Casamigos

餐廳有室內同外，個露台仔係星空頂幾靚，不過當日有公司包場活動，所以就唔方便影相喇🫢侍應詳細介紹唔同既菜式同埋飲品，今時今日咁既服務態度幾難得☺️▪️ 牛他他脆筒（7/10）💲75賣相精緻，有個脆身既雪糕筒，裝住軟滑牛肉他他，當中黑椒同埋醬油調味突出，如果可以輕手返啲會更好🐮▪️ 三文魚魔鬼蛋酥盒（7/10）💲98酥皮盒鬆脆富有牛油香，煙三文魚加上碎蛋沙律，完全唔會有油膩感🥚▪️ 香脆甜辣煎蟹餅（6.5/10）💲128蟹餅感覺綿密，入口有點濕同埋粉身，當中會有一絲絲既蟹肉，味道比預期中辣🌶️▪️ 蠔仔蛋餅配芫荽蛋黃醬（7.5/10）💲130西班牙蛋餅平時都食得多，呢次就試下一款Fusion啲既🫣蠔仔大粒鮮甜，雖然係有少少出水，連同蛋汁會比較濕，不過味道唔錯，加上炸過既牛蒡、軟腍既薯仔片、大量香口既芫荽、蛋黃醬，配搭幾有特色😛▪️ 薑味橙香橡果黑毛豬鞍架（7/10）💲238豬鞍厚身得黎都幾軟嫩，但肉味比較淡，沾上薑橙味既醬汁，配菜有薯角、蘆荀、炸到脆口既羽衣甘藍🥬▪️ 紅絲絨油條配士多啤梨朱古力醬（7.5/10）💲88紅絲絨油條粗實，灑滿肉桂糖粉，亮點絕對係佢個士多啤梨醬，酸酸甜甜好醒胃🍓▪️ Casa Fever（6.5/10）💲168呢杯係餐廳皇牌Cocktail之一，有大半個橙係面，橙肉非常鮮甜，加上雜莓同埋Tequila打造成既沙冰底，容易入口好重果香🍊▪️ Lychee Cooler（6.5/10）💲88呢杯Mocktail入面有唔少既荔枝果肉，飲落有淡淡荔枝香，加上蘋果同薄荷幾清新🌿🔎 整體評分（7/10）…查看更多

三文魚酥盒 $98煙燻三文魚配鬆脆既酥皮，冇油膩既感覺。香脆甜椒煎蟹餅 $128外脆內軟，有滿滿既蟹肉。蒜蓉白酒汁煮蜆 $110好多蒜蓉，但冇搶左酒味同鮮甜。薑味橙香橡果黑毛豬鞍架 $238肉味幾濃郁，口感嫩口同厚身，搭配薯條同炸菜，炸菜幾特別，脆口，口感好似紫菜咁。松露薄燒牛西冷沙律 $128西冷薄燒，岩岩好，松露味幾香。紅絲絨油條配士多啤梨朱古力醬 $88西班牙式油條，油條味道淡淡的，灑上糖粉，配士多啤梨朱古力醬，甜度剛剛好，唔會太甜。Casa Fever $168店家調製既tequila，果香幾重，容易入口。Marry Berries $98好濃莓味既沙汁，酸酸甜甜。店內氣氛好好，岩哂同朋友或情人飲酒食飯傾計。…查看更多

