Croquette

今日又去長沙灣，搵隱世靚靚高質餐廳😋 搵到依間力推西班牙菜嘅小店😘 裡面裝修充滿異國風情，特別設計嘅磚飾、壁畫都非常吸引❤️ 餐廳設有普通座和吧枱座，切合唔同客人需要✅ 小食🐧🐧 㨂咗餐廳推薦嘅Chorizo Tortilla 👍 由香濃嘅蛋餅配上辣肉腸和手指餅製成😚 蛋餅鹹香濃厚，配辛香嘅辣肉腸更添惹味😋另選了三款邪惡嘅Croquette😈❤️ 分別係松露蘑菇、蟹肉同埋墨汁魷魚口味🤩 職員更貼心提供進食順序建議，確保最佳味道享受😚 全部可樂餅都係即點即炸，油香滿溢，酥脆又惹味😋 主食㨂咗西班牙菜必食嘅西班牙海鮮飯🥰 海鮮飯超級大盤，香噴噴熱辣辣上枱😍 上面舖滿新鮮海鮮，包括海蝦、青口、蜆肉，全部肥美又飽滿，食落鮮嫩多汁，海鮮嘅甘香浸透海鮮飯內，食落啖啖都極正🤭 甜品同樣㨂咗必食嘅Churros😍 油炸鬼炸得又酥又脆，沾上醇香嘅朱古力醬，入口甜美又甘香😚 跟churros 附有香草雪糕，冰涼香滑嘅雪糕與溫熱嘅churros 形成冰火交融嘅口感🤤 超刺激🤣 飲品㨂咗西班牙出名嘅Sangria 😘 由餐廳親自調製，非常有誠意❤️ 飲落酒香濃而不嗆，加上水果嘅甘甜滋味，清甜開胃好啱女仔飲🫶 🐧🐧 buddy 㨂咗杯Mocktail Eclipse✅ 由黑加侖子、橙汁同埋梳打調製而成，入口清新又爽口，配炸物超解膩👍 …查看更多

Bookmark 咗呢間西班牙餐廳好耐，又有朋友生日就帶咗佢去慶祝同試下🎂🎉餐廳入面座位唔多，所以大家去之前記得要訂定位呀！餐廳牆壁用咗好多塊富有西班牙風味嘅特色磚，好有feel~🥰Sangria $68天氣實在太熱啦，去到餐廳第一步咩都唔洗講，就即刻叫咗佢最特色嘅Sangria 解解渴先😍味道好fresh 同好有果香味，爽😌💦Mushroom Croquette $19Crab Croquetas $19Squid Croquette $19見佢有3 款可樂餅，我哋就每隻味叫咗一舊share。上枱嘅時候，員工都好好咁同我哋講話一開始要食咗蘑菇先，跟住食蟹，最尾先食墨魚，可樂餅炸得啱啱好，出面唔會太乾，入面個餡仲係好濕潤，我哋食完之後都一致認同Crab Croquetas 係最好食，必叫呀！🤤Gambas al Ajillo $108嚟到西班牙餐廳又點可以唔嗌最有特色嘅蒜油蝦，蒜同蝦簡直係perfect match, 配一條條嘅法包包皮點埋油去食，冇得輸🥹Octopus a la Gallega $168見到餐廳mark 咗廚師推介，就叫嚟試下，點知真係好有驚喜❤️上面嘅八爪魚煮得好淋，配埋調味粉同香滑薯蓉，好出色！👍🏻Paellas Seafood $258西班牙炒飯上面啲海鮮好新鮮，下面嘅炒飯底吸哂啲海鮮汁，啖啖大滿足🥰Churros $78事先係openrice mark 左係慶生，所以店員上枱個時幫我地用朱古力寫咗Happy Birthday 落隻碟度🫶🏻呢度嘅Churros 果然名不虛傳，外脆內軟再加埋每一條嘅表面有滿滿嘅肉桂粉，點埋側邊嘅雲呢拿雪糕同朱古力醬，一冷一熱，冰火交融，嚟到一定要嗌呀🥹🥹❤️Overall 對呢間小店好滿意，而且店員全部都好nice 好friendly知道我有個friend 黎m 即刻主動俾杯暖水佢，好warm🫶🏻 會再幫襯❤️…查看更多

