Homemade Malloreddus Melanzana

與爸爸一起坐叮叮到跑馬地總站，去到一間位於源遠街街角的酒吧餐廳，玫紅色外牆、原木的餐枱、播放爵士音樂、英式classic餐凳，呢度叫做《Aedes Wine & Pasta Bar》係一間食自製手工意粉的意大利小酒館🍝小小的餐牌上共有8款意粉，其中首6款係由小酒館自製的手工意粉，全部都有特色，6款中有兩款係用薯仔做的pasta、而另外四款則是全蛋麵😋，店員更會捧着一盤手工意粉樣板，逐款介紹🫶🏻超有心思呀！原本諗住就咁食意粉好似有啲唔係好足夠，於是叫多兩款前菜同爸爸一齊分享，分別係：▪️Crispy Potato ball 香脆炸薯波波上的西西羅蝦仁他他打到起晒膠，非常有口感，薯仔波波炸到好香脆，配埋底下的酸忌廉醬，好好食😋▪️ Pumpkin Soup with Parmigiano帕瑪森南瓜湯：南瓜湯好滑好甜好濃，好正🙌🏻接下來就係揀咗兩款自製手工意粉，食完兩款手工意粉之後發現，每一份都會食到好飽啊！唔洗叫前菜都夠晒食🤣▫️ Homemade Malloreddus Melanzana（Eggplant, Burrata Cheese, Roma Tomato Sauce）用薯仔整嘅蟲蟲意粉（似食年糕）茄子布袋芝士蕃茄醬（清啲）有口感又咬口▫️ Homemade Pappardelle Bolognese（Beef, Pork, Tomato, Parmagiano）肉醬闊麵（濃啲）超香（醬汁酸酸，配埋肉碎就冇咁膩）意粉闊麵口感唔似平時食開嘅意粉（好爽口丫）小妹同爸爸都唔算話係好好酒嘅人士，無理由星期六正午就每人叫杯酒飲嘅🤓，每人叫咗杯Latte：Aedes 的Cafelatte ，雖然細細杯但咖啡味好香濃，平日人均消費約$250，就食到高質嘅手工意粉，兩個人共享一碟都好飽，一個人獨食一碟就唔建議食埋前菜🤣不過小妹選擇錯誤，揀咗兩個都係蕃茄醬做base ，如果揀另一款口味就會更食得出美味😋…查看更多

朋友極力推介，老遠都要過來一試這裡的手工意粉。好耐無搭電車了，終於有機會搭下，係幾浪漫的。餐廳環境昏暗而富有情調，菜單雖然只有兩頁，但店員會主動介紹各類意粉，感覺非常專業。這裡的手工意粉確實出色，朋友無介紹錯。Ham Croquettes with Garlic Mayonnaise $88可樂餅外層酥脆，內裡滿滿奶油煙肉碎，口感creamy，鹹香美味。Homemade Malloreddus Melanzana $148意粉呈筍螺狀，由薯仔和麵粉混合而成，口感煙韌有嚼勁。番茄醬的酸甜底味搭配濃郁的Burrata cheese，提升了creamy度。配有茄子和鮮茄，整體口感豐富，素食者也一定會喜愛。Homemade Pappardelle Bolognese $168闊條麵相當厚身，口感類似千層麵，彈牙且富有蛋香，特別好掛汁。肉醬由豬肉和安格斯牛肉混合，牛味濃郁，令人驚喜，番茄醬的酸甜味道也十分平衡，加上巴馬臣芝士的鹹香，讓人難以忘懷，非常美味。Homemade Basque Cheesecake $108巴斯克芝士蛋糕表面焦黑，內裡芝士半溶濕潤，口感綿密且芝味濃郁，實在好好食，千萬不要錯過！…查看更多