餐廳位於十分方便的駱克駅，裝修華麗，燈光喑喑特別有氣氛情調，它亦提供室外坐位，喜歡室外進餐的朋友一定喜歡。餐廳的名字Casamigo，是由Casa同Amigo組合而成，西班牙文Casa指家，而Amigo指朋友，這裏餐廳就是朋友相聚的地方，名字改得非常好。餐廳主打西班牙菜，餐牌提供十多款Tapas，主菜亦有五款，每道菜式都是精心打造，小編當日進餐遇見餐廳老闆，老闆亦為客人介紹食物，希望客人食得開心之餘亦可以知多一些食物背後的冷知識，盡心盡力，小編非常欣賞。🌹醋潰鯷魚配酸瓜莎莎鯷魚，又叫鳳尾魚，在西班牙有較小的黑色鳳尾魚和較大的白鳳尾魚兩種，黑色的那種比較咸，通常會在pizza上找到；白色那種味道比較溫和，通常保存在橄欖油中，作為小吃食用。這道菜用上白鳳尾魚，因為已經醋潰，本身有一定味道，但會比較油膩，配上麵包多士可以減低油膩感，廚師還用切碎的蕃茄、洋蔥與酸青瓜混在一起做成配菜，味道更進一步平衡，非常欣賞廚師的想法。🌹椰香帶子八爪魚刺身薄片這道用上叫Ceviche的煮法，Ceviche是拉丁美洲的烹調方法，特別在煮海鮮時經常用到，主要靠青檸或者檸檬汁的強烈酸度來醃製魚肉，同時亦會加入香草、洋葱與辣椒等配料增加風味，有殺菌消毒之餘，也可為海鮮僻腥提鮮。這道菜特別之處是用椰香泡沫，除了增加香味，亦可以為這道菜的八爪魚與帶子增加少量甜味，有一點fusion味道。廚師順便將椰子作為配菜，做法特別，輕輕炸將它變成金黃色，賣相非常吸引，令整道菜增色不少。🌹酥炸火腿忌廉球西班牙另一道經典小吃菜，叫 croquetas，它是一種油炸麵包屑的球，球裡面會塞滿了白醬（Béchamel醬）和肉，奶酪或蔬菜。這道菜裡面放的是Iberico火腿，咸咸香香加上香脆的表面，每一口都令味蕾享受沖激。🌹西班牙辣椒仔西班牙帕德龍辣椒（Padrón pepper）因產地而得名，帕德龍市位於西班牙西北部加利西亞省。這道菜是西班牙經典的餐前或佐酒小吃，搭配粗海鹽用橄欖油煎，做法簡單但卻回味無窮。🌹薑味橙香燒黑毛豬肩扒來西班牙餐廳點黑毛豬好像是指定動作，這道菜用上豬肩部位，肉質會多一點韌度會比較彈牙，而燒烤之後肉扒表面香脆但內裏仍然多汁，每一口都是味蕾的享受，而醬汁是薑同橙的混合，有橙的清新感覺亦有薑那種刺激感覺，令色香味推到頂峰。不能不提的是配菜，是小編最愛的羽衣甘藍，入口第一感覺是脆，葉都能是脆是因為油炸之後再用氣炸補上，連配菜都一絲不苟，整道菜是高水準製作。🌹Casa feverBlood orange with Casamigos Tequila🌹Crazy ladyTanqueray Gin with Mix Berries…查看更多

好久之前食過西班牙乳豬，點知咸到腎炎自此就對所有餐廳嘅乳豬表示心淡近日有位成日有好介紹話乳豬唔錯我又忘記受過傷害走去食啦！🐙椰香帶子八爪魚刺身薄片呢個刺身夠晒輕盈，八爪魚唔韌，帶子夠甜好彰後，冷盤開胃菜幾清新🐥酥炸雞翼 雞翼周圍都會食到，醃料唔同就會影響個味道，因為店員推介呢款雞翼比較特別，就叫咗嚟試試，醃料同坊間食到嘅非常唔同！外皮好似蠔餅果種酥脆，真係不得了～🦐香辣蒜油大蝦餐廳會每日入口唔同嘅海鮮，青口、沙白、蝦等等都係即日到店，保證一定新鮮，蝦肉非常彈牙，蒜油加埋蝦嘅鮮味，蘸上麵包完全唔膩！食完都有蝦味餘香🥰🐖 香脆乳豬乳豬真係令我刮目相看，皮夠薄又夠脆，脂肪烤到少少溶化，食落皮酥肉嫩，每一啖肉都充滿油香，再配上法國肝菌醬汁令味道更有層次，肝菌味道更顯矜貴🍝 辣肉腸忌廉蕃茄扁意粉 蕃茄意粉好似好平凡，配料Chorizo好有誠意，肉、鹽、香料和肥肉脂肪的味道平衡得相當好！令成碟意粉都變得與別不同!飲品兩杯都相當唔錯，清新易入口唔重酒味，Tiramisu Brew重𝖡𝖺𝗂𝗅𝖾𝗒𝗌味，啱晒女仔飲值得一提嘅係服務嘅店員相當熟悉每一道菜，而且對自己餐廳嘅出唔非常有信心，講起招牌菜，睇到佢面上有光芒✨真係好欣賞佢嘅服務態度，食完呢一餐，我亦明白原來佢地嘅出品，真心會令餐廳每一位感到驕傲🦚今日order 📝1）香脆乳豬 $398.00 （1/4）2）辣肉腸忌廉蕃茄扁意粉 $138.003）酥炸雞翼 $58.00 （3pc)4）椰香帶子八爪魚刺身薄片 $108.005）香辣蒜油大蝦 $128.006）Casa Fever $168.00 Tiramisu Brew $148.00…查看更多