Flames (鴻圖道)

營業中

休息中

去食嘅當日黃雨，原本預約咗13:30，最後因為太大雨遲咗3個字，好彩都仲有留檯。今次人多又有小朋友，如果臨時冇位真係唔知點算好了🤣黑松露卡邦尼扁意粉雖然黑松露味唔算出，但係作為卡邦尼意粉都唔錯，夠creamy🍝🔥1/2葡式香辣燒春雞配薯條朋友話呢間嘅春雞唔錯就叫咗，隻雞燒得唔錯又唔會話鞋，同埋個辣醬好好食😋 呢間d薯條脆得都可以，份量又多。炸魚薯條配他他醬 炸魚個炸衣做得唔錯又夠脆，可惜佢個魚冇咩調味咁，唔點醬食係真係冇味🙈😂馬格麗特薄餅 🍕pizza正常厚度但唔會乾邊，而味道方面Yummy覺得啱啱好😌 水牛芝士本身都係d清淡d嘅芝士，但佢同個蕃茄醬各有一席位，唔會搶味，幾balance。另外都叫咗兩個Kids Set配果汁，其實同main menu大致相同，只係份量少d，所以冇特別影最後坐咗兩個鐘都冇俾人趕走，不過可能因為佢唔full嘅關係，但向香港要搵間坐得耐嘅餐廳實屬不易🤣

今日放假想嘆個weekend brunch，見到呢間Flames係openrice同google評價都唔錯，一於試下呢個澳洲式嘅早午餐！呢間旗艦店除咗樓底高之餘，有近半位置係開放式酒吧，裝潢以淺木色素搭配綠色植物，感覺清新舒服！如果揀Brekkie或者Brunch menu加$15就有是日餐湯或者沙律，蘑菇湯幼滑香濃，口感豐富，沙律就係煙三文魚沙律，清新開胃，兩款都係唔錯嘅前菜！1/2葡式香辣燒春雞配薯條（$128）果然係餐廳其中一款招牌菜式，切落件雞熱辣辣又超多汁，雞皮微脆香辣，雞件肉幾嫩，薯條炸到外脆內綿，蘸埋茄汁同特調香辣醬汁超惹味！FLAMES特盛早餐（$158）有烤煙肉、烤香腸、炒蛋、炒雜菇、烤蕃茄同酸種麵包，非常豐富，炒蛋幾滑，其中炒菇同煙肉嘅咸味比較突出，個人覺得如果麵包可以更香軟就好啦。鐘意食甜品嘅朋友不妨加$35試埋自家製蛋糕，今日就食咗chocolate mousse cake，口感結實綿密，朱古力味超濃郁，面頭嘅開心果仁碎增加口感同香氣！飲品方面，我哋加咗$18試下佢嘅Iced long black同Latte，熱咖啡比凍咖啡出色，如果想飲杯酒，仲有買一送一，幾抵

位於觀塘工業區附近新開一間既舒服又Chill的餐廳，設有室內外座位，主打西式美食，週末更有抵食Brunch Set，可以點幾份和朋友分享～ 而點任何Brunch Set更可享免費小童套餐，即使一家大小都十分適合！🍗1/2葡式香辣燒春雞配薯條 ½ Roast Peri Peri Spring Chicken ($128)賣相極吸引，份量十足！春雞外層香脆，內層肉質軟嫩Juicy，配上獨特的香辣醬汁，口感層次絕對昇華！🍝黑松露卡邦尼扁意粉 Truffle Carbonara Linguine ($108)份量剛剛好，意粉軟硬度適中，配以煙肉及雜菇；口感濃郁Creamy，每一口都吃到極香的黑松露味！

同同事慶生，一行5人係附近餐廳食午餐，可惜甜品冇得寫HAPPY BIRTHDAY，所以我地就冇叫了。叫了5個SET LUNCH 大家SHARE食，包一杯飲品。巴馬火腿凱撒沙律 - $98羅馬生菜新鮮爽脆，火腿都有好幾塊，凱撒沙律醬份量適中，咸咸香香幾開胃。½葡式香辣燒春雞 配薯條 - $90 春雞燒得剛好，雞皮香口之餘，肉質保持嫩滑，不失鮮味。但得一讚嘅係，佢嘅粗身薯條新鮮炸起，又香又熱又脆身，口感好好，超好食。黑松露蘑菇扁意粉 - $78 黑松露同蘑菇都好多，意粉軟硬度適中，撈埋一齊食好Creamy好好食，個人認為性價比最高卡邦尼扁意粉 $78 一樣都係甘Creamy，都有吾少煙肉同埋蘑菇粒，不過對比黑松露意粉之下，佢就冇甘香口了夏威夷薄餅 -$108 係我地甘叫嘅甘多個Lunch Set裡面，最貴又最吾好食嘅一個。形狀吾係好圓，雖然都好多火腿，而且菠蘿都多汁，但個皮佢燒焦左，好硬又有焦味，吾太吸引。