朋友帶我去專門吃西班牙菜的餐廳小店滿座 好彩唔駛等好耐餐廳裝修好有地中海風 好有氣氛 員工好熱情友善咁介紹中途仲有個廚師走出店面同客人傾計哩種互動及交流 好有似去咗外國咁嘅感覺叫咗兩款可樂餅 細細粒好Q＝Mushroom Croquette＝松露蘑菇可樂餅外表炸得非常脆 外脆內軟食落松露的味道非常濃郁＝Squid Croquette＝墨汁魷魚可樂餅墨魚汁味超濃 兩款味係好唔同嘅風格有一粒粒墨魚 好有咬口醬汁酸甜減膩＝Tuna Tomato Salad＝吞拿魚漬 沙律仲有很多唔同嘅配料無花果 蕃茄 西瓜 橙 洋蔥同一粒粒嘅松子層加口感味道清新 酸酸甜甜 非常開胃＝Padron Peppers＝炸小青椒好得意 原來係西班牙小食炸得外皮脆口 少少鹹 不辣＝Hanger-steak＝絕對係好驚喜嘅一個菜Steak係剛剛好medium rare 牛味好濃 口感很腍很嫩滑醬汁味道不會太濃烈但好夾 有提升牛肉的味道同層次最初以為下面係薯蓉 其實係豆蓉嚟豆味幾香＝Paellas. Seafood＝即叫即整 用鑊上盤 一上菜撲鼻嘅香味飯係薄薄一層咁鋪喺鍋底 比較乾身 做到好似飯焦有焦香咁嘅感覺 所以好煙韌 米吸收海鮮湯精華 每一啖都好惹味有大蝦 青口 蜆 海鮮亦新鮮鮮甜＝Sangria＝＝Damm Lemon＝有好多特色西班牙酒檸檬風味的啤酒 淡淡檸檬的清香酒精濃度唔高 好易入口好清純配濃味既西班牙菜 好fresh…查看更多

呢日行咗去長沙灣同朋友午餐飯聚，佢知道福榮街嗰邊開咗間🇪🇸西班牙餐廳「La Barra Tapas Spanish Restaurant」，於是佢就訂定枱同我撐枱腳。小店確實位置其實喺福榮街同昌華街交界，橙色嘅門面幾突出，而內裡面積雖然唔大，不過裝修就有花上心思，牆磚嘅民族風花紋好鬼靚😍。餐廳有提供午市套餐🍽，包括前菜、主菜、甜品同飲品，主菜則有三款選擇，定價由$158至$188不等，價錢喺呢區來講算偏貴呢。Fresh Salmon Fideo($158)，店員喺三款午餐之中最為推介三文魚👍，佢話因為來貨新鮮，並且建議我哋試吓地道西班牙短麵條Fideo。雖然我唔係第一次食，不過喺香港有得食確係好難得。Fideo有啲似粉絲，加上拎去焗，所以帶點燒焦嘅口感，幾特別。由於麵條係短身，有機會令人以為廚師整到碎濕濕，但事實非也非也😉。主角三文魚柳長長一條🐟，煎得幾香口，而且魚脂滿滿，食落嫩滑多汁。魚香味配合埋特式香葉滲透於麵條之中，堅係惹味嘅。Grilled Spanish Spring Chicken with Asparagus($188)，其實春雞何謂西班牙式整法我就真係唔知🙈，不過敢講佢係色香味俱全。🐓春雞好的骰，肉質唔嚡，但就唔算厚肉。雞皮帶有香草味，烤得幾香脆。伴旁有清爽蘆筍絲同薯粒，本身以為後者係普通料，誰不知內有乾坤！🥔四方薯粒係千層方塊，薯仔經切成薄片後再混入雞蛋粉漿，然後逐塊疊起拎去焗製。如此複雜嘅製法能夠令薯仔昇華。Grilled Calamari，跟餐前菜有兩款，我哋兩款都要晒。🦑燒魷魚圈望落好似好乾身，不過食落感覺脆香，而且亦唔熱氣。伴旁有個秘製蒜蓉沙律醬蘸嚟食，微微酸，幾開胃。Anchovy Salad，🥗沙律造型好有驚喜，以一塊生菜裝住醋醃鯷魚、芝士、生洋蔥絲、鷹嘴豆、蕃茄粒、麵包糠、橙肉同三色椒等，整體味道層次豐富，亦為一貫乏味嘅沙律帶嚟新形象。Mushroom Croquette & Squid Croquette($15/粒Each)，餐廳賣嘅可樂餅好抵食😍，$15一粒，有兩款口味。重點其實係好多人都唔太鍾意食炸物，如果一定要幾粒一客咁嗌，我就無興趣了。相反，呢度可以逐粒嗌就吸引好多。長身同黑色餡嗰粒係魷魚味，圓身配橙色醬嗰粒就係松露蘑菇味🍄。兩款味道各有千秋，但共通點係中間個餡味道好濃郁。磨菇香味樸鼻，另一粒則充滿濃黑墨汁，散發淡淡魷魚鮮香🖤。午餐甜品係餐廳自家製嘅意大利雪糕Italian Gelato🍨，雪糕質感細滑，並無雪到過份冰凍。雲呢拿味道有啲似M字頭嗰隻牌子，幾好食。飲品方面，除咗紅白酒同Sangria之外，其他都唔使加錢。店員推介飲Cava，佢話呢款係類似香檳嘅西班牙汽酒🥂。佢係白酒底，酒味亦較濃。Hazelnut Latte，朋友飲凍榛子牛奶咖啡☕️，榛子味好香，聞落甜甜的，飲落甜度澀度適中。由於落咗牛奶，口感順滑。總括嚟講，估唔到長沙灣竟然有正宗西班牙餐廳😜，食物質素優秀，環境服務令人滿意，我認為係顧客回頭率高嘅餐廳！我想下次晚市嚟食，咁就可以試多啲佢嘅Tapas喇。…查看更多