上海婆婆336 (iSQUARE國際廣場)

聽講上海婆婆336出咗新菜式，今晚特別重來諗住試返一兩個新菜。餐廳位尖沙咀市中心熱鬧地段，店面布置簡約舒適，牆上掛有一些上海特色裝飾，展現了上海風情。每次必點鎮江小排骨（$78）、四小拼（$128）小竹荀新鮮爽脆，肴肉晶瑩剔透、烤麩帶有點煙燻味、小排骨糖醋入味，酸甜適中。家常豆腐（$78）可以揀辣度，我揀小辣剛好是想要的口味，豆腐嫩滑，十分下飯。蔥爆牛肉（$98）的牛肉質地軟嫩，蒜蔥爆香，回味無窮。上海粗炒（$88）麵條軟硬適中，配料搭配得恰到好處，口感層次豐富。酸辣湯雲吞(5隻$68）、336上海小籠包(4隻$46）份量剛好，餡料飽滿多汁，皮薄而不易破裂。蝦籽豆腐面筋煲（$80）是新菜式，主材料口感偏減，反而凸顯到蝦籽個味道，面筋不同以往食開那款，比較似魚腐，配上入味的豆腐，是一道別具特色的好菜。…查看更多

餐廳座位十足 有大圓枱、方枱 啱晒一大班朋友或者屋企人一齊食飯！🔸上海小籠包(4隻) $46上枱熱辣辣♨️ 每一粒都皮薄多汁 肉餡肥瘦適中 食落滿口湯汁🤩🔸婆婆擔擔麵 $65擔擔麵可以選擇辣度 肉碎份量十足 湯底花生味濃郁🥜 每條麵條掛滿湯汁 可惜麵質稍為偏淋🔸乾斒四季豆 $78走過油嘅四季豆 配上鹹香肉碎 食落惹味🔸婆婆生煎包 $46一咬啲汁噴哂出嚟 底部煎至香脆 但皮較厚同偏油🔸黒酢排骨 $88排骨肉質紮實 酸酸甜甜嘅醬汁 識落零舍開胃！如果再酸啲 更加啱我口味🔸雪糕黑糖冰粉 $38冰粉係傳統上海甜品 質感滑嘟嘟似啫喱；雪糕有兩個口味選擇 特登揀咗比較特別嘅玄米茶味🍧 質感creamy 甜度啱啱好…查看更多

我諗都冇乜人未食過上海婆婆🙂，有日喺尖沙咀想搵間企理又好坐🤔嘅餐廳食飯，一於揀isquare嘅上海婆婆336😃。唔想煩一於食商務四人餐🫂🫂，價錢690蚊都幾抵🤫！頭盤四小拼有小排骨、烤麩、肴肉同竹荀。烤麩甜甜地而且好煙韌，係好開胃嘅前菜☺️！肴肉夏天食就爽曬😆，冰涼好似啫哩咁但係又有肉味。上海小籠包🥇水準有保證，皮薄餡靚多汁，絕對有上海水準🏆！砂鍋雲吞雞湯底濃香🐔，雞肉又唔會好柴，煮得啱啱好！菜肉雲吞就粒粒好飽滿，令人好鬼滿足♥️！野生椒牛仔肉睇落唔大碟，牛肉🥩非常多。韶山剁椒魚片食到魚嘅香滑又食到剁椒嘅香辣🔥。宮保雞丁唔辣嘅，適合香港人口味送飯一流🍚。最終仲有一個必食嘅豆沙鍋餅！當時都食到差唔多九點，個鍋餅仍然係新鮮出爐🍽️，好有誠意🎖️！外脆內軟為呢一餐飯或上完美句號🎊！上海婆婆336呢啲抵食又好味嘅餐廳，大家就留港消費多多支持啦👏！…查看更多

Happy Friday放工同老公去咗尖沙咀行街經過上海婆婆336，餐廳面積頗大間，裝修有點懷舊色彩，座位闊落見咁多人食，我哋就試吓啦！用手機掃QR code落單我哋點咗：🥢 336上海小籠包 $46/4隻食上海菜必點小籠包！新鮮蒸起熱辣辣，肉質嫩滑，湯汁鮮味，蘸上浙江醋更加好食！🥢 上海酸辣湯（位）$48有豬肉絲、木耳絲、蛋花，唔會好杰，又唔會好稀，味道很不錯👍🏻🥢 話梅花雕醉雞$98這個是涼菜，雞肉好滑，花雕味好出，仲有啲杞子，整體幾好食，份量不少🥢 黑醋排骨$88酸酸甜甜嘅黑醋排骨，仍然保留到肉質嘅鮮味🥢 迷你饅頭 $18/3隻可以選擇蒸/炸，伴有煉奶🥢 高力豆沙 $58/4件這個是我很喜愛嘅上海甜品，不過唔係度度有得食，呢度整得幾好食，夠鬆軟，入面有少少豆沙，唔會好甜另加茶錢$12/位…查看更多

