FRITES Belgium on Tap (已搬遷) 新店位置

6時已到達，飲埋Happy hour,早些食，早些走，以妨無地鐵!帶你進入歐州古堡，哈里波特長枱櫈，開餐!三文魚tartare，上枱像罐頭圓柱體午餐肉倒出樣，當然這個靚的，香葉碎，洋葱碎，加蛋黃醬汁， 灑檸檬汁，放蝦餅青瓜片同食，脆爽夾魚鮮，新鮮配搭 。蟹肉牛油果塔，牛油果迷一定要食，賣相又係罐頭午餐肉形，分三層，顏色溝得唔錯，上層粉紅蟹肉，中層白汁蔬菜，低層綠油牛油果，一見口水流，算我舌愚，溝埋一齊食，唔睇餐牌都不知乜醬汁，睇咗都唔知，總之就好味！白酒青口，普通貨，雖甜，但唔夠鮮，有些韌，湯及味道算合格，但有點失望，比利時出名藍青口，點解唔係此種貨式，寧願質高量少！比利時豬手，索索先，好香，脆口，皮咬落有咯咯聲，份量足，肉嫩彈口，有汁，咸香，肥肉不多，比之前食的2間的比利時餐廳的豬手更好，估唔到更好，墊底焗薯仔紅蘿蔔，新鲜，顏色鮮明，美味！脆皮豬手，當然要配啤酒，猶其是比利時啤酒，叫幾支，一熱一冷，消魂與豪情衝擊！係咁的時勢，都坐滿人，人聲鼎沸， 觥籌交錯，將進酒，杯莫停！

Frites Belgium on Tap 在香港有多間分店，之前到訪過銅鑼灣店，食後評價理想。今回再訪中環店，期待再有滿足的一晚。兩店比較，裝潢上大同小異，兩者均帶有復古風。前者用餐區長方四正，後者呈 L 型，個別位置自成一角可作派對之用，更留有兒童天地親子同樂。 以沙律作頭盤難免欠缺一份新鮮感，相反以 Crab Tian 作前菜，除能保持沙律菜式的開胃優勢外，更有豐盛的味覺刺激。清甜的蟹肉，綿滑的牛油果，及酸爽的菜絲，構建三重享受，配合脆香牛油多士同吃，更是四喜臨門。熱盤 Aubergines Au Parmigiana 是另一道開胃小吃。茄子本是吸汁上味之物，配以茄味酸香的 Provencale 汁味道更上一層樓。在每片茄子之上是一層半溶起絲的 Parmesan 及 Mozzarella 芝士，質感誘人。青口是比利時菜的名物，亦是 Frites 的代表作之一。上回品評了原味青口，今趟試試新口味，要了一鍋 Laksa Mussel Pot。青口選材是平日常見且較大隻的品種，秋冬時節份外肉厚肥美，更令人驚喜的位置是其嫩度，細嫩非凡，絶不比小藍貝遜色。叻沙本已是筆者喜愛的醬汁，配上

晌香港，比利時菜算唔算冷門呢？大家對比利時菜又有幾多認識呢？以小弟而言，佢真喺比較冷門，睇番自己咁耐嘅食評就知，唔計比利時窩夫及朱古力，食過嘅比利時菜可謂一隻手指（唔喺一隻手）都數得晒，今晚，就同朋友嚟到中環嘅Frites作出零的突破。原來一出電梯就喺餐廳，餐廳呈長形，地方頗大，樓底夠高，仲有多組露台酒吧位，非常適合「歡樂時光」嚟飲幾杯，傾吓偈。而裝修極有古典味，木製枱櫈，古典天花燈，加上侍應都喺外國人，食客都以外國人偏多，外語橫飛，氣氛輕鬆自在，真讓人有少少錯覺以為身處外地。順帶一提，枱上嘅餐巾、餐具都做到一絲不苟，尤其套餐具，精緻而好有手感。枱上成組醬料架，俾你隨意運用。侍應亦好有禮貌、勤快，適時換上新碟。唯一挑剔喺上菜太快，轉眼上齊晒前菜、青口及主菜，可以慢番啲就更好。餐枱紙就喺主餐牌，不過，由於燈光比較昏暗，餐枱紙又用上稍淺嘅淺啡色，所以，對某啲客人可能睇得辛苦啲，故可以改善一下。此外，燈光實在極暗，影相實在唔容易，小弟有唔少相都鬆郁懞，請見諒。而主餐牌食物嘅分類為頭盤、伴菜、招牌青口鍋、Frites素食之選、Frites健康之選及主菜。此外，還有一個酒餐牌，因為同朋友都唔好酒