跑馬地的「Aedes Wine & Pasta Bar」被譽為手工意粉愛好者的朝聖地。餐廳主打「自家新鮮手工意粉」，以Chef-driven，結合Wine Bar 的路線。Aedes 的服務被多數食客評價「專業又有親切感」。一入座，店員會先端上一盒 Pasta Box，逐款逐粒介紹不同手工意粉的外形、原料與烹調方式。每款手工意粉都會在上桌前即煮，力求「Al dente」口感，保證每一口都有彈性與蛋香。🧀 Burrata Cheese (Datterino Tomato, Fresh Basil)前菜Burrata Cheese 是Aedes人氣招牌。外層柔軟光滑，切開瞬間奶香如瀑流般溢出，口感綿密順滑，搭配意大利Datterino小番茄，每一顆都甜美多汁，回味無窮。🍝 Homemade Pappardelle BologneseHomemade Pappardelle Bolognese(牛肉豬肉番茄寬條肉醬意粉)絕對是Aedes的鎮店之寶。手工寬意大利粉帶厚度與彈性，蛋香突出且掛汁力強，每一口都能吸附濃郁的肉醬精華。整體有點像傳統意大利牛肉lasagna，卻比一般餐廳版本更見手工獨特筋性，超高水平。🍝 Homemade Malloreddus MelanzanaMalloreddus 是薩丁島小貝殼狀意粉，加用了薯仔同麵粉製成，口感特別煙韌Q彈，比寬條麵更有嚼勁。醬汁以清新番茄、香煎茄子、鮮蕃茄燉煮。每一顆小貝殼意粉都吸滿蕃茄茄子濃縮的精華，拌入Burrata Cheese，霎時化身成超Creamy口感。即使是全素配方，味道依舊豐厚、層次細膩，非常適合素食愛好者。🥮 Homemade Basque Cheesecake巴斯克表面烤至焦糖深棕色，切開後內芯柔滑綿密、濕潤度極佳，入口是「輕盈卻又不失濃郁」的cheese感，不像紐約芝士蛋糕紮實，卻比日式芝士蛋糕多一點細緻。與三五知己share 就最開心。☕️ Cappuccino食完後，Cappuccino與巴斯克蛋糕最為匹配，為整體味覺更為昇華。Aedes 絕對是香港手工意粉最值得推介的小館之一，建議要提早預訂座位。…查看更多

近幾個月好似吹起意粉熱潮ʕっ•ᴥ•ʔっ跑馬地呢間手工意粉都成為話題店！終於𝙗𝙤𝙤𝙠到！點餐前店員會拎住意粉盤逐款介紹～全部手工製作麵款非常多 而且喺出面比較少食到 長了不少知識價錢相當親民(´ω｀*)整個體驗幾特別 難怪咁受歡迎.✿ 𝑷𝒂𝒑𝒑𝒂𝒓𝒅𝒆𝒍𝒍𝒆 𝑩𝒐𝒍𝒐𝒈𝒏𝒆𝒔𝒆 肉醬闊條麵 $168呢款係招牌(*´∀｀*)麵質厚實煙韌 好有咬口 非常掛汁 蛋香味突出 配上濃厚嘅芝士肉醬就最夾醬汁以豬牛肉煮成 肉脂味濃郁 但唔會過份油膩！.✿ 𝑴𝒂𝒍𝒍𝒐𝒓𝒆𝒅𝒅𝒖𝒔 𝑴𝒆𝒍𝒂𝒏𝒛𝒂𝒏𝒂 $148好特別嘅粒粒意粉|°з°| 有啲似貝殼粉 口感軟身雖然加左𝘽𝙪𝙧𝙧𝙖𝙩𝙖 𝙘𝙝𝙚𝙚𝙨𝙚 但醬汁以茄子蕃茄煮成所以𝙘𝙧𝙚𝙖𝙢𝙮得嚟又幾輕盈清新 素食朋友都岩喔.✿ 𝑭𝒓𝒆𝒔𝒉 𝑭𝒐𝒄𝒂𝒄𝒄𝒊𝒂 義式佛卡夏麵包 $45自家新鮮製作～表面酥脆 內裡柔軟 帶淡淡橄欖香 配上𝙨𝙤𝙪𝙧 𝙘𝙧𝙚𝙖𝙢更開胃喔.✿ 𝑯𝒂𝒎 𝑪𝒓𝒐𝒒𝒖𝒆𝒕𝒕𝒆𝒔 芝士火腿炸丸子 $88外層炸到好香脆 內餡醬料軟滑 好易食到唔停口！.✿ 𝑯𝒐𝒎𝒆𝒎𝒂𝒅𝒆 𝑮𝒆𝒍𝒂𝒕𝒐 自製意式雪糕 $48雖然好多人推介自製巴斯克蛋糕 但原來雪糕都好食朱古力味好濃郁 唔死甜 口感軟滑細緻啊…查看更多