這間老字號中菜館位於尖沙咀，主打滬菜，提供多款正宗地道的上海料理。店內環境寬敞舒適，中式裝修充滿時尚感，設有卡位具備私隱度。全家歡聚套餐 - $698/四位三小拼(青瓜，烤夫，小排骨)涼伴青瓜鮮甜爽嫩；烤麩有著多氣孔有點像海綿，鬆軟有彈性；小排骨肥而不膩，香軟不柴。336上海小籠包外皮厚薄適中兼透光，肉餡內有點點肥肉，有層次之餘，有油脂甘香，肉味好鮮甜不鬆散，湯汁恰到好處。砂鍋雲吞雞長時間熬製的雞湯鮮甜不膩，半隻肥雞燉得鬆軟，雞肉嫩滑不柴好鮮味，更有六粒圓潤的雲吞，包裹著滿滿的鮮豬肉餡。咸檸檬扒鴨(半隻)半隻肥美飽滿的鴨肉香脆有肉感，連鴨胸肉片也軟嫩不柴，鴨皮充滿著脂香，再淋上甜甜酸酸的咸檸檬醬，增添獨特的清香味。魚湯蒜子BB小棠菜熬製的足料鮮魚湯帶淡淡的蒜頭香，使清脆的小棠菜更鮮味。火龍果櫻花蝦炒飯粒粒分明的炒飯被火龍果染上鮮艷的紅色，有少許軟綿的火龍果肉及爽脆的火龍果籽，更有鹹香的櫻花蝦提味，果味清新有層次。高力豆沙新鮮即製熱呼呼的，外層雪綿鬆軟，撒滿香甜的砂糖，咬開綿密的豆沙餡，甜度適中。…查看更多

行完街係尖沙咀附近搵野食鐘意上海菜嘅媽媽揀左呢間上海婆婆336呢度鋪位大 地方闊落卡位坐得好舒服👍食完仲可以慢慢傾下計添 油炆小竹筍 $58先黎個冷盤 第一次食呢道菜小竹筍好嫩 咬落爽口冇渣味道鹹鹹甜甜 幾好食喎 336上海小籠包(4隻) $46小籠包一定要趁熱食皮夠薄 要好小心咁夾😆入面包住鮮美嘅湯汁同肉餡 砂鍋雲吞雞(例) $198好清嘅雞湯味 淺淺一層金黃色雞油好香飲一啖熱湯 身心都被療癒🥰雞肉好鬆軟 鮮肉雲吞飽滿有6大粒一鍋有齊雲吞、肉、菜真係好滿足 婆婆擔擔麵 $62揀左小辣 辣度啱啱好😌麻醬味濃 花生碎 芝麻 豬肉碎 都炒到好香😍細滑嘅麵條裏滿湯汁 超正…查看更多

星期日和老公到尖沙咀上海婆婆336吃上海菜。在人流不多的iSquare竟然很多客人光顧，吃完就明白為什麼了，真的高水準。上海小籠包小籠包皮夠薄，湯汁夠多而且不會過鹹，是出色的小籠包。紅油抄手六粒都很飽滿，調味也好，好吃。婆婆擔擔麵湯底很濃郁，花生醬和辣味融合得很和諧，麵條又很掛汁滑溜，是我們心目中第一名的擔擔麵。叄叄陸酸菜魚魚肉滑嫩，配料比魚多，有酸菜、蓮藕、馬鈴薯片、黑木耳、木著粉等等。豆沙鍋餅餅皮很脆，包著甜甜的豆沙，豆沙很綿密，作為甜品很讚。…查看更多

·小籠包稱得上皮薄餡靚，一咬汁即爆出，是必叫之選。·麻辣雞絲粉皮名符其實地辣得過癮，一絲絲青瓜及雞絲帶來清新和口感。·336酸菜魚魚肉片鮮嫩香滑，湯底味道濃厚，選了少辣，酸度恰到好處。但若嫌配料稍微偏少，曲薯粉沒有傳統酸菜魚配搭的寛粉耐放，偏軟身。·紅糖糍粑這款看似簡單但內有乾坤，一咬就溢出熱騰騰的紅糖漿，非常有驚喜。…查看更多

