SONIA COFFEE

營業中

休息中

這間源自日本京都的咖啡店，本人已想光顧多時，今天終於一試，但有些失望而回。我們十二時前來，未有主食選擇。我選了牛油果三文魚炒蛋牛角包🥐，味道正常，材料也算不錯，份量足夠。唯一不可取地方是flat white的奶泡過份地熱，我同手拿杯熱到辣手。這對一家以咖啡為主打的店是不可接受。同伴的latte咖啡卻溫度適中. 看來咖啡師水準有點不穩定。至於環境方面，店內座位有些密，冷氣也有點不夠，但也有日式喫茶店的氣氛，整體來說還算可以。

🛍嘩！幾難得約到瑪姬皇后見過快面，飲杯咖啡食個Tea，熊妹發現「MOKO Mall」最新開咗呢間日系咖啡店《Sonia Coffee》，咁真係要身先士卒，先睹為快啦。📌《Sonia Coffee》位於MOKO Mall地鐵站樓層飲食區嗰邊，店舖唔算好大，望落就係一間普通嘅咖啡店，店舖細細，坐唔得好多人，所以座位都比較窄啲。📌下午兩點幾嚟到，好彩仲有一張二人枱仔，之後黎嘅人係出邊都要等位，可想而知《Sonia Coffee》都幾受歡迎喎。📌日系咖啡店主要都係賣休閒風，食啲輕食嘅食物，所以餐牌多數都係提供三文治、意粉同埋幾款甜品，當然唔少得多款沖調咖啡啦。📌麵包類有酸種麵包🥖、吐司🍞、牛角包🥐，甜品有招牌布甸同磅蛋糕🍰。牛油果煙三文魚炒蛋日式牛角包，$78📌熊妹未食晏晝，就是過嚟想同瑪姬皇后一齊食，所以就要點個飽肚啲嘅食物。嘩！冇諗過呢個牛角包係咁大一個，係巨型牛角包🥐。然後餡料好十足，有半個熟透嘅牛油果🥑，非常軟林同好香牛油果味，仲有三四大塊煙三文魚片，鹹鹹地好有煙燻味無渣，一堆熱辣辣滑嘟嘟嘅炒蛋🥚，牛角包熱烘過，咬落去仲好鬆脆，滲出淡淡嘅牛油香味，全部材料都好夾，一次過食落去真係多重口

星期五晚上6:30左右去，等左20-25分鐘到兩張檯就有，都算可以～食物選擇唔太多，有甜品set但晚市無套餐；但第一次食決定咸甜都試晒✨咖喱海鮮意粉料好多，但無咩味，個海鮮似係白烚完加埋咖喱，好分離😥😢個布甸真係全日重點，賣相精緻，口感好rich好好食😍💕咖啡揀左flat white，啡味比奶味重，幾喜歡呢個味👍 可以自己係牆上揀杯真係好有心🤪

上次嚟到前面有兩枱客排隊等緊，等咗十幾分鐘見裏邊有位但條隊唔郁，好奇問店員後知道為公平起見，店內如有兩人枱都會hold起等排頭嘅三位客人先入內用膳，所以決定下次少d人再戰。今日見毛毛雨再去碰碰運，見到冇人排隊而裏邊又有兩張兩人枱，挑戰終於成功！Cafe入面唔算多人，樓面有三位侍應都等左4-5分鐘先獲安排入座。食嘅時候見到就算有吉枱而唔需要hold枱，都有頗長嘅時間冇fill客。可能餐廳仲好新，希望將來finetune吓座位安排流程，minimize idle time。Mains 我地order左檸檬忌廉雞胸蝴蝶粉同 拿玻里意粉。檸檬忌廉雞胸蝴蝶粉個汁好特別未試過，似杰嘅雞湯加超多檸檬汁，好酸但好過癮。雞胸好貼心咁已經起左皮，有慢煮雞胸種tender嘅質感。拿玻里意粉好番茄，腸仔同芝士粉味道好出。亮點在於追加嘅甜品！萬眾期待嘅忌廉疏乎厘真係好滑好好味，富空氣口感，連creme同焦糖一齊食簡直無得輸！外型勁cute，一路食一路震騰騰，有d似細個成日食嘅雞蛋布丁～疏乎厘芝士蛋糕入口即散發著濃厚嘅芝士味，有d似日式芝士蛋糕，比較濕潤。仲有靚靚Rose latte 同Flat white！Me