Burrata Cheese$148Homemade Pappardelle Bolognese $168Homemade Malloreddus Melanzana$148Homemade Basque Cheesecake$108好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️2024年年尾有來過，覺得handmade 意粉🍝口感非常好，一直念念不忘。知道轉了新menu，所以又再來用餐。今次點了一份頭盤、兩碟意粉及1款甜品。Burrata Cheese 外層半軟，質地綿密。切開就流出非常順滑的cheese，充滿奶味，香味濃郁。車厘茄每粒都好鮮甜。意大利黑醋甜酸味適中。Pappardelle麵身又闊又厚，彈牙又掛汁，所以跟濃郁味道的肉醬非常襯。肉醬不會好乾身，夠juicy 又順滑，味道香濃，帶點黑椒味。加了薯仔🥔造的Malloreddus Melanzana 口感口煙韌。此碟意粉是素食。每粒意粉都吸滿茄汁🥫及茄子🍆味。加了Burrata Cheese，令整體更creamy。Basque Cheesecake 夠濕潤。不會像New York cheesecake 那麼實，也不會像日式芝士蛋糕那麼軟，口感是2者之間，有點綿密、柔軟。Cheesecake 表面烤得富焦香味。…查看更多

朋友介紹咗一間手工意粉店，經常爆滿，今次提早book位，終於食到。餐廳環境優雅，以歐陸式風格為主。Fresh Focaccia with Chive and Sour Cream麵包外皮酥脆，口感柔軟，配搭香蔥酸奶油一齊食，清香既香蔥和濃郁既酸奶油相互融合，同麵包好夾。Zucchini Croquettes with Garlic Mayonnaise用左意大利翠肉瓜同薯仔整既薯波，炸至香脆，內饀軟綿綿，配搭香蒜蛋黃醬。Homemade Pappardelle Bolognese 必點手工意粉，肉醬混合左牛肉同豬肉，醬汁用左蕃茄和巴馬臣芝士🧀，味道香濃，寬帶麵掛汁，口感彈牙。Homemade Malloreddus Melanzana麵條好似貝殼🐚咁一粒粒，口感煙靭，配搭茄子、蕃茄、芝士，味道可口。Homemade Gelato (Full milk / Madagascar Vanilla)Gelato雪糕口感幼滑，今次試左牛奶味同埋雲呢拿味，味道香濃，雲呢拿味雪糕入面見到一粒粒雲呢拿籽，值得一試。…查看更多

早排細朋友食飯嚟咗跑馬地，呢度嘅意粉絕對係我近期食過最高質嘅🍝😍 坐低冇耐店員就會逐一介紹意粉嘅選擇，有接近成10款意粉，仲有啲係出面完全冇見過嘅款式，真係超級特別！🍅Homemade Malloreddus Melanzana ($148) 呢款意粉質地係特別彈牙煙靭，我勁鍾意呢個口感😆 意粉醬用上新鮮番茄、茄子同burrata，蕃茄嘅酸甜加上burrata嘅奶香真係好夾😋🍝Homemade Pappardelle Bolognese ($168) 寬條麵真係勁闊，帶淡淡蛋香，上面掛滿肉醬，食落好開胃～🍞Fresh Focaccia ($40) 係勁有水準，麵包好鬆軟，配上Chive and Sour Cream，味道即刻更昇華👍🏻🧀Homemade Basque Cheesecake ($108) 口感綿密順滑，帶淡淡芝士味，好啱同朋友share🙌🏻🍹Merlot Red Grape Juice ($95) 好特別係用Merlot提子釀製而成，飲落就好似飲緊一杯好濃嘅提子汁🍇呢度嘅意粉真係好有水準，而且價錢非常合👍🏻 餐廳唔算好多座位，有興趣嘅話一定要預先訂位啊🙌🏻…查看更多