上海婆婆336位於尖沙嘴Isquare，餐廳好大間，有好多座位，坐梳化位又大張又舒服。話梅車釐茄蕃茄同話梅一齊係道非常好既前菜，酸酸甜甜好醒胃。鎮江肴肉肉厚豐滿，一啲都唔肥膩。上海小籠包熱辣辣，入口爆汁，非常好味。黑醋排骨醋醬汁好入味，微酸，味道唔錯。砂鍋雲吞雞每粒雲吞都好大粒，雞肉非常之嫩滑，小棠菜鮮甜,個湯幾好飲。柚子蝦球香濃柚子味，酸酸甜甜非常開胃，蝦球大隻，肉質彈牙。蜜汁火方將金華火腿(用冰糖蜂蜜桂花蒸煮而成)、薄脆和青瓜片放落麵包夾埋一齊食，入口好有層次感，非常惹味。雪糕高力高力豆沙外表不會過於鬆軟，食落唔會太甜。雪糕係抹茶和黑芝麻兩種味道。…查看更多

小籠包癮又發作了(๑¯◡¯๑) 所以即刻去 #上海婆婆 止止癮 𝚒𝚂𝚚𝚞𝚊𝚛𝚎店環境闊落 員工服務亦好快手 食物質素都不錯～.♡ 336上海小籠包招牌唔會出錯(´∀`)非常多汁！外表唔厚 肉餡亦唔會太淋 一咬d湯汁就飛奔出黎 幾有鮮味🥰.♡ 鎮江肴肉賣相精緻 好似一粒粒啫喱咁夾雜豬肉 口感實淨 味道較清淡唔肥膩 蘸醋食都幾開胃～.♡ 酸菜魚酸菜同魚嘅份量都足🍲兩個人食夠哂豐盛食落湯底唔油膩亦唔算重味精 魚肉滑嫩新鮮🐬仲有薯粉鋪底～吸收哂湯底精華 夠入味.♡ 雪糕高力豆沙高力豆沙就食得多 加雪糕真係第一次🍨有少許冰火交融嘅效果 但感覺雪糕令到外層無咁脆同熱 兩樣野分返開可能更好(´Ｏ`) .♡ (◍•ᴗ•◍) ♡…查看更多

好耐無食上海菜，今次經過Isquare見到上海婆婆336，就同媽咪一齊食返餐中菜。<鎮江肴肉> $72外層啫喱入口即溶，一層豬皮、一層蹄肉，啫喱原來喺上湯豬皮膠，吃時蘸少少鎮江黑醋就可以平衡豬肉的膩，開胃小食。<336上海小籠包> $38小籠包皮薄彈牙，輕輕咬穿外皮更會食到入面湯汁，鮮味十足。<鬼馬酸菜魚> $193酸菜魚湯底濃厚，酸味同埋麻味都好出，魚片滑身，配菜萵筍、薯仔、薯粉、酸菜等都好入味。兩條油炸鬼，食落香口，外脆內糯。<雪糕高力> (2粒) $38食上海菜每次都好鍾意點高力豆沙。今次呢個比較特別，喺雪糕x高力既fusion甜品。揀咗芝麻味，豆沙芝麻味好夾!!!中間夾住雪糕同埋豆沙餡，柔軟如綿，香嫩細滑。…查看更多

一家三口加個姨仔去尖沙咀太空館參觀，個仔覺得樣樣都好新奇，逗留咗好耐，又到晚飯時間，行返去isquare搵嘢食，見到呢間上海婆婆，又好耐冇食上海菜，於是上六樓試試！首先職員好有禮貌同耐性，已經要加分！“話梅車厘茄”頭盤先上呢個開胃小食，唔食猶自可，一食食到唔停得口，酸酸甜甜特別好食！“鎮江肴肉”外面有D會整得好硬身，呢度唔會，唔太覺得油膩感，唔錯！“小籠包”皮薄餡靚，湯汁豐富，建議稍為攤一攤凍先食，費事辣親個咀，我就係😂！“蜜汁火方”第一次食呢道菜，上網睇吓原來係用靚嘅金華火腿，用冰糖水、蜂蜜反覆數次浸蒸數小時之久。仲有蓮子、松仁及糖桂花等材料炮製而成，用麵皮包住火腿，薄脆一齊食，好食到唔識形容，一定要推介！“柚子蝦球”連我個仔咁咀刁都要連食兩隻，可能柚子味道令佢好開胃，蝦肉又彈牙！“黑醋排骨”又嚟一個惹味菜式，相信如果送飯會令人食多碗！“砂鍋雲吞雞”食雞最緊要雞肉嫩滑，做到了，大大粒菜肉雲吞，仲有小唐菜，湯底濃濃嘅味道，令到已經覺得飽嘅我地，都係要叫碗“青菜煨麵”嚟食吓，麵質口感好，根本唔使其他嘢就咁食都得！甜品時間，我地原本想食芒果高力，可惜賣哂，最後食“芝麻高力雪糕”，個仔食到舔哂脷！又係一間一定會再返嚟食嘅食店！…查看更多

