郁，而且更估唔到入面加咗蟹肉/蝦肉碎。稻庭烏冬份量約等如一個麵餅🍜，烏冬較扁身，掛湯效果唔錯。烏冬外有唔少餸料，包括四隻巨蝦、牛油果片、昆布同沙律菜等，算幾豐富。🦐蝦肉好巨型，爽口彈牙，食得出鮮味。🥑牛油果放湯食真係第一次，但感覺麻麻，好似唔太夾咁。另一邊廂，我唔知烏冬本身係凍定熱，雖然龍蝦湯熱辣辣，但倒咗落烏冬後就凍得好快，所以建議影完相後盡快食。味增蟹醬蟹籽蟹肉扁意粉($12

位於油麻地與佐敦交介嘅不籽是咖啡，係一間近期深受歡迎嘅文青風Cafe。餐廳位於横街角落，更特顯其神秘感。木系裝潢加上門外靚靚嘅大玻璃窗設計，極具優閒風格。門外位置打卡相信你必然吧。小店食物選擇唔多，但齋睇menu，每一款都好吸引，俾人好好味嘅感覺。龍蝦湯配牛油果大蝦稻庭烏冬之前睇過介紹，依個係小店招牌推介。自家製龍蝦湯，再配搭稻庭烏冬，牛油果、大蝦、蟹肉等等。上枱時湯同烏冬係分開嘅，小店將龍蝦湯放係靚靚嘅壺中，俾客人自己倒入烏冬。龍蝦湯湯頭鮮甜味濃郁，烏冬口感煙，大蝦爽口彈牙。整體來講好，配搭match好好味。味增蟹醬蟹籽蟹肉扁意粉依碟碟意粉係小店嘅另一招牌推介，主要材料係蟹醬、蟹籽同蟹肉，明顯係俾食客三重蟹嘅滋味。扁意粉份量好多，好抵食。將所有材料撈勻，每條扁意粉都掛滿醬汁，每一淡都充滿住蟹膏嘅香氣。難怪成為招排推介。海鹽焦糖雞翼雞翼已經預先拆成單骨，方便食客進食。雞翼炸得好脆口，面頭再淋滿海鹽焦糖醬，非常惹味。嚟得Cafe，點可以唔飲咖啡呢。小店嘅咖啡主要用埃塞俄比亞、巴西同危地馬拉等嘅咖啡豆，堅果味香濃。我同朋友點咗Dirty同熱Mocha。小店咖啡味道偏於甘苦，略為飲得甘苦味嘅

今日lunch同男朋友黎左油麻地不籽是咖啡打卡，我驚要排隊，早早11:00就黎到啦。我地叫左一個小食，兩個主食同兩杯野飲。海鹽焦糖雞翼雞翼係單骨架，可以好方便甘食，好細心。焦糖令雞翼甜甜地，雞肉亦唔會鞋。味噌蟹醬蟹籽蟹肉扁意粉蟹籽、蟹肉、蟹醬毫不吝嗇，十分足料。意粉又十分creamy，配合啖啖既蟹配料，好滿足。龍蝦湯配牛油果大蝦稻庭烏冬好igable，個壺裝住濃郁既龍蝦湯，自己倒入烏冬到。牛油果同龍蝦湯幾夾，蝦大大隻，唔錯。熱Mocha男朋友話好好飲，飲得出用左靚既咖啡豆，有陣陣花香味。熱Matcha Latte幾濃抹茶味，拉花又靚。

門面矚目，放咗兩張長木板櫈同植物，加上特色地磚，感覺好似去咗台灣cafe咁！店內裝修設計簡約舒服，木質枱櫈再配合乾花擺設同大玻璃嘅透光設計，感覺悠閒寫意！Mocha ($42)拉花精美，口感柔滑，朱古力同咖啡味道配合得好好，互相平衡，味道香濃。熱情果高山茶 ($40)賣相好夏日，味道酸酸甜甜，感覺好清新同透心涼，令人即時暑氣全消！梅子素麵($88)可以揀吉列蝦或燒鯖魚梅子素麵點咗醬汁之後食落冰涼清爽，味道好開胃。燒鯖魚肉質嫩滑，好香口，同梅子素麵一齊食味道豐富！乾炒大蝦蒜香意粉 ($108)大蝦大隻厚身，口感爽脆彈牙，意粉香口，而且一啲都唔油！唔單止環境優美，食物亦有質素，係必去嘅打卡Cafe！