Orange Elephant Thai Restaurant (和富)

營業中

休息中

星期五Happy Friday同兩個朋友一齊食飯聚下。每日都有$1優惠，今日係泰式炸蝦餅，無理由唔叫架。泰式炸蝦餅係最好食既野，炸得好香脆。雜錦串燒豬牛雞各兩串，我食左雞同豬，我覺得無特別，豬肉有啲韌。肉碎生菜包微辣，生菜唔夠包晒肉碎，肉碎溝左唔少肥豬肉。生蝦刺身呢個唔錯，幾新鮮。鹹肉椰菜苗椰菜苗好食，鹹肉就好鞋。原個菠蘿海鮮焗飯飯濕濕地，整體都ok既。芒果冰磚無我想像中甘吸引，但都唔差，冰好綿，芒果糯米飯好食，芒果唔酸。我叫左龍眼冰少冰少甜，佢地叫番石榴冰同青檸梳打。

難得開返晚市，即刻要同朋友聚吓，新開嗰時試過，算係北角區內性價比高嘅泰菜，環境舒服，又無限用餐時間。泰式滷水豬髀焗粉絲煲 $108必試！熱辣辣滾住上枱，超有大排檔風味，眼見有八角丶胡椒粒丶薑片丶大蔥夠惹味，粉絲已經索哂所有香料嘅味，超好味！泰式豬髀件件肉腍，近乎無骨，連充滿膠質嘅豬皮亦都入哂味！😋燒原隻魷魚筒 $99坦白講，賣相似白烚多過燒，味道都係似無燒過嘅魷魚，係有啲詭異嘅～ 好在肉質厚，口感都唔差，算有鮮味，點啲泰式酸辣汁就更好泰式明爐烏頭魚 $1 (原價$169）每日都有$1優惠菜，特登揀星期一嚟，就係因為有泰式明爐烏頭魚，唔會因為$1而減份量，依然係一整條烏頭，香茅丶鹹檸檬丶唐芹，越滾越出味，要趁熱食！椰青 $42龍眼冰 $28

最近去左呢個泰國人主理餐廳食 #泰國菜, 連唔少店員都係泰國人, 感覺好地道, 仲識講流利嘅泰文+廣東話, 真係好神奇呀XD😯餐廳環境佈置幾靚, 坐位幾寬敞舒服, 好岩食飯吹水!呢間店一星期7️⃣日每晚都有唔同嘅「$1優惠菜式」, 而且每個菜式都相當有份量, 好抵食!👍🏻留意返果個星期邊日有心水菜式做推廣, 去用$1優惠Enjoy返! (每間分店唔同)🔹泰式明爐烏頭魚 (星期一$1, 原價169)當日星期1去食, 呢個菜式有限定$1優惠, 絕對冇因為優惠價而減少份量, 條魚好大，配菜好多, 真材實料!👍🏻魚肉唔鞋唔腥, 幾鮮味, 連埋配菜同酸酸地既湯食好夾, 好開胃!而且仲一路用小火爐🔥加熱保持溫度, 如果熄咗火，店員仲會主動問=駛唔駛換個爐, 好貼心, 秋冬食岩晒!唯一係等得比較耐, 但好食都係值得等既, 想食記得一去到就order!🔸泰式拼盤 ($149)呢個超足料, 份量好多, 有齊蝦餅, 春卷, 魚餅, 香藥包雞, 每樣各2件, 真係食完呢碟野都飽飽地XD😂😂蝦餅外脆內彈牙, 炸粉好薄又唔會分離, 蘸埋配搭既甜酸醬汁一流呀!魚餅充滿香料味道, 鮮味好出, 咬落好爽口!春卷好大件,

和富中心商場最近被打造成和富薈，引入了不少特色餐廳，作為街坊的我當然每家都要品嚐一下！今天就試試衝出九龍城的橙象泰菜餐廳環境以灰色和木色系為主調， 加上植物擺設， 的確有讓人置身泰國的感覺頭盤點了廚師推介的生蝦刺身！六隻鮮蝦分别裝在六隻透明小玻璃杯裡，配有苦瓜、辣椒及生蒜，賣相一流、食材新鮮焗大頭蝦粉絲煲的蝦肉肥大鮮嫩， 頭大多膏！粉絲吸收了蝦和香料的精華，味道甘香濃郁凡於晚市堂食惠顧主餐牌內兩個項目便可以優惠價$1加配當天的精選菜式飛天通菜鮮嫩無渣，用上泰式豆醬， 炒得夠鑊氣，鹹香惹味吃泰菜又怎少得泰式飲料？龍眼冰有很多鮮龍眼肉，味道清甜有果香， 怡人解渴這裡還有Mango Mania的甜品，下次要來試一下