上海菜係🐻大愛中國菜系之一❣️「上海婆婆336」一向以平民價錢提供精緻高質滬菜，當中小籠包更係一絕😍今次就去尖沙咀店刷返餐🤪.🍴336上海小籠包💰$38（4隻）必食點心🌟一上檯已經冒哂熱♨️輕輕一夾頂部，整個小籠包可以盪鞦韆咁搖吓搖吓😍證明皮厚薄適中，啱啱好承受到包內湯汁，做到薄而不破👍🏻一入口充盈湯汁立即爆發💦帶豬肉鮮味又唔會太油膩😚蘸埋醋食更有提鮮作用，正😆.🍴話梅花雕醉雞💰$88雞肉皮薄，肉質嫩滑😙好香花雕味，酒味唔會太重😌份量都好多下，啖啖肉😝.🍴紅燒獅子頭💰$78獅子頭肉質鮮嫩，口感軟糯鬆化，配以香甜濃郁紅燒醬汁好好味😚旁邊仲有小棠菜、荀、菇片等配料，夠哂豐富😍.🍴336炒飯💰$82用醬油炒香，加入蝦仁、椰菜絲、紅椒青椒絲、火腿🔥炒飯粒粒分明非常乾身，雖然顏色偏深但唔會好鹹好濃味，當中仲帶少少辣，添加幾分惹味🌶️.🍴醬燒茄子💰$68醬汁炆煮過後嘅茄子綿軟細滑，濃郁入味😋送飯一流🤤.餐廳裝潢設計以工業風為主，再加入中式元素，夠晒特別🤓而且地方非常寬敞，坐得好舒服😌如果喺iSquare睇完戲拎埋飛尾仲可以有折扣🤪性價比非常高❤️…查看更多

謝謝儂在上海話中有謝謝你的意思，是菜館上海婆婆336意謂答謝顧客的支持。鎮江肴肉 水晶肴肉是鎮江的一款名菜，此菜肉瘦香酥、肥肉不膩，肉色鮮紅、皮色晶瑩、鹵凍透明，食用若以薑絲和鎮江香醋，風味更佳。336上海小籠包336上海小籠包皮薄肉汁鮮甜，食上海菜少不了的一道菜式。砂鍋雲吞雞 砂鍋雲吞雞有半隻雞、五粒菜肉大雲吞、一點小棠菜加幾片咸肉，雞湯熱辣辣，味道很清鮮，雞肉嫩滑又不會過腍，菜肉雲吞很結實碩大，每人食上兩三粒都有點飽。芋頭雪糕高力甜品叫了一客雪糕高力豆沙。高力豆沙外表挺身不會過於鬆軟，豆沙比例合適，芋頭雪糕半溶化狀態，加上朱古力槳，味道不太甜，蛋白鬆軟有彈性。…查看更多

今天同媽媽在尖沙咀shopping完, 周圍找下有咩好食, 媽媽鐘意食上海菜, 就來上海婆婆食晚飯, Isquare同尖沙咀地鐵站相連,超方便!先叫了花雕醉雞, 陣陣酒香浸住嫩滑雞肉，入口不油膩，散發淡淡花雕酒香,暖胃又補身! 另叫了馳名336上海小籠包，上枱熱辣辣，蒸得剛剛好，皮薄餡靚！砂鍋雲吞雞，真係有成隻雞，雲吞有六大粒，仲有小棠菜，份量超多！隻雞好入味，雞湯非常鮮甜，不會太油，雲吞新鮮爽滑！甜品點了雪糕冰粉，係榴槤味既雪糕，超濃厚同creamy! 加埋煙韌冰粉，超滿足！